Այսօր դպրոցն է գյուղը պահողը. 2 աշակերտ ունեցող Գեղաքարի դպրոցի տնօրենը կհամաձայնի դպրոցը փակելու որոշմանը

Գեղարքունիքի մարզի Գեղաքար գյուղի միջնակարգ դպրոցում սովորում է ընդամենը երկու աշակերտ՝ 8-րդ դասարանում սովորող Արայիկը եւ 1-ին դասարանում սովորող Իրինան: Նախորդ տարվա սեպտեմբերից Արայիկին, որը դպրոցի միակ աշակերտն էր, միացավ նաև Իրինան:

ՀՀ ԿԳ նախարար Արայիկ Հարությունյանը վերջերս Ազգային ժողովի գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նիստում հայտարարարել էր, որ այդ դպրոցի 1 աշակերտի կրթությունն ապահովելու համար պետական բյուջեից ամեն տարի 19 մլն դրամ է ծախսվում: Նա նաեւ նշել էր, որ գյուղական դպրոցներում աշակերտների փոքր թվով պայմանավորված՝ հաճախ երեխաները ստիպված են լինում սովորել միացված դասարաններում: «Նա թերեւս աշխարհի «ամենաթանկարժեք» աշակերտն է: Ընդ որում, այս աշակերտին բերել են բոլորովին այլ մարզից, որպեսզի դպրոցը կարողանան պահել»- հայտարարել էր նախարարը:

Նախարարի առաջարկով, պետք է համայնքների, ինչպես նաեւ ծնողների հետ աշխատել, որպեսզի հնարավորություն ստեղծվի, օրինակ, մի գյուղի 5-րդ դասարանցիներին բերել մյուս գյուղի 5-րդ դասարան եւ լիարժեք դասարան ձեւավորել, իսկ 6-րդ դասարանցիներին տանել այն գյուղի 6-րդ դասարան, որ նրանք լիարժեք կրթություն կարողանան ստանալ:

«Հայկական ժամանակ»-ի հետ զրույցում Գեղաքարի դպրոցի տնօրեն Թագուհի Աթայանն ուրախությամբ նշեց, որ դպրոցում արդեն 2 աշակերտ է սովորում: Դպրոցը ուսումնական տարիների ընթացքում ունեցել է մոտ 10 աշակետ, սակայն վեջին 2 տարվա ընթացքում գյուղից բնակչության արտահոսքի պատճառով գյուղում մարդ չի մնացել: Մեր զրույցում Թագուհի Աթայանը նշեց, որ, ցավոք, տեղյակ է նախարարի հայտարարությանը:

«Եթե կառավարությունը դպրոցը փակելու որոշում կայացնի, դեմ չեմ լինի, բայց նշեմ, որ այդ որոշմամբ շատ խնդիրներ կառաջանան: Նախ, գյուղի բնակիչներին դա ընդհանրապես հարմար չի լինի, քանի որ գյուղին ամենամոտիկ դպրոցը Խաչաղբյուր գյուղում է`7 կմ հեռավորության վրա: Ձմռանն էլ տանել-բերելու խնդիրներ կառաջանան, քանի որ ձմռան ամիսներին անանցանելի են լինում դպրոցի ճանապարհները:

Հաջորդ խնդիրը, ըստ տնօրենի, այն է, որ գյուղի հիմնական բնակիչները դպրոցի աշխատողներն են, այսինքն, եթե դպրոցը փակվի, գյուղը կդատարկվի, էլ բնակիչ չի մնա: Գյուղում ապրում է 40 ընտանիք, դպրոցի անձնակազմը 10 հոգի են՝ 5 ուսուցիչ, 1 տնօրեն, 4-ը՝ ուսումնաօժանդակ աշխատակիցներ:

«Այդ դեպքում գյուղից կհեռանան ոչ միայն աշակերտները, այլև դպրոցի ուսուցիչները, այդ թվում`ես: Գյուղում ոչ մանկապարտեզ կա, ոչ էլ այլ մշակութային կենտրոններ, այսօր դպրոցն է գյուղը պահողը, եթե դա էլ չլինի, մեր մնալը գյուղում աննպատակ կլինի: Հետևաբար դպրոցը փակվելուց հետո, հավատացած եղեք, գյուղում ապրող 40 ընտանիքն էլ կամաց-կամաց կհեռանա գյուղից»-ասաց տնօրենը:

Մեր հարցին, թե ինչպես է տնօրենը վերաբերվում Արայիկ Հարությունյանի այն պնդմանը, որ աշակերտին, որը տնօրենի եղբոր որդին է, այլ մարզից են բերել, որպեսզի դպրոցը պահեն, իսկ դպրոց պահելն էլ նշանակում է ֆինանսավորում ստանալ, Աթայանը պատասխանեց. «Այդ երեխան 2011թ.-ից է մեր դպրոց հաճախում, դպրոցը պահելու համար չենք բերել: Այն ժամանակ աշակերտների քանակը շատ է եղել: Այդ երեխայի ծնողները բնակվում էին մեր գյուղում, հետո ինչ-ինչ խնդիրների պատճառով տեղափոխվեցին Արարատի մարզ: Երեխան մնաց մեզ մոտ և ապրում է տանը, մեր դպրոց էլ հաճախում է»:

«Հայկական ժամանակ»-ը հետաքրքրվեց՝ արդյո՞ք տնօրենը և մարզպետարանը քայլեր ձեռնարկում են՝ դպրոցը փակվելու խնդրից խուսափելու համար:

«Իհարկե, մենք ամեն հնարավոր բան անում ենք՝ խնդրին լուծում տալու համար: Փորձում ենք  խնայողություններ անել բյուջեում: Հենց այս տարի դպրոցին տրամադրվող 19 մլն-ից մենք 7 մլն ենք ծախսել էլեկտրաէներգիայի, վառելիքի, աշխատավարձերի վրա»- ասաց տնօրեն Աթայանը:

Տնօրենը նաև չհամաձայնեց նախարարի հայտարարած «ամենաթանկարժեք աշակերտ» արտահայտության հետ. «Կարծում եմ, նման արտահայատությունը այդքան էլ ճիշտ և տեղին չէ: Անգամ եթե նախարարը ցանկություն ունի մեքենա և վարորդ վարձել աշակերտներին տանել-բերելու համար, էլի դեմ չեմ, բայց այս դեպքում ծնողների հարմարությանը պետք է նայենք:

«Հայկական ժամանակ»-ը կապ հաստատեց նաև դպրոցի 1-ին դասարանի աշակերտուհու մայրիկի` Հասմիկի հետ. «Իմ երեխան արդեն հարմարվել է մեր գյուղի դպրոցին, ուսուցիչները շատ ուշադիր են իմ երեխայի նկատմաբ, ամեն ինչ շատ լավ է մեր դպրոցում: Ես հնարավորություն չունեմ իմ երեխային հարակից դպրոց ճանապարհելու, ոչ սեփական մեքենա ունեմ, ոչ էլ անհրաժեշտ գումար, բայց եթե հանկարծ մեր գյուղի դպրոցը փակվի, այդ ժամանակ նոր կմտածեմ ուրիշ գյուղ գնալու մասին»:

Տպել
543 դիտում

Քոչարյանի համար երաշխավորած Բակո Սահակյանը և Ա. Ղուկասյանը ուղղակի կապ ունեն մի շարք ապօրինի հանգամանքների հետ. Սաֆարյան

ՊԵԿ նախագահը կոմիտեում հրաժեշտ է տվել Ռուստամ Բադասյանին, մաղթել հաջողություններ

Hzham.am կայքի լրագրողը բերման է ենթարկվել ՃՈ պաշտոնատար անձի աշխատասենյակից. նրա մոտից հայտնաբերվել է 400 հազար դրամ

Օրվա կադրը. Գյումրին այսօր՝ անձրեւից հետո, Տրդատ Ճարտարապետ փողոց

Թող իմ հայրն էլ նստած լիներ, 10 տարի հետո գար, ես էլ այսպես փաթաթվեի. մարտի 1-ի զոհի տղան՝ Քոչարյանի նկարը տեսնելով

Զ. Մնացականյանը հանդիպել է ԱՄՆ պետքարտուղարի եվրոպական և եվրասիական հարցերով տեղակալի պաշտոնակատարի հետ

Ադեկվատ խաղամոլի արկածները

Քննչական կոմիտեն բոլոր ջանքերը կգործադրի խաղաղ պայմաններում զինծառայողների մահվան դեպքերը բացահայտելու համար. Փաշինյան

Ինչու կանչեցին ցույցի տեղը, ով կրակեց, ովքեր տարան հիվանդանոց. Ջեմմա Վարդումյանը արդար ու խիստ դատ է պահանջում

Տարածաշրջանի երկրների պատմության ադրբեջանական տարբերակն իրականությանը չի համապատասպանում․ Սուրեն Պապիկյան

Չկա մի հանդիպում, որի ընթացքում չի քննարկվում Արցախի՝ բանակցային սեղանի շուրջ վերադառնալու հարցը․ վարչապետ

Կոտայքի մարզից ևս 9 սուբվենցիոն ծրագիր հավանության է արժանացել. մարզպետարան

Տրանսպորտային ոլորտում մեր խնդիրներն օր օրի շատանում են․ նախարար Սուրեն Պապիկյանը համաձայնեց պատգամավորի հետ

Սնկային թունավորում Սուրենավանում, 6 քաղաքացի հոսպիտալացվել է

Նախարարի հրամա՞ն կա, որ եզդի զինվորներն էլ իրենց կրծքին պետք է խաչ կրեն․ Ռուստամ Բաքոյանի հարցը՝ ՊՆ Դավիթ Տոնոյանին

Հայկ Մարությանը պաշտոնական այցով մեկնում է Սանկտ Պետերբուրգ

Պրոդյուսերը բացահայտում է սպորտային-հումորային նոր հաղորդման մանրամասները

Առողջապահության ապահովագրության համակարգն ուզում ենք հասցնել ներդնել 2021 թվականից․ Արսեն Թորոսյան

Ալավերդի ընթանալիս «06»-ը վթարի է ենթարկվել, 12-օրական երեխան տեղում մահացել է

Աշոտ Մելքոնյանն այսուհետեւ կարող է անարգել մտնել Վրաստան. խնդիրն առաջացել էր տեխնիկական սխալմունքի պատճառով