Երևանի մանկապարտեզներում երեխաների առցանց հերթագրման համակարգն ամբողջությամբ կգործարկվի ապրիլ ամսվա ընթացքում

Երեւանի քաղաքապետարանը գործարկել է mankapartez.am կայքը։ Այն ստեղծվել է Երեւանի մանկապարտեզներում հերթագրման գործընթացն առավել թափանցիկ ու քաղաքացիների համար առավել մատչելի դարձնելու նպատակով: Իրենց երեխաների հերթին սպասող ծնողներն այսուհետ անձամբ կհետեւեն համակարգի աշխատանքի ողջ ընթացքին:

Այսօր Երևանում գործող 160 մանկապարտեզներ, որոնք բաժանվում են 963 խմբերի, հաճախում է 30480 երեխա: Mankapartez.am էլեկտրոնային համակարգում 8961 հերթագրված երեխա կա, որից  7341-ը` տարիքային խմբերին համապատասխան: Սակայն այս թվերը փոփոխական են, քանի որ օր օրի ավելանում է հերթագրվող երեխաների գրանցման  թիվը:

Արդեն փետրվարի 1-ից գործարկել է ծրագրի առաջին փուլը, ըստ որի՝ նախատեսվում է, որ մինչև տարվա վերջ առնվազն 1000-ով ավելի երեխա կհաճախի մանկապարտեզ:

Խնդրին համակարգային և առաջնային լուծում տալու համար արդեն քաղաքապետարանի կողմից գույքագրվել են համայնքային ենթակայության մանկապարտեզներում առկա բոլոր այն տարածքները, որոնք վարձակալությամբ էին տրամադրված տարբեր կազմակերպությունների:

«Հայկական ժամանակ»-ին Երևանի քաղաքապետարանի տեղեկատվության եւ հասարակայնության հետ կապերի վարչությունից հայտնեցին, որ Երևանի ենթակայության մանկապարտեզներում երեխաների առցանց հերթագրման համակարգն ամբողջությամբ կգործարկվի ապրիլ ամսվա ընթացքում, նաև տեղեկացրին, որ փետրվար ամսին մեկնարկած առաջին փուլից հետո նախատեսվող 350 երեխայի փոխարեն Երևանի մանկապարտեզներ են ընդունվել 671 երեխա:

«ՀԺ»-ն հետաքրքրվեց, թե քաղաքապետարանը ինչ քայլեր է ձեռնարկում, որ հերթագրված 8961 երեխային հնարավորություն տրվի հաճախել մանկապարտեզ, քանի որ ծնողները անդադար բողոքում են, որ այդպես էլ իրենց երեխաներին հերթը չի հասնում և մնում են իրենց հերթին սպասելով:

«Մանկապարտեզներում փետրվար ամսին ձևավորվել են 11 տարբեր տարիքային խմբեր, իսկ ապրիլին կձևավորվի ևս 4 խումբ: Վերոնշյալ գործընթացը շարունակական է: Մինչև նոր ուսումնական տարվա մեկնարկը Նուբարաշեն վարչական շրջանում կգործի նորաստեղծ «Արևամանուկ» մանկապարտեզը՝ 4 խմբով: Այսպիսով, քաղաքապետարանը անում է հնարավորը՝ հերթագրման համակարգի կիրառմամբ համակարգի աշխատանքը հնարավորին արագ ու դինամիկ դարձնելու համար»- ասված է հարցման պատասխանի մեջ:    

Քաղաքապետարանը կարևորում է առցանց գրանցման համակարգը, քանի որ այն ամբողջապես կանոնակարգում է խնդիրը՝ ծնողին հնարավորություն տալով երեխային առցանց հերթագրելու և հետևելու հերթին: Էլեկտրոնային համակարգը նաև հնարավորություն է տալիս բացառել կրկնակի հերթագրման դեպքերը:

Քաղաքապետարանից նաև տեղեկացանք, որ մանկապարտեզների խմբասենյակներում տեսախցիկներ չեն տեղադրվի, քանի որ այն հակասում է «Անձնական տվյալների մասին» ՀՀ օրենքին:

Ի դեպ, մանկապարտեզների աշխատողների աշխատավարձը մայիսի 1-ից կբարձրանա 20 տոկոսով:

Տպել
1287 դիտում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները

Վրաստան մուտքն արգելող որոշումը շարունակվում է ուժի մեջ մնալ. Ստեփանծմինդա-Լարսը բաց է միայն բեռնատարների համար

Իջևան-Բերդ ավտոճանապարհին մեքենան բախվել է էլեկտրասյանը․ տուժածներ չկան

ԵՊՀ հայ բանասիրության ֆակուլտետն իր անվստահությունն է հայտնել ծրագրերի և չափորոշիչների աշխատանքային խմբին

Հրշեջ-փրկարարները մարել են 7 հա տարածքում բռնկված հրդեհները