Արշակ Կարապետյանն ասել է՝ նախագահը կարգադրեց փետրվարի 24-ին արտակարգ դրություն մտցնել. Ալումյանը սա անհեթեթ որակեց

ՀՀ վերաքննիչ քրեական դատարանում՝ դատավոր Ռուզաննա Բարսեղյանի նախագահությամբ, այսօր մի քանի ժամ քննվում էին Ռոբերտ Քոչարյանին մարտի 15-ին եւս երկու ամսով կալանավորելու առաջին ատյանի դատարանի որոշման դեմ ներկայացված պաշտպանական կողմի եւ դատախազության բողոքները:

Նիստին ներկայացվել էր նաեւ Ռոբերտ Քոչարյանը: Մոտ 6 ժամ տեւած նիստից հետո Քոչարյանի պաշտպան Հայկ Ալումյանն ասաց, որ այսօրվա նիստին դատախազները ներկայացրել են իրենց վերաքննիչ բողոքը եւ ինքը հասցրել է ներկայացնել բողոքի 40 տոկոսը:

Այսօր մինչ նիստը սկսվելը Հայկ Ալումյանը նշել էր, որ միջնորդել են առանց քննության թողնել դատախազության բողոքը, որովհետեւ ըստ նրա՝ օրենքով նախատեսված չէ, որ դատախազները կարող են դատարանի որոշման պատճառաբանական մասը բողոքարկել: Մեր հարցին, թե ինչ հիմնավորումներ է ներկայացրել դատախազությունը պաշտպանն ասաց.«Դատախազությունն իր բողոքը ներկայացրեց, իսկ թե իրավունք ունի՞ ներկայացնել այդպիսի բողոք, թե՝ չէ, մեր առարկությունները կներկայացնենք վաղը եւ հավանաբար դատարանը դրա շուրջ քննարկում կկազմակերպի: Դատախազության բողոքը վերաբերվում էր նրան, որ դատախազությունը, համաձայն լինելով առաջին ատյանի դատարանի որոշման եզրափակիչ մասին, պահանջել է, որպեսզի պատճառաբանական մասի որոշ հատվածներ վերաքննիչ դատարանը վերանայի, մասնավորապես այն մասը, որ բացակայում է հիմնավոր կասկած առ այն, որ պարոն Քոչարյանը կատարել է 311-րդ հոդվածով նախատեսված արարք՝ առանձնապես խոշոր չափերի կաշառք: Նաեւ դատարանը գրել էր, որ բացակայում են նյութեր, որոնք հիմք տային ենթադրելու, որ մնալով ազատության մեջ, պարոն Քոչարյանը կարող է թաքնվել քննությունից: Հիմա դատախազությունը վիճարկում է Առաջին ատյանի դատարանի որոշման այս երկու դրույթները: Վիճարկում է որոշման պատճառաբանական մասի այս հատվածներն, ինչի իրավունքը չունի»,- ասաց Հայկ Ալումյանը:

Լրագրողների դիտարկմանը, որ Սիլվա Համբարձումյանը հիմա էլ ասում է, որ ինքը Ռոբերտ Քոչարյանին կաշառք է տվել, Ալումյանն ասաց, որ ոչ միայն դա, այլ հիմնավոր կասկածն այդ մեղադրանքի մասով բացակայում է իսպառ. «Հիմա կարելի է շատ շատ ուրիշ փաստարկներ էլ բերել, բացի այն, ինչ դուք ասացիք, եւ բոլոր փաստարկները կհանգեն մի բանի, որ բացակայում է որեւիցե կասկած առ այն, որ պարոն Քոչարյանը կարող է այդ արարքը կատարած լիներ»,- հավելեց Ալումյանը:

Ապրիլի 6-ին լրանում է Ռոբերտ Քոչարյանի, Արմեն Գեւորգյանի, Յուրի Խաչատուրովի եւ Սեյրան Օհանյանի վերաբերյալ քրեական գործի նյութերին ծանոթանալու` նախաքննական մարմնի տրամադրած ժամկետը: Մեր հարցին՝ հասցրե՞լ են արդեն ամբողջությամբ ծանոթանալ գործի նյութերին, Ալումյանը բացասական պատասխան տվեց՝ հավելելով, որ իրենք քննիչի որոշումը բողոքարկել են դատախազություն, սակայն բողոքը մերժվել է: Ըստ պաշտպանի՝ ամենայն հավանականությամբ Քոչարյանի պաշտպաններից Հովհաննես Խուդոյանը մերժման մասին որոշումը բողոքարկել է դատարան:

Լրագրողի հարցին՝ արդյոք գործի նյութերում առկա՞ են շոկային դրվագներ, ինչպես ասում է «Մարտի 1-ի» գործով տուժողների իրավահաջորդների ներկայացուցիչ Վահե Գրիգորյանը, Ալումյանը պատասխանեց, որ գործում չկան այնպիսի հանգամանքներ, որոնց մասին հանրությունը տեղյակ չի եղել: «Բայց, երբ ես տեսնում եմ սպանվածի վերաբերյալ փորձագիտական եզրակացություն, դա, իկարկե, շոկային է»,- ասաց պաշտպանը:

Մյուս հարցին՝ նրա դեմ տված ցուցմունքներում կայի՞ն շոկային կամ անսպասելի հանգամանքներ, Ալումյանը, ասաց, թե Ռոբերետ Քոչարյանի դեմ ցուցմունք տվող էլ առանձնապես չկա. «Պարոն Քոչարյանի դեմ շատ փոքր, աննշան հատվածով ցուցմունքը կարելի է համարել Արշակ Կարապետյանինը»,- ասաց նա՝ հավելելով, որ այդ ցուցմունքում կա հատված, որի հետ հնարավոր չէ համաձայն լինել: «Ընդ որում, այդ հատվածը ամբողջությամբ հերքում է թե՛ հարցաքննված մնացած 12 հոգու ցուցմունքները, թե՛ ուղղակի ինքն իրենով անհեթեթ է: Օրինակ, ասում է՝ նախագահը կարգադրեց մյուս օրը՝ փետրվարի 24-ին, մտցնել արտակարգ դրություն»,- ասաց Ալումյանը եւ հավելեց. «Ասել, որ ամսի 24-ից արտակարգ դրություն է եղել, դա մենակ, երեւի, Արշակ Կարապետյանը կարող էր՝ միայն որոշակի առավելություններ ստանալու ակնկալիքով»։

Պատասխանելով լրագրողների հարցին՝ Ալումյանը եւս մեկ անգամ պնդեց, որ Ռոբերտ Քոչարյանը 0038 հրամանից տեղյակ չի եղել. «Այնուամենայնիվ, այդ հրամանին ծանոթանալուց հետո, պարոն Քոչարյանը ասաց, որ եթե այն ժամանակ էլ էս հրամանը ես տեսնեի, կասեի, որ ինքը շատ ճիշտ ձեւի կայացված հրաման է եւ լիարժեքորեն իր նպատակին ծառայող հրաման է եղել: Այդ հրամանի արդյունքում իրոք բացառվել է բանակի ներգրավվածությունը այդ ամեն պրոցեսին»,- ասաց Ալումյանը: Մեր հարցին՝ եթե տեղեկություն կար, որ Մանվել Գրիգորյանը եւ այլ սպաներ փորձում են բանակը ներգրավել ներքաղաքական զարգացումներին, ինչո՞ւ նրանք պատասխանատվության չեն ենթարկվել, արդյոք սրան Քոչարյանն անդրադարձել է, պաշտպանը պատասխանեց. «Չի անդրադարձել: Անմիջապես հենց այդ օրը Մանվել Գրիգորյանին փոխանցվել է պարոն Քոչարյանի պահանջը եւ հենց այդ օրը Մանվել Գրիգորյանը դուրս է եկել ԵԿՄ-ից եւ գնացել իր գյուղ: Հետագայում գիտեք, որ պաշտպանության փոխնախարարի պաշտոնն է վայր դրել, հիմա թե ինչու պատասխանատվության չի ենթարկվել, ասել չեմ կարող, դա այս գործի շրջանակում դեռ չի քննարկվել, գաղափար է, հուշեցիք, կքննարկենք»:

Նշենք, որ մինչ նիստի մեկնարկը Ալումյանց խնդրել էինք Ռոբերտ Քոչարյանից հետաքրքրվել ՀՀ պաշտպանության նախկին փոխնախարար Վահան Շիրխանյանի նամակից, սակայն Ալումյանը հրաժարվել էր՝ նշելով, որ ինքը քաղաքական թեմաներ չի քննարկում: Հայկ Ալումյանը այլ գործի շրջանակում պաշտպանում է նաեւ Վահան Շիրխանյանի շահերը: Հարցին՝ պաշտպանյալներից որեւէ մեկը այստեղ խնդիր տեսնո՞ւմ է, Ալումյանը պատասխանեց. «Այդ նամակին նախորդել է պարոն Քոչարյանի գիրքը, որտեղ պարոն Շիրխանյանի մասին ոչ այնքան հաճելի բաներ են գրված, իրենց կողմից իմ առաջ այդ խնդիրը չի դրված, երկուսի կողմից էլ ակնարկ չի արվել, բայց ես ինքս իմ կողմից այդ հարցի պատասխանը պետք է գտնեմ, ես մտածում եմ՝ ոնց վարվեմ»:

Քոչարյանի խափանման միջոցի հարցի քննությունը կշարունակվի վաղը: Ալումյանը չբացառեց, որ վաղը Քոչարյանը հայտարարությամբ հանդես կգա:

Տպել
6463 դիտում

Թել Աբյադ քաղաքի հայ ընտանիքները երեկ Հալեպ են հասել, Ղամիշլիում իրավիճակը համեմատաբար հանդարտ է․ Զարեհ Սինանյան

Սպանդանոցները ունեն համապատասխան հզորություններ և պատրաստ են մատուցելու անհրաժեշտ ծառայությունները

«Երևան Մոլ»-ի ավտոկայանատեղիում կոտրել են Lexus-ի ապակին և հափշտակել մոտ 6 մլն դրամ

ՍԴ-ն խուսափում է կատարել իր վրա դրված Սահմանադրական առաքելությունը․ Վարդանյանը՝ ԱԺ դիմումը վարույթ չընդունելու մասին

Բալթյան պաշտպանական քոլեջի դեկանն այցելել է Պաշտպանական ազգային հետազոտական համալսարան

Հակատանկային ստորաբաժանումներում կազմակերպվել են գործնական պարապմունքներ

Հայ ականազերծողների և բժիշկների մարդասիրական առաքելության նոր խումբը մեկնել է Սիրիա

Բակո Սահակյանը խորհրդակցություն է անցկացրել ԱԳՆ-ի ղեկավար կազմի եւ արտերկրում մշտական ներկայացուցիչների հետ

Զոհեր և 100-ի հասնող ծանր վիրավորներ. ռազմական գործողությունները Սիրիայում շարունակվում են. օր 6-րդ

Ալավերդու ԲԿ տնօրենի պաշտոնի շուրջ աղմուկը կարող է հասնել դատարան. հավակնորդը մրցութային կարգի իր մեկնաբանությունն ունի

«Հրազդան» ՔԿՀ ծառայողները նկատել են հիմնարկ նետված դեղահաբերը

Բոլոր մարզերի կողմից կներկայացվեն մարզը զբոսաշրջիկների համար հետաքրքիր դարձնող ծրագրեր. Պապիկյան

Փլուզում Մեծարենցի փողոցում. փլուզվել է տան արտաքին պատերից մեկը, ճաքճքել են մյուսները

Եթե առանց էմոցիաների նայեք, կտեսնեք, որ 1-ին կեսում լավ կոմբինացիաներ էին ստացվում. Գյուլբուդաղյանցը Լիխտենշտեյնի մասին

Թուրքիայում ռազմական գործողությունների արդյունքում փախստականների թիվը հասել է 160 հազարի. ՄԱԿ

Ինձ թվում է՝ թիմի խաղն ստացվեց. Տիգրան Բարսեղյանը՝ Լիխտենշտեյնի դեմ հանդիպման մասին

Նախարար Պապիկյանը մարզպետների հետ խորհրդակցություն է անցկացրել

39-ամյա կինը որոնվում է որպես անհետ կորած (տեսանյութ)

Գյումրիում մեքենաները մաքսազերծվում են 20 րոպեում. Հյուսիսային մաքսատունն անցել է աշխատանքային ռեժիմի

Ուզում եմ շնորհակալություն հայտնել բոլոր մարդկանց, ում շնորհիվ հաղթահարեցինք աղբահանության ճգնաժամը. Հայկ Մարության