Փրկարարներն արգելափակումից դուրս են բերել շուրջ 240 ավտոմեքենա

26/03/2019 schedule14:10

Գարունն արդեն գրեթե մեկ ամիս է մտել է լիիրավ իրավունքների մեջ, այդուհանդերձ մարտի 25-26-ն ընկած ժամանակահատվածում ճանապարհներին արգելափակված մի շարք քաղաքացիներից ստացվել են մեծաքանակ ահազանգեր:

Ինչպես հայտնում են ԱԻՆ-ի մամուլի ծառայությունից, փրկարարներն արձագանքել են արգելափակման վերաբերյալ 9 ահազանգի և օգնության հասել քաղաքացիներին: 

Մարտի 25-ին՝ ժամը 19:37-ին, «911» ծառայություն ահազանգ է ստացվել որ, Արագածոտնի մարզի Մելիք գյուղի ավտոճանապարհին ավտոմեքենաներ են արգելափակվել ձյան շերտում. դուրս բերելու համար անհրաժեշտ է փրկարարների օգնությունը: Դեպքի վայր է մեկնել թիվ 21 ՀՓՋ-ի մարտական հաշվարկը: Կատարված համատեղ աշխատանքի արդունքում փրկարարները և ՃՇՇ-ի աշխատակիցներն արգելափակումից դուրս են բերել 22 ավտոմեքենա՝ օգնություն ցուցաբերելով տրանսպորտային միջոցներում առկա 80 ուղևորի:

Նույն օրը՝ ժամը 20:42-ին, «911» ծառայությանը տեղեկություն է հաղորդվել, որ Արագածոտնի մարզի Ճարճակիս գյուղի ճանապարհին ավտոմեքենա է արգելափակվել ձյան շերտում, և այն դուրս բերելու համար անհրաժեշտ է փրկարարների օգնությունը: Դեպքի վայր մեկնած ԱԻՆ ՓԾ հրշեջ-փրկարարական ջոկատից մեկ մարտական հաշվարկն արգելափակումից դուրս է բերել 3 ավտոմեքենա՝ 5 ուղևորներով:

Գեղարքունիքի մարզից մարտի 25-ին՝ ժամը 13:48-ին, «911» ծառայությանն ահազանգ է ստացվել, որ Սոթք-Քարվաճառ ավտոճանապարհին ավտոմեքենաններ են արգելափակվել ձյան շերտում: Դեպքի վայր մեկնած փրկարարներն արգելափակումից դուրս են բերել 4 ավտոմեքենա՝ օգնություն ցուցաբերելով 16 քաղաքացու:

Սոթք-Քարվաճառ ավտոճանապարհից ևս մեկ ահազանգ ստացվել է մարտի 25-ի երեկոյան ժամը 21:48-ին: Այս անգամ արգելափակման մեջ հայնվել էր բեռնատար ավտոմեքենա: Փրկարարների և Վարդենիսի ՃՇՇ աշխատակիցների համատեղ աշխատանքի արդյունքում բեռնատարը շարունակել է ընթացքը:

Արգելափակված մի շարք քաղաքացիներից «911» ծառայություն ահազանգներ են ստացվել նաև Շիրակի մարզից: Մարտի 25-ի առավոտյան Հոռոմ-Մարալիկ ավտոճանապարհին փրկարարներն արգելափակումից դուրս են բերել 7 ավտոմեքենա՝ օգնություն ցուցաբերելով 14 ուղևորի:

Մարզի մեկ այլ՝ Թավշուտ գյուղի ավտոճանապարհին ավտոմեքենան արգելափակվել է ձյան մեջ: Այստեղ ևս կատարված աշխատանքների արդյունքում հրշեջ-փրկարարներն արգելափակումից դուրս են բերել 3 ավտոմեքենա և 9 ուղևորի:

Մարտի 25-ին՝ ժամը 17:29-ին, ահազանգ է ստացվել, որ Սալուտ-Վարդաղբյուր ավտոճանապարհին «Հայփոստ»-ի ավտոմեքենան արգելափակվել է ձյան շերտում: Փրկարարների կողմից կատարված աշխատանքների արդյունքում «Հայփոստ»-ի և ևս երկու ավտոմեքենա դուրս է բերվել արգելափակումից:

ժամը 20:11-ին ահազանգ է ստացվել, որ Մուսայելյան-Սալուտ ավտոճանապարհին ավտոմեքենան արգելափակվել է ձյան շերտում, և դուրս բերելու համար անհրաժեշտ է փրկարարների օգնությունը: Հրշեջ-փրկարարներն օգնություն են ցուցաբերել 3 ավտոմեքենայի՝ 9 ուղևորներով:

Խոշորածավալ արգելափակման միջադեպ է գրանցվել Վայոց ձորի մարզում՝ Սարավան-Սարալանջ ավտոճանապարհին: Ժամը 15:38-ին ահազանգ է ստացվել, որ բեռնատարը ձնաբքի հետևանքով սահել է և մկրատաձև դիրք ընդունելով՝ երկկողմանի փակել ավտոճանապարհը:

Դեպքի վայր են մեկնել ԱԻՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատից մեկ մարտական հաշվարկ, որը ճանապարհին առաջացած խցանման պատճառով ճանապարհի մոտ 500 մետրը շարունակել է ոտքով:

Մինչ փրկարարների՝ կանչի վայր հասնելը, Մ-2 ավտոճանապարհի Երևան-Մեղրի հատվածի 163-րդ կմ-ին «Renault» մակնիշի բեռնատարը Վայքի ՃՇՇ-ի հատուկ տեխնիկայի օգնությամբ ուղղվել է, և ճանապարհը դարձել է երթևեկելի:

Պարզվել է, որ ճանապարհահատվածում կա արգելափակված մոտ 200 ավտոմեքենա: Բոլոր մեքենաները դուրս են բերվել արգելափալումից:

Տպել
466 դիտում

Քաղաքացին տպարանում տպագրել 10 հազար դրամանոց թղթադրամներ և իրացրել այն Երևանում ու մարզերում. ԱԱԾ (տեսանյութ)

Պետության հետ վերջնագրերով խոսելն անթույլատրելի է. Օսիպյանը ներկայացրել է Տավուշի մարզի նոր ոստիկանապետին (լուսանկարներ)

Սինգապուրի իշխանությունները 9 տոննա անօրինական փղոսկր են առգրավել

Քաղաքացին նետվել է Դավթաշենի կամրջից. տեղում են փրկարարները. ԱԻՆ

ՍԴ-ն կասեցրել է Ռոբերտ Քոչարյանի գործով առաջին ատյանի դատարանի դիմումի հիման վրա գործի վարույթը

Ոստիկանները սոցապ տեսուչին բռնեցին կաշառք ստանալուց անմիջապես հետո (տեսանյութ)

ՀՀ ԶՈՒ զինծառայողները կմասնակցեն «Միջազգային բանակային խաղեր-2019» մրցաշարի շրջանակում անցկացվող մրցումներին

Կառավարության նպատակը քաղաքացու և ներդրողի համար դատական համակարգը վստահելի դարձնելն է. նախարար

Հայաստանն ու Վրաստանը հարկերի հավաքման ոլորտում փոխանակվել են փորձով

Առևտրի խթանում. նախարարությունում քննարկվել է լաբորատորիաների վերազինումը և հավատարմագրման մարմնին տրվող աջակցությունը

ՀԱՅԲԻԶՆԵՍԲԱՆԿԸ համալրեց իր մասնաճյուղային ցանցը նորաբաց «ՄԱՍԻՎ» մասնաճյուղով (լուսանկարներ)

Մենչի զվարճալի հանգիստը Ճապոնիայում «Նոր հայերի» ընկերների հետ (լուսանկարներ)

Վարչապետն ուղղաթիռով Իջեւան չի մեկնել․ ուղղաթիռը վերջին անգամ օգտագործել է Արմեն Սարգսյանը

Հենրիխ Մխիթարյանը նկարահանվել է adidas ընկերության գովազդում. խոսել է հայերեն (տեսանյութ)

Բորիս Ջոնսոնը կդառնա Մեծ Բրիտանիայի հաջորդ վարչապետը

Զոհրաբ Մնացականյանը hուլիսի 24-ից 25-ը պաշտոնական այց կկատարի Վրաստան

Լոռեցի համայնքապետերն ու բնակիչները տարբեր մոտեցումներ ունեն սպասվող խոշորացման վերաբերյալ

Գողացված գաղափար և նվիրատվություններ. «Տիկնիկների պատկերասրահ» ՀԿ-ն միլիոններ է ստացել ու անհետացել

ԱԱԾ-ի կողմից հետապնդվող օլիգարխ, դավաճան սիրուհի եւ թմրամոլ որդի. Պարոնյանում հեղափոխական պրեմիերա է սպասվում

ԱՄՆ-Ադրբեջան համագործակցությունը հակաիրանական է. ՀՀ-ԱՄՆ հարաբերությունների հեռանկարը