Ես չեմ հայտնել, բայց եթե իմանայի, կհայտնեի. Արսեն Թորոսյանը՝ տեղակալի ձերբակալության մասին

Առողջապահության նախարար Արսեն Թորոսյանը «Ազատության» ֆեյսբուքյան ասուլիսի ժամանակ այսօր ասաց, որ իրավապահ մարմիններին ինքը չի հայտնել տեղակալի՝ կաշառք վերցնելու մասին: Այդպիսի նախադեպեր, հիշեցնենք, արդեն կան եւ այս անգամ էլ կարծիքներ էին հնչում, որ փոխնախարարի ձերբակալության ետեւում Թորոսյանն է կանգնած:

Վերջին օրերին նա գտնվել է կարճատեւ արձակուրդում եւ փոխնախարար Արսեն Դավթյանի ձերբակալության լուրը լսել է արտերկրում: Նախարարը, սակայն, հերթական անգամ ընդգծեց կոռուպցիոն երեւույթները չթաքցնելու իր վճռականությունը: «Ես չեմ հայտնել, բայց դա չի նշանակում, որ եթե իմանայի, չէի հայտնի»,- ասաց նա՝ վերահաստատելով. «Ցանկացած իրավախախտման մասին իմանալու դեպքում իրավապահ մարմիններին առաջինը կհայտնեմ դրա մասին ու հակառակը կհամարեմ պարտակել: Լինի իմ աշխատակիցը, իմ ենթակա հիմնարկի ղեկավարը կամ որեւէ այլ աշխատակից, դա ոչինչ չի փոխում եւ այս գործում մենք ընկերներ, բարկամներ, հարազատներ չունենք: Նման վարքագիծ դրսեւորող ցանկացած մարդ մեր թշնամին է»,- ընդգծեց նախարար Թորոսյանը:

Նա անդրադարձավ նաեւ այն հարցին, թե արդյոք առողջապահության նախարարի տեղակալը իրավասո՞ւ էր միայնակ փոխել պետպատվերի շրջանակում բուժհաստատությանը տրամադրվող գումարի չափը: ԱԱԾ-ն փոխնախարարի ձերբակալությունը հաստատող հաղորդագրության մեջ նշել էր, որ նրան կաշառք տվող բուժհաստատության տնօրենը այդպիսի ակնկալիքներ է ունեցել, քանի որ պետպատվերի տարբեր ծրագրերով հատկացվող գումարը կրճատվել է:

«Ես էլի չեմ ուզում անմեղության կանխավարկածը խախտել, բայց դա մի արատավոր սովորություն է եղել հավանաբար, որ փորձել են հետագայում իրենց «լավ նայելու» վերաբերմունք ստանալ որեւէ պաշտոնյայից, որպեսզի հետագայում որոշումների կայացման վրա այդ բանը ազդի: Բայց ես հրապարակավ հայտարարել եմ, հիմա էլ եմ հայտարարում՝ որեւէ բժշկական կենտրոնին հատկացվող գումար ոչ մի կերպ պայմանավորված չի լինելու անձերով: Ոչ այդ բժշկական կենտրոնների պետական ու սեփական լինելով է պայմանավորված լինելու, ոչ այդ կենտրոնների սեփականատերերով, ոչ էլ այլ բաներով, այլ պայմանավորված է լինելու մատուցվող ծառայություններով, դրանց ծավալով: Իսկ ապագայում, երբ որ ապահովագրությունը ի վերջո ներդրվի, ընդհանապես պայմանավորված է լինելու միայն ընդունած պացիենտների թվով»,- պատասխանեց նախարարը՝ հաստատելով, որ համապատասխան որոշումները կայացվում է նախարարի հրամանով եւ փոխնախարարը միայնակ այդպիսի փոփոխություններ անել չէր կարող:

Ինչ վերաբերում է պաշտոնապես չհաստատված այն տեղեկություններին, որ փոխնախարար Արսեն Դավթյանին կաշառք է տվել «Հանրապետական ծննդատան» տնօրեն Ռազմիկ Աբրահամյանը, նախարարը նշեց. «Ես վստահ չեմ, որ Ռազմիկ Աբրահամյանն է եղել տվողը, որովհետեւ ոչ այնտեղ եմ եղել, ոչ էլ ԱԱԾ-ն է այդ մասին նշել, բայց եթե նույնիսկ Ռազմիկ Աբրահամյանն է եղել, նրա ղեկավարած ԲԿ-ին այս տարվա պետպատվերի գումարների բաշխման արդյունքում, եթե չեմ սխալվում, մոտ 200 միլիոն դրամ ավելի քիչ գումար է հատկացվել: Դա եղել է ֆինանսավորման համահարթեցման սկզբունքի կիրառման արդյունքում»: Թորոսյանն ընդգծեց, որ միեւնույն մակարդակն ունեցող հաստատությունները համաչափ գումար պետք է ստանան:

Տպել
1514 դիտում

Ինչու են վաղը փակվելու դատարանների մուտքերը եւ ինչպիսին է լինելու ընթացքը. վարչապետը մանրամասնում է (տեսանյութ)

Արմավիրում Opel-ը բախվել է կայանված Nissan-ին, վերջինն էլ վրաերթի է ենթարկել 3 հոգու

Գիզայի պայթյունից նախնական տվյալով ՀՀ քաղաքացիներ չեն տուժել. ԱԳՆ

Վաղը 08.30-ից արգելափակում ենք հանրապետության բոլոր դատարանների ելքերն ու մուտքերը. վարչապետ

13-ամյա աղջկա հղիությանն առնչվող տեսանյութը հեռացվել է ամբողջությամբ. ՄԻՊ

Ժամը 12.00-ին կհայտարարեմ Հայկական հեղափոխության՝ երկրորդ, ամենակարեւոր փուլի մեկնարկը. վարչապետ

ՀՀ վարչապետը վաղը կարեւոր հայտարարություն է անելու դատաիրավական համակարգի վերաբերյալ

Ուկրաինայի նախագահի երդմնակալությանը կմասնակցի Տիգրան Ավինյանի գլխավորած պատվիրակությունը

Օպերայի եւ բալետի թատրոնում ռումբի մասին ահազանգը կեղծ է եղել. մարդկանց տարհանել են, տեղազննում իրականացրել

Ջերմաստիճանը 4-5 աստիճանով կնվազի, առաջիկա օրերին անձրեւներ են սպասվում

Նախարար Բաթոյանն անդրադարձել է 13-ամյա երեխայի հղիությանն ու կոչ արել այլեւս չտարածել տեսանյութը

Օպերայի և բալետի ազգային ակադեմիական թատրոնի շենքում ռումբի առկայության մասին ահազանգ է եղել

Արմեն Գրիգորյանը Լոս Անջելեսում մասնակցեց «Ինովեյթ Արմենիա» ամենամյա 4-րդ փառատոնին

Վարչապետն այցելել է ՊՆ կենտրոնական կլինիկական զինվորական հոսպիտալ (լուսանկարներ)

Հանգիստ եղեք, ոչինչ չի մոռացվել, ոչ մեկը չի խուսափի արդարադատությունից. Սիմոնյանը՝ Քոչարյանի դատավարության մասին

Կապանի 28-ամյա բնակչուհին որոնվում է որպես անհետ կորած

Գյումրու մարզադպրոցում ապօրինություններ են բացահայտվել․ յուրացվել է մոտ 17 մլն դրամ

Ինքնաթիռում 3 ժամ տեւած ոչ ֆորմալ հանդիպում են ունեցել ՀՀ եւ ՌԴ ներկայացուցիչները. Ալեն Սիմոնյան

Վթար Երևան-Սևան ավտոճանապարհին.մեկ մարդ զոհվել է, մյուսի վիճակը միջին ծանրության է

Շիրակի մարզում իրականացվել է հատուկ «Ջութակ» օպերացիան. կան բերման ենթարկվածներ