Նախնական վարկածով՝ ինքնասպան եղած 10-ամյա գյումրեցին գերազանց երեխա էր, ամուր կամքի տեր

Գյումրիում պտտվող խոսակցություններ կան, որ երեկ, թիվ 24 դպրոցի աշակերտ 10 տարեկան Դավիթ Գալոյանը ոչ թե ինքնասպան է եղել, այլ սպանվել է, եւ, որ մայրը տղային գտել է ոչ թե կախված վիճակում, այլ հայտնաբերել է մահացած՝ վզին էլ ամուր գոտի փաթաթված: 

Ինչպես է իրականում կատարվել դեպքը, այս պահին դեռ անհայտ է: Թիվ 24 դպրոցի տնօրեն Հակոբ Հակոբյանը ՀԺ-ի հետ զրույցում ասաց՝ ցնցված են կատարվածից: «Գերազանց երեխա էր, հոգատար ծնող ուներ: Մոր հետ տնակում էր ապրում: Մենք շոկի մեջ ենք, չենք հասկանում, թե ինչ կարող է պատահած լինի: Դավիթը նորմալ երեխա էր, նորմալ շփվում էր բոլորի հետ ե՛ւ համադասարանցիների, ե՛ւ ուսուցիչների ե՛ւ դպրոցի մյուս աշակերտների: Շատ պարտաճանաչ էր: Անցյալ տարի ոտքը կոտրվել էր, հենակով էր գալիս դպրոց: Ասեցինք, կարող ես չգալ, որովհետեւ դժվարությամբ, ընկերների օգնությամբ էր բարձրանում 2-րդ հարկ: Բայց չբացակայեց: Ասեց տանը հաճելի չէ մենակ մնալը: Դավիթը շախմատի էր հաճախում: Ես երեկ եմ նաեւ իմացել, որ կիթառի էլ էր գնում: Շատ նորմալ երեխա էր: Թե ինչ կարող էր պատահած լինել, չենք պատկերացնում նույնիսկ: Դասերից հետո տանը մենակ էր, մինչեւ մայրն աշխատանքից գալիս էր տուն»,-պատմեց դպրոցի տնօրենը:

Գարնանային արձակուրդներ են հիմա դպրոցներում, երեխային դպրոցում տեսել են անցյալ ուրբաթ օրը: Թե այս վերջին շաբաթում ինչ կարող էր պատահած լինել, ում հետ է շփվել, դպրոցի տնօրենը չգիտի: «Ինքը երեկ շատ ուրախ է եղել, հաղթել է շախմատի մրցումը, մորը զանգել, ուրախ հայտնել է լուրը, եւ էդպես է եղել, հիմա մենք ահավոր հոգեվիճակում ենք»:

Դավթի ծնողներն ամուսնալուծված են: Հայրն ուրիշ ընտանիք ունի: Հավանաբար տղայի հետ կապ չի ունեցել, քանի որ դպրոցում նրան երբեք չեն տեսել: «Ամուսնալուծված ընտանքիների երեխաներ կան, որ մեկ-մեկ եթե հոր հետ են ապրում, մայրը, իսկ եթե մոր հետ են ապրում երեխաները, ապա հայրն է գալիս դպրոց: Դավիթի պարագայում մենք երբեք հորը չենք տեսել, ոչ մի անգամ դպրոց չի եկել, դրա համար կարծում ենք, որ շփում չեն ունեցել»:

Դավիթը 5-րդ դասարանում էր սովորում, երբեք անկանոն կամ վատ վարքով աչքի չի ընկել, գերազանց սովորող է եղել, ընտանիքի միակ երեխան էր:

«Ես չգիտեմ, թե թաղում ում հետ էր շփվում, դպրոցում արտառոց բան չենք նկատել, որ ասենք լարված հարաբերություն ունենա համադասարանցիների, կամ այլ դասարանների աշակերտների, կամ ուսուցիչների հետ: Ախր ոչ մի բան չկա, որ ենթադրես, թե գուցե դա լիներ պատճառ: Օրինակ, եթե ինքը պարտված լիներ, դե երեխա է, կարող է խորը ընկճվեր, հոգեբանական ծանր պահ ապրեր, ճնշվեր: Նույնիսկ դա էդպես չի, որովհետեւ Դավիթը երեկ հաղթել էր: Եթե ինչ-որ այլ պատճառ կա, ուրեմն դա, իմ կարծիքով, ստեղծվել է այս վերջին մեկ շաբաթվա ընթացքում»:

Հիշեցնենք, որ դեպքը տեղի էր ունեցել երեկ, մարտի 29-ին: Դավիթ Գալոյանին մահացած վիճակում հայտնաբերել էր մայրը, ով Գյումրի բժշկական կենտրոնում աշխատում է որպես բուժքույր:

Դեպքով հարուցվել է քրեական գործ՝ ՀՀ ՔՕ 110 հոդվածի 1-ին մասով: 

Տպել
18970 դիտում

Գյումրիում մեքենաները մաքսազերծվում են 20 րոպեում. Հյուսիսային մաքսատունն անցել է աշխատանքային ռեժիմի

Ուզում եմ շնորհակալություն հայտնել բոլոր մարդկանց, ում շնորհիվ հաղթահարեցինք աղբահանության ճգնաժամը. Հայկ Մարության

ՍԴ-ն մերժեց Հրայր Թովմասյանի լիազորությունները դադարեցնելու վերաբերյալ ԱԺ դիմումը վարույթ ընդունել

Թուրքիային աջակցող «Սիրիայի ազգային բանակ» խմբավորումը հայտարարություն է տարածել

Արման Սարգսյանը ոստիկանության Սյունիքի մարզային վարչության անձնակազմին ներկայացրեց նորանշանակ պետին

Աննա Հակոբյանը Շվեյցարիա է մեկնել Երևան-Մոսկվա-Ժնև սովորական չվերթով, էկոնոմ դասով ու վերադարձել նույնով

Նախարար Հակոբ Արշակյանը ԱՄէ-ում մասնակցում է «Արհեստական բանականությունը սպորտում» համաժողովին

Կաթողիկոսը Աննա Հակոբյանից հետաքրքրվել է Մեհրիբան Ալիեւայի հետ նույն ինքնաթիռով մեկնելու լուրերի մասին

Հայբիզնեսբանկը հանդես է գալիս բարելավված և ավելի շահավետ պայմաններով՝ «ABB-ավտո» վարկատեսակով

Այս տարվա 9 ամիսներին 39 զինծառայող է զոհվել Արցախում ու Հայաստանում. դատախազություն

Քիմ Քարդաշյանի ամուսինը պաշտոնապես հայտարարել է քրիստոնեություն ընդունելու մասին

Քննարկվել է Աշխատանքի և սոցիալական հարցերի նախարարության 2020 թ. պետական բյուջետային հատկացումների հայտը

«Սանիթեք» ընկերությունը սկսել է միջազգային արբիտրաժային դատարան դիմելու գործընթացը

Նոր մեգանախագիծ. աշխարհի տարբեր ծայրերից Երևան կժամանեն մեր օրերի լեգենդար կոմպոզիտորները

ԵԱՀԿ Մինսկի խմբի համանախագահներն այսօր եւ վաղը Հայաստանում են լինելու․ ԱԳՆ խոսնակ

Թուրքիայի նախագահը մեկնել է Ադրբեջան

Ակնկալում ենք վրացական կողմի պարզաբանումը․ Աննա Նաղդալյանը՝ հայ լրագրողների՝ Վրաստան մուտքն արգելելու մասին

Հայաստանը պայմաններ է ստեղծում Union Pay վճարային համակարգին միանալու համար, ինչը կօգնի չինացի զբոսաշրջիկներին

Թուրքիայի հարձակման հետևանքով սպանվել է 2 քուրդ լրագրող, եւս 4-ը վիրավոր են

2019-ի առաջին կիսամյակում Հայաստանում 253 մլն դրամով շատ ներդրում է իրականացվել, քան 2018-ի նույն շրջանում. նախարար