ՍԵՔՅՈՒՐԻԹԻ ԴՐԻՄԻ հիմնադիրները անօրինակա՞ն են լուծել պայմանագիրը «Թուլս Թաուն»-ի հետ

Լուսանկարում՝ Արամ Ղլեչյանը

Մարտի 19-ին ոստիկանությունը գործողություններ է իրականացրել Հատուկ կոնստրուկտորական տեխնոլոգիական ինֆորմացիոն ձեռնարկության տարածքում (Նիկողայոս Տիգրանյան 27) վարձակալական հիմունքներով գործող «Թուլս Թաուն» ՍՊԸ-ում: «Թուլս Թաուն» ՍՊԸ-ն շինանյութի եւ գործիքների խանութ է:

«Հայկական ժամանակ»-ի հետ զրույցում «Թուլս Թաուն» ՍՊԸ-ի փաստաբան Արամ Ղլեչյանը մանրամասներ ներկայացրեց դեպքից: Ղլեչյանը նախ նշեց, որ ձեռնարկությունը պատկանում է «Սեքյուրթի Դրիմ» ընկերության հիմնադիրներ Ալեքսան եւ Գուրգեն Զաքարյաններին:

«Մարտի 14-ին «Թուլս Թաուն»-ի սեփանակատեր Վահե Հակոբյանը ազատել է ընկերության տնօրենի պաշտոնը զբաղեցնող Ռուբիկ Հայրապետյանին, քանի որ կասկածում էր որոշակի գործարքների մեջ մտնելու համար: Հայրապետյանը սկսել է Զաքարյանների հետ համագործակցել, դրա համար էլ տնօրենի պաշտոնից հեռացվեց: Մարտի 19-ին ես եւ Վահե Հակոբյանը արդեն ազատված տնօրենից պահանջել ենք հանձնում-ընդունում եւ գույքագրում իրականացնել: Այդ ընթացքում ձեռնարկության սեփականատերերից Գուրգեն Զաքարյանը զանգահարել է ոստիկանություն՝ ասելով, որ անհայտ անձինք ներխուժել են տարածք՝ նկատի ունենալով ինձ եւ Վահե Հակոբյանին»,- պատմեց Ղլեչյանը:

Փաստաբանի խոսքով՝ իրենք ոստիկաններին ներկայացրել են պետռեգիստրի վկայականը, որտեղ երեւում է, որ խանութը գրանցված է Նիկողայոս Տիգրանյան 27 հասցեում. «Ոստիկանությունը մեզ ասաց, որ վարձակալության պայմանագիրը խզել են, ազատեք տարածքը: Մենք ասացինք, որ կամովի դուրս չենք գա: Նրանք էլ ասացին, թե եթե կամովի դուրս չգանք, հարկադրաբար կհանեն: Որպեսզի բացառվի բռնությունը, մենք դուրս եկանք»,- ասաց Ղլեչյանը:

Փաստաբանի խոսքով՝ ձեռնարկության հետ վարձակալության պայմանագիրը անժամկետ է եղել եւ կարող էր խզվել միայն փոխադարձ համաձայնությամբ կամ դատական կարգով. «Մի հատ առ ոչինչ լուծման պայմանագիր են ստորագրել, որը իրավական ուժ չունի»,- ասաց Ղլեչյանը:

Ղլեչյանը նշեց, որ ոստիկանությունը ողջամիտ ժամկետ չի տրամադրել, որպեսզի «Թուլս Թաուն»-ի ներկայացուցիչները գնան եւ բերեն վարձակալության պայմանագիրը. «Այդ ընթացքում, երբ մենք դուրս էինք գալիս տարածքից, այդտեղ են գալիս նաեւ ձեռնարկության տարածքի պահպանությամբ զբաղվող պահնորդները, որոնցից մեկը հարվածում է ինձ»,- ասաց Ղլեչյանը:

Ղլեչյանը նշեց, որ դրա մասին անմիջապես տեղեկացրել է ոչ հեռու գտնվող ոստիկանին, սակայն ոստկանն ասել է՝ մենք չենք տեսել, որ ձեզ հարվածում են եւ անգամ հարվածողի ինքնությունը չեն պարզել:

«Դրանից հետո ոստիկանները տարածքը փակել են եւ բանալիները հանձնել են Զաքարյաններին՝ առանց գույքագրում անելու: Իսկ գույքագրում չեն արել՝ ասելով, որ տարածքում տեսախցիկ կա եւ այնտեղից չեն կարող ոչինչ տանել»,- պատմեց փաստաբանը:

Ղլեչյանի խոսքով՝ հաջորդ օրը՝ մարտի 20-ին, խանութը բացվել է ինչ-որ մեկի կողմից եւ խանութի ներսից հայտարարություն է փակցվել, որ այն 4 օր չի աշխատելու:

«Մենք պահանջում ենք, որ ոստիկանությունը դադարեցնի ոչ իրավաչափ գործողությունները: Մենք դիմել ենք Հատուկ քննչական ծառայություն՝ ոստիկանության իրականացրած քայլերի համար եւ պատրաստվում ենք նաեւ դատական հայց ներկայացնել»,- ասաց Ղլեչյանը: 

ՀՀ ոստիկանության ԶԼՄ-ների հետ կապի բաժնի պետ Զարզանդ Գաբրիելյանը ՀԺ-ի հետ զրույցում ասաց, որ «Սեքյուրիթի Դրիմ» ընկերության սեփականատերերից մեկն ահազանգել է ոստիկանություն՝ նշելով, որ մարդիկ են մտել իրենց տարածք եւ դուրս չեն գալիս: «Օպերատիվ խումբ է մեկնել, սեփականատերը փաստաթուղթ է ներկայացրել, որ «Թուլս Թաուն» ՍՊԸ-ի պայմանագրի ժամկետը լրացել է եւ այն արդեն լուծված է եւ խնդրել են ոստիկանության միջնորդությունը՝ տարածքն ազատելու համար: Ոստիկանների ժամանումից հետո տարածքն ազատվել է ու հանձնվել սեփականատիրոջը: Ոստիկանության գործողությունների վերաբերյալ մարտի 25-ին «Թուլս Թաուն»-ի տնօրենը հաղորդում է տվել ոստիկանության ներքին անվտանգության վարչությունում՝ դժգոհելով ոստիկանների գործողություններից: Նախապատրաստված նյութերը ներքին անվտանգության վարչությունից ուղարկվել է ՀՔԾ»,- ասաց Գաբրիելյանը:

ՀԺ-ն Գաբրիելյանից նաեւ հետաքրքվեց՝ արդյո՞ք փաստաբան Ղլեչյանին հարվածելու համար ինչ-որ գործողություններ իրականացվել են. «Մարտի 19-ին, ժամը 15:35-ին Ա. Ղլեչյանը ահազանգել է ոստիկանություն եւ հայտնել, որ ինքը գտնվում է Տիգրանյան փողոցի 27 հասցեում՝ փաստաբանական գործունեություն իրականացնելու նպատակով, սակայն անվտանգության ծառայության աշխատակիցները ոստիկանության ծառայողների ներկայությամբ իր հանդեպ բռնություն են կիրառել: Այդ փաստով հաղորդում է ընդունվել նշված անձից, այս պահին նյութերի նախապատրաստման փուլում են»,- Գաբրիելյանը:

Տպել
1564 դիտում

Ներքին տեղեկությունները Հայաստանից Ադրբեջանում հայտնվել չեն կարող. Արթուր Վանեցյան

«Women’s Club»-ի նոր անդամ Արենա Զեյնալյանի կերպարը կոտրելու է տարածված կարծրատիպը

Հայաստանում ներդրվում է անշարժ գույքի միասնական հարկատեսակը. գործադիրը հաստատեց նախագիծը

Ես այս ընթացքում բազմաթիվ աղաղակող կոպիտ թերություններ եմ տեսել. վարչապետ

Սուրբ Հովհաննես Կարապետի մասունքը տարվել է Շողակաթի վանք

Սահմանադրական դատարանի նախագահի լիազորությունները ստանձնում է Վահե Գրիգորյանը․ նա երդվեց խորհրդարանում

Գործող հողի հարկին եւ գույքահարկին փոխարինելու է գալիս միասնական անշարժ գույքի հարկի գաղափարը. Պետրոսյան

Եվրոպական խաղերի բացման ժամանակ ՀՀ դրոշակակիրը կլինի Եվրոպայի չեմպիոն Բաչկովը

Ադրբեջանը մոտ 5%-ով ավելացնելու է ռազմական ծախսերը

Արդյունքում կունենանք 25 մլն խմ ծավալով ջրատար, նաեւ ոռոգման ենթակա կդառնա եւս 740 հա նոր հողատարածքներ. Պապիկյան

19-ամյա 6 երիտասարդների տարկետում է տրվել, որպեսզի կարողանան ավարտել դպրոցը

Առաջարկում ենք այդ նախագծի քննարկումը հետաձգել. Քյարամյանի առաջարկով հետաձգվեց գումարի հատկացման վերաբերյալ նախագիծը

Կառավարության որոշմամբ բասկետբոլի ազգային հավաքականի 3 խաղացողներ ազատվեցին զինծառայությունից

Ինձ էս օրը քցողը, ոչնչացնողը պետք ա ստանա արժանի պատիժ, ընտանիքս ոչնչացել ա. Մարտի 1-ի գործով տուժող

Միջադեպ Վրաստանի խորհրդարանում. հայկական պատվիրակությունը լքել է նիստերի դահլիճը

The Sun-ը պատմում է բրիտանացու մասին, որը ՀՀ-ում հիմնել է «Դիլիջան» ֆուտբոլային թիմը

Կառավարությունը 50 մլն դրամ կհատկացնի՝ Մանսուրյանի 80-ամյա հոբելյանին նվիրված միջազգային փառատոնի իրականացման համար

Վերաքննիչ դատարանը ուժի մեջ է թողել Միհրան Պողոսյանին կալանավորելու որոշումը. բողոքը մերժվել է

Գյումրիում որդին սպանել է մորը. ոստիկանները հայտնաբերել են կասկածյալին

Մեղավորները պետք է պատժվեն. Զաքար Հովհաննիսյանի քույրը եկել է դատարան