ՊԵԿ-ը կրած վնասի համար փոխհատուցում չի տալու քաղաքացուն. նա պատրաստվում է դատի տալ ՊԵԿ-ին

11/04/2019 schedule16:25

Մարտի 27-ին «Հայկական ժամանակ»-ը անդրադարձել էր խմբագրությանը դիմած քաղաքացի Գայանե Կիրակոսյանի բարձրացրած խնդրին։ Կիրակոսյանն իր անունով ԱՁ ունի, որը զբաղվում է կնիքների արտադրությամբ։

Նա պատմել էր, որ ամիսներ առաջ Պետական եկամուտների կոմիտեի գնումների բաժնի աշխատակիցները զանգահարել են ընկերություն եւ բանավոր պատվիրել են 756 հատ դրոշմակնիք եւ 86 հատ կլոր կնիք։ Պատվերը ստանալուց հետո ընկերությունը պատրաստել է անհրաժեշտ քանակով կնիքները եւ տարել է ՊԵԿ գնումների բաժին, որտեղ էլ այդ աշխատակիցները ստորագրել եւ ստացել են պատվերը։

Կիրակոսյանը նշել էր, որ դրանից հետո ՊԵԿ-ը մրցույթ է հայտարարել կնիքների եւ դրոշմակնիքների համար` աճուրդային կարգով։ Սակայն ընկերությունը չի կարողացել մասնակցել այդ մրցույթին, քանի որ տեխնիկական պատճառով նրանց գաղտնաբառը արգելափակվել էր։ Մրցույթն այլ ընկերություն է հաղթել, իրենց էլ ասել են՝ եկեք ձեր կնիքներն ու դրոշմակնիքները տարեք` մենք մեր աշխատակիցներին նկատողություն ենք տվել։ Ընկերությունը դրանից կրել է 3 միլիոն դրամի չափով վնաս եւ ակնկալում է, որ ՊԵԿ-ը կփոխհատուցի այդ վնասը։

ՀԺ-ն հարցում էր ուղարկել ՊԵԿ նախագահ Դավիթ Անանյանի անունով՝ մի շարք հարցերի պատասխաններ ստանալու համար։ Հարցմանը պատասխանել է ՊԵԿ աշխատակազմի գլխավոր քարտուղար Էդգար Գեւորգյանը։ Հարցման սկզբնամասում ներառված է այն նախաբանը, որի մասին արդեն գրել ենք:

- Արդյո՞ք ճիշտ է քաղաքացու այն պնդումը, որ ՊԵԿ աշխատակիցները զանգահարել են Կիրակոսյանի ընկերություն եւ վերոնշյալ պատվերները կատարել են։

- Այո, ՀՀ ՊԵԿ-ի աշխատակից Մարիաննա Դուրգարյանը զանգահարել է «Գայանե Կիրակոսյան» ԱՁ ներկայացուցչին՝ տեխնիկական որոշակի հարցեր ճշգրտելու նպատակով, ինչին ի պատասխան ընկերության ներկայացուցիչները սեփական նախաձեռնությամբ պատրաստակամություն են հայտնել պատրաստել կնիքները՝ վստահ լինելով, որ հայտարարվելիք մրցույթում իրենք են հաղթելու։

- Մենք տեսել ենք փաստաթուղթ, որտեղ երեւում է ՊԵԿ աշխատակիցների ստորագրությունը՝ վերոնշյալ կնիքները ընկերությունից ստանալուց հետո։ Ինչո՞ւ է ՊԵԿ-ը ի սկզբանե վերցրել այդ կնիքները, իսկ հետո ասել, որ մրցութային կարգով է լինելու։

- Ստորագրությունները դրվել են ՊԵԿ-ի աշխատակիցներ Մարիաննա Դուրգարյանի եւ Հասմիկ Վանյանի կողմից, որոնք լիազորված չեն եղել ՊԵԿ-ի անունից հանդես գալու, ինչի համար էլ ենթարկվել են կարգապահական տույժի։

- Կիրակոսյանը նշում է, որ ՊԵԿ-ից իրեն պատասխանել են, որ վերոնշյալ աշխատակիցներին նկատողություն է տրվել։ Սա արդյո՞ք նշանակում է, որ վերոնշյալ քայլով ՊԵԿ-ը սահմանափակվել է՝ աշխատակիցներին պատժելով, իսկ տնտեսվարողին 3 միլիոն դրամի վնաս է պատճառել, թե՞ փոխհատուցման տարբերակներ կարող են լինել։

- Վերոնշյալ կնիքների պատրաստման գործընթացում ՊԵԿ-ը ոչ մի իրավահարաբերություն չի ունեցել «Գայանե Կիրակոսյան» ԱՁ-ի հետ, հետեւաբար ոչ մի փոխհատուցում չի կարող լինել։ Իսկ կարգապահական տույժ աշխատակիցները ստացել են առանց մրցույթի եւ պայմանագրի կնիքներն ընդունելու համար։

ՀԺ-ն դարձյալ զրուցեց Գայանե Կիրակոսյանի հետ՝ հասկանալու համար, թե ինչ է պատրաստվում հիմա անել: Կիրակոսյանը նշեց, որ պատրաստվում է դատական հայց ներկայացնել ՊԵԿ-ի դեմ՝ փոխհատուցման պահանջով:

Տպել
686 դիտում

Աշխարհի առաջնություն. ծանրորդ Անդրանիկ Կարապետյանը նվաճեց փոքր բրոնզե մեդալ

1 օրում գրանցվել է խոտածածկ տարածքներում բռնկված 34 հրդեհ

Խաչիկ գյուղում բռնկված հրդեհը մարվել է. այրվել է մոտ 52.2 հա խոտածածկ տարածք

Վարչապետը Լոս Անջելեսում հանդիպել է Կալիֆորնիայի հայ համայնքի կառույցների ղեկավարներին

Մեր ընթացիկ խնդիրը հայեցկարգային եւ գաղափարական առումով Հայաստան-Սփյուռք սահմանները վերացնելն է․ վարչապետ

Թող 98թ․-ից առաջ միլիոններ կուտակեին, առյուծներ քշեին. Փաշինյանը՝ Քոչարյանի եւ Սարգսյանի շնորհավորական ուղերձների մասին

Լինելով ԱԱԾ տնօրեն՝ նա հայտարարություն է անում գերագույն հրամանատարի դեմ․ սպայի պատվին դրանից մեծ անարգանք չկա․ վարչապետ

Աղմկոտ միջադեպի գործով Վայոց Ձորի մարզպետի օգնականը կալանավորվել է

«Հյուսիս-Հարավ»-ի գործով մեղադրյալ, «Մուլտի Գրուպ» կոնցեռնի տնօրենը 20 մլն դրամ գրավի դիմաց ազատ է արձակվել

Կդադարեցվի Ծաղկաձորի մի շարք օբյեկտների եւ Արագածոտնի մի շարք գյուղերի գազամատակարարումը

Արարատի մարզում աղջկա համար վիճաբանությունն ավարտվել է դանակահարությամբ. 2 անձ տեղափոխվել է հիվանդանոց. Shamshyan.com

Կրակել են կարմիրգրքյան Սեւ արագիլի վրա, որից Հայաստանում ընդամենը վեց զույգ կա. Նաիրա Զոհրաբյան

Մանվել Գրիգորյանը պաշտոնը դադարեցնելիս 6 անշարժ գույք եւ 9 ավտոմեքենա ավելի է ներկայացրել, քան պաշտոնը ստանձնելիս

Վարչապետ Նիկոլ Փաշինյանն արդեն Լոս Անջելեսում է

Կապանում 3 կգ-անոց գազի բալոնից տեղի է ունեցել գազի արտահոսք՝ հրդեհի բռնկմամբ․ մի քաղաքացի այրվածքներ է ստացել

Այսօր ցրտել է, սակայն առաջիկա օրերին զգալի տաքանալու է․ Գագիկ Սուրենյան

Հրշեջ-փրկարարները մարել են մոտ 59.5 հա խոտածածկ տարածք ընդգրկող 47 հրդեհ

Մեղադրանք է առաջադրվել «Վերածնունդ» միջազգային մրցույթ-փառատոն» ՀԿ նախագահին

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

«Ամուլսարի հանքի շահագործմանը փայլուն եմ վերաբերում». Խաչատուր Սուքիասյան