Ասում էին՝ շատ ենք սիրում երաժշտություն. Հանրային ռադիոյի տնօրենի պաշտոնը մասնակիցների կողմից որպես հոբբի է ընկալվում

Հանրային ռադիոյի տնօրենին ընտրող մրցութային ժամանակավոր հանձնաժողովը լծված է թեկնածուների ծրագրերի ուսումնասիրման եւ քննարկման գործին: Մինչեւ ապրիլ ամիս հայտնի կդառնա տնօրենի անունը: Հանրային հեռուստառադիոխորհրդի հանձնաժողովի քարտուղար Լեւոն Գալստյանի փոխանցմամբ՝ մարտի 12-ից մրցույթի մասնակիցները հրավիրվում են հանձնաժողովի անդամների մոտ եւ ներկայացնում իրենց ծրագրերը:

30 մասնակիցներից 16-ն արդեն մասնակցել են քննարկմանն ու որոշակի պատկերացում թողել իրենց մասին: Հանրային հեռուստառադիոխորհրդի հանձնաժողովի քարտուղարի խոսքով՝ արդեն ուսումնասիրված 16 մասնակիցների թվում կան մարդիկ, ովքեր իրենց մասնագիտությամբ եւ զբաղմունքով ոչ մի կերպ չեն համապատասխանում հայտարարության մեջ նշված պայմաններին:

Լեւոն Գալստյանի փոխանցմամբ՝ մրցույթի մասնակիցների թվում կային մարդիկ, որոնք Հանրային ռադիոյի տնօրենի պաշտոնն ընկալում էին որպես հոբբի. «Ասում էին՝ շատ ենք սիրում երաժշտություն, կամ նմանատիպ բաներ. երաժշտություն սիրելը գուցե անհրաժեշտ, բայց ոչ բավարար պայման է՝ պատասխանատու աշխատանքը ստանձնելու գործում»:

Այնուամենայինիվ, Հանրային հեռուստառադիոխորհրդի հանձնաժողովի քարտուղարը ուրախությամբ փաստեց, որ մասնակիցների թվում քիչ չեն խոստումնալից երիտասարդները: «Երիտասարդների ներգրավվածությունը մեզ ուրախացնում է, եթե մարդ հստակ ծրագրային պատկերացումներ ունի, գիտի՝ ինչպես պետք է վարվել կառավարման ոլորտում, կամ ինչպիսի բովանդակային փոփոխություններ պետք է արվեն հաղորդացանցում, ապա այս դեպքում մասնակցի երիտասարդ լինելը միայն որպես առավելություն է դիտվում»,-ասաց Գալստյանը` հավելելով, որ նման պարագայում գործ կունենան նաեւ եռանդուն մարդու հետ:

Հիշեցնենեք, որ Հանրային ռադիոյի գործադիր տնօրենի մրցույթում հաղթողի անունը պետք է հայտարարվեր մարտի 11-ին, սակայն տնօրենին ընտրող մրցութային ժամանակավոր հանձնաժողովի նախագահ Երվանդ Երզնկյանը դիմել էր Հանրային հեռուստառադիոընկերության խորհրդին` առաջարկելով մրցույթի մասնակիցների փաստաթղթերի ուսումնասիրման եւ մրցույթում հաղթողի որոշման կայացման ժամկետը երկարացնել եւս 20 աշխատանքային օրով:

Ընտրող հանձնաժողովի կազմում են կինոդրամատուրգ Լեւոն Գալստյանը, գրող, հրապարակախոս Մերուժան Տեր-Գուլանյանը, հաղորդավար, դերասան, թարգմանիչ ու ասմունքող Սարգիս Նաջարյանը եւ Հ1-ի ծրագրերի նախկին տնօրեն Մարատ Օրդյանը:

Տպել
700 դիտում

Հայկ Մարությանն ընդունել է Ստեփանակերտի նորընտիր քաղաքապետին

Այսօր կանցկացվի Խնձորի առաջին փառատոնը

Մեր սիրած կիրակին. Նիկոլ Փաշինյանն ընտանիքի հետ պիկնիկ է անում (տեսանյութ)

Արտաշատում հարազատների գերեզմանի մոտից հրազենային վնասվածքով հիվանդանոց է տեղափոխվել 35-ամյա տղամարդ

Մեր սիրած կիրակին. Աննա Հակոբյանը լուսանկար է հրապարակել

«Ավրորա»-ն դարձել է մեր՝ «Խաղաղության համար շնորհվող Նոբելյան Մրցանակը». Նիկոլ Փաշինյան

Հայկ Մարությանն ու Էրմիտաժի գլխավոր տնօրենն այցելել են Կարմիր բլուր հնավայր

Երևանի բոլոր վարչական շրջաններում գիշերը տոնական միաժամանակյա հրավառություն է եղել

Հրդեհ է բռնկվել Արագածոտնի մարզի Աղձք գյուղի մշակույթի նախկին տանը

Տեղեկությունները, թե «Գյումրու տուն-ինտերնատ»ի տարեց խնամյալները դուրս են հանվելու, կեղտոտ մանիպուլյացիա են. նախարար

Սյունիքի մարզում ՈւԱԶ-ը դուրս է եկել երթևեկելի գոտուց և հայտնվել ձորում. վարորդը հոսպիտալացվել է

Լիբանանում ՀՀ դեսպանությունը հորդորում է Բեյրութ այցելած ՀՀ քաղաքացիներին հեռու մնալ մարդաշատ վայրերից

Բանջարաբոստանային կրքեր. նախընտրական կմախքներ ՀՀԿ-ից

Երևանի տոնին նվիրված հրավառությունից հետո հրդեհ է բռնկվել Մատենադարանի հետնամասում. այրվել է մոտ 4000 քմ խոտածածկույթ

Ձայներ առնեմ ցորենով. իրավախախտ «բարեգործները»

Բենդերը, բայց ոչ՝ օստապ. ո՞ւր են կորել դպրոցի փողերը

Հրդեհ՝ Երևանի Բատիկյան փողոցում. տանը հայտնաբերվել է բնակչի դին

Նիկոլ Փաշինյանը՝ մեծ կտավի մեկ մասնիկի առաջին գնորդն ու կտավն ամբողջացնող վերջին այցելուն Գյումրիում

Աննա Հակոբյանը մասնակցել է Ararat challange փառատոնի բացման արարողությանը

Բաքվում չարտոնված ցույցի պատճառով փակել են մետրոյի երեք կայարան