Ըմբիշների հատուկ անակնկալը Լեւոն Ջուլֆալակյանի 55-ամյակի կապակցությամբ. ոսկյա շղթա (տեսանյութ)

Օլիմպիական չեմպիոն, աշխարհի, Եվրոպայի չեմպիոն հունահռոմեական ոճի ըմբիշ, ՀՀ հավաքականի գլխավոր մարզիչ Լեւոն Ջուլֆալակյանի օրը յուրահատուկ սկսվեց: Սաներն ու հավաքականի մարզիչներն այսօր՝ ապրիլի 5-ին, նրա 55-ամյակի կապակցությամբ հատուկ անակնկալ էին պատրաստել՝ ոսկյա շղթա՝ օլիմպիական օղակների ու դափնիների տեսքով: Մինչեւ մարզումը, երբ ըմբիշները դեռ նոր էին հավաքվում, Ջուլֆալակյանը չէր կռահում: Մարզման մեկնարկից անմիջապես առաջ ըմբիշները նրան շնորհավորեցին ու տվեցին նվերը: Քիչ անց «Հայկական ժամանակ»-ի հետ զրույցում մարզիչը նշեց, որ իր համար անսպասելի էր:

«Իրոք բացարձակ չէի սպասում, սովորական մարզումային ընթացք էր, ինձ համար անակնկալ եղավ: Շատ հաճելի էր: Կարեւոր չէ արժեքը, հաճելի է քո կոլեկտիվի, քո ընկերների ուշադրությունը, որ հիշում են, դա իրոք շատ կարեւոր է ցանկացած մարդու համար»,- ասաց նա:  

Ջուլֆալակյանը խիստ է վերաբերվում կարգուկանոնը պահպանելու: Շնորհավորանքներն ընդամնեը մի քանի րոպե տեւեցին, եւ Եվրոպայի 2019 թ. առաջնությանն ընդառաջ կազմակերպված հավաքի հերթական մարզումն անմիջապես սկսվեց: Մասնագետը նշում է, որ, եթե մարզում է նշանակված, ոչ մի յուրահատւկ իրադարձություն չի կարող պատճառ դառնալ, որ այն չկայանա կամ ընթանա այնպես, ինչպես պետք է: Այդպես է եղել նաեւ այն ժամանակ, երբ ինքն էր դեռ մարզիկ:

«Գործն է պահանջում, որովհետեւ չենք կարող գրաֆիկից հետ մնալ: Մարզումներն այնպես են պլանավորված, որ օրը նշանակություն չունի, եթե մարզում կա, ուրեմն պետք է ճիշտ պլանավորված մոտենանք մրցումներին: Իմ մարզվելու ժամանակ էլ նույնն էր: Նույնիսկ չեմ մասնակցել շատ մոտ հարազատների հարսանիքների, ծնունդի, կնունքի: Կարելի է ասել, երեւի, 99%-ով չեմ մասնակցել ոչ մի միջոռցառման: Պատահական չգիտեմ՝ ինչպես պետք է լիներ, որ հարմարվեր»,- ասաց նա:

Ծննդյան օրը Ջուլֆալակյանի ամենասիրելի օրը չէ, սակայն առավոտյան շնորհավորանքը միակը չի լինելու: Նրա պատվին նաեւ պատանեկան մրցաշար է կազմակերպվել: Այն այսօր տեղի է ունենալու Երեւանի Նորայր Մուշեղյանի անվան ըմբշամարտի մարզադպրոցում։ Եզրափակիչները կսկսվեն 16։30-ին։ Եզրափակիչներին եւ պարգեւատրմանը ներկա կլինեն ՀԱՕԿ նախագահ Գագիկ Ծառուկյանը, ՀՀ ըմբշամարտի ֆեդերացիայի նախագահ Ռոբերտ Խաչատրյանը, փոխնախագահ Սամվել Գեւորգյանը, մարզաշխարհի անվանի ներկայացուցիչներ, պաշտոնյաներ:

«Նորից իմ ընկերներն են կազմակերպել՝ Սամվել Գեւորգյանի գլխավորությամբ, ֆեդերացիայի նախագահի: Էլի անակնկալ էր: Իրոք հաճելի է, երբ ընկերներդ ինչ-որ ձեւով կարողանում են քեզ այդ օրն ուրախացնել: Ճիշտն ասած, միշտ չեմ սիրել իմ ծննդյան օրը, միշտ խուսափել եմ զանգերից, փորձել եմ ինչ-որ տեղ անհասանելի լինել, բայց այս անգամ չի ստացվում, մարզումների օր է, չեմ կարող ներկա չլինել: Ծննդյան օրն ինձ համար մի քիչ, կարելի է ասել, ճնշող օր է: Տարվա մյուս օրերն ինձ համար ավելի հաճելի են, քան ծննդյան օրն ու Նոր տարին»,- ասաց նա:

Երեկոյան նույնպես նշելու է: Դա արդեն ընտանեկան միջավայրում: Հավաքվելու են ընտանիքի անդամներով: Լինելու են երեխաները, թոռնիկը:

Լուսանկարներն ու տեսանյութը՝ «Հայկական ժամանակ»-ի

Տպել
1140 դիտում

Արագիլների անկման կապակցությամբ Հրազդան գետի, Հովտաշենին հարող ցամաքուրդային ջրերի նմուշառման աշխատանքներ են իրականցվում

ՔԿ պարզաբանումը՝ Սամվել Կարապետյանի եղբորորդու գործի վերաբերյալ

Փոխվարչապետ Տիգրան Ավինյանը հանդիպել է ՄԱԿ-ի գլխավոր քարտուղարի հատուկ հանձնակատարին

Բացի աշխատանքից՝ բարեկեցություն ստեղծելու այլ ճանապարհ չկա․ Նիկոլ Փաշինյան

Նեթանյահուն դարձել է Իսրայելի ամենաերկար պաշտոնավարած վարչապետը

Սեւանի ոստիկանները բացահայտել են ապօրինի ծառահատման դեպքը. վարորդը չի ենթարկվել ոստիկանների պահանջին

«Իմ քայլը հանուն Շիրակի» բիզնես համաժողովի ընթացքում ներդրումային ծրագրեր ներկայացրին մոտ 50 ընկերություններ եւ անհատներ

ՍԴ ոչ լեգիտիմ նախագահ Հրայր Թովմասյանը հայտարարում է, որ ՀՀԿ-ի դատավորներին չի կարելի փոխել

Սոս Սարգսյանը ոչ միայն մեծ արվեստագետ էր, այլեւ մեծ քաղաքացի․ Արմեն Սարգսյան

Էդմոն Մարուքյանն ԱՄՆ-ում խոսել է Հայաստանում իրականացվող բարեփոխումների մասին

Հայաստանի Հանրապետությունը պետք է վերագտնի արդյունաբերական երկրի իր երբեմնի փառքը. վարչապետ

ՄԻՊ-ն ամփոփել է Իջեւանի իրադարձություններն ու արձանագրված խնդիրները

Իշխանության ներկայացուցչի նկատմամբ բռնություն գործադրելու մեղադրանքով որոնվողին գտել են Ուջան գյուղում

Արդարադատության նախարարին կից հասարակական խորհրդի նիստում քննարկվել են դատական, հակակոռուպցիոն ոլորտների բարեփոխումները

Դատարանը վարույթ է ընդունել «Արմոս» ՍՊԸ-ի հայցն ընդդեմ պատգամավոր Գեւորգ Գորգիսյանի

Զարեհ Սինանյանը ՌԴ-ում ապրող հայ ակտիվ երիտասարդներին հրավիրեց սերտ համագործակցության

Դիզվառելիք տեղափոխող բեռնատարը Օձունի մոտ շրջվել է. 2 մարդ տեղափոխվել է Ալավերդու ԲԿ

Կոռուպցիոն համակարգին ուղղակիորեն կապված տնտեսական համակարգի հետ կոմպրոմիս չի լինելու․ վարչապետ (ուղիղ)

Անցնող շաբաթ հակառակորդը Արցախի դիրքապահների ուղղությամբ արձակել է 900 կրակոց

Ոստիկանները Երեւանի Կոմիտասի պողոտայից բերման են ենթարկել 31-ամյա գրպանահատի