Ընտրություններ Իսրայելում. Նեթանյահուն, ամենայն հավանականությամբ, 5-րդ անգամ կդառնա վարչապետ

10/04/2019 schedule17:05

Իսրայելում նախօրեին տեղի ունեցած ընտրությունները հետաքրքիր զարգացում են գրանցում: Ընտրություններին գլխավոր մրացակիցներ՝ Նեթանյահուի «Լիքուդ» կուսակցությունը եւ Բենի Գանցի «Կապույտ և սպիտակ» կուսակցությունը քվեաթերթիկների 97%-ի հաշվարկի արդյունքում ստացել են 35-ական տեղ Քնեսեթում՝ խորհրդարանում, հայտնում է The Jerusalem Post-ը:

Իսրայելի վարչապետ Բենյամին Նեթանյահուն հայտարարել է, որ հաղթել է ընտրություններում, նմանատիպ հայտարարություն է արել նաեւ Բենի Գանցին: Սա թերեւս նրանց հայտարարությունն է, սակայն փորձագետների կարծիքով՝ Նեթանյահուն կարող է հինգերորդ անգամ զբաղեցնել երկրի վարչապետի պաշտոնը՝ Քնեսեթում այլ ուժերի հետ լայն կոալիցիա ձեւավորելու արդյունքում:

Ընտրություններին մասնակցել էին 46 կուսակցություններ, որոնք մանդատ կստանան, եթե հաղթահարեն 3,25 տոկոսի շեմը: Մասնակցությունը կազմել է 61,3%, որը զիջում է 2015 թ-ի ցուցանիշներին: Իսրայելի տարբեր հեռուստաալիքներ իրենց էքզիթ փոլերի արդյունքներն են հրապարակում, հայտնում է Ազատությունը:

Չնայած արդյունքները նախնական էին և ոչ պաշտոնական, հիմնական պայքարը գործող վարչապետ Բենյամին Նեթանյահուի գլխավորած «Լիքուդ» և նորաստեղծ ձախ կենտրոնամետ, զինված ուժերի գլխավոր շտաբի նախկին պետ, գեներալ-լեյտենանտ Բենի Գանցի գլխավորած «Կախոլ լավան» (թարգմանաբար՝ «կապույտ-սպիտակ»՝ ի պատիվ Իսրայելի դրոշի գույների) կուսակցությունների միջև էր:

Նախապես որոշ աղբյուրներ նշում էին, որ 37 մանդատ ստացել է Գանցի կուսակցությունը, իսկ 35՝ «Լիքուդ»-ը: Մեկ այլ էքզիթ փոլի արդյունքներով՝ 36 մանդատ բաժին է հասել «Լիքուդ»-ին, 33՝ «Կախոլ լավան»-ին: Թվերն անընդհատ փոփոխվում էին: Իսրայելի պատմության մեջ որեւէ քաղաքական ուժ չի ստացել Քնեսեթում բացարձակ մեծամասնություն, հայտնում է BBC-ին:

«Շնորհակալ եմ Իսրայելի քաղաքացիներին՝ իրենց վստահության համար: Այս պահից սկսած աջակողմյան ուժերի կառավարություն կձևավորեմ մեր գործընկերների հետ»,- կեսգիշերին հայտարարել է Նեթանյահուն: Մի քանի կուսակցություն արդեն հայտնել է Նեթանյահուին միանալու որոշման մասին:

Նախքան Նեթանյահուի հայտարարությունը Գանցն ասել էր, որ հաղթել է իր կուսակցությունը: «Այս ընտրություններն ունեն հստակ հաղթող և պարտվող: Նեթանյահուն 40 տեղ էր խոստացել ու պարտվեց: Նախագահը կարող է տեսնել ստեղծված պատկերն ու պետք է հաղթողին ասի կառավարություն ձևավորել: Այլընտրանք չկա»,-ասել էր Գանցը: Իսրայելի խորհրդարան կանցնի ԼԳԲՏ համայնքի 5 ներկայացուցիչ:

Ինչպես նշում են միջազգային ԶԼՄ-ները, ընտրություններում հաղթանակը շատ կարեւոր է Նեթանյահուհի համար, որին գլխավոր դատախազ Ավիչայ Մանդելբլիթը փետրվարին հարցաքննել էր կաշառք ստանալու գործի շրջանակում: Այժմ հաղթանակը վարչապետին հնարավորություն կտա նոր ուժով դիմակայելու մեղադրանքին:

Նեթանյահուն ընտրողների աջակցությունը ստանալու համար սկսել է համագործակցել ռադիկալ հայացքներով կուսակցության հետ, որի ղեկավարն է եղել այժմ հանգուցյալ ռավին Մեյրա Կահանեն: Այս քայլն անհանգստության պատճառ է դարձել շատ իսրայելցիների շրջանում: Այն բողոք է առաջացրել նաեւ ԱՄՆ-ի հրեաների շրջանում:

Տպել
278 դիտում

Թիմի աշխատանքից լիարժեք գոհ չեմ, իմ աշխատանքից էլ լիարժեք գոհ չեմ. Նիկոլ Փաշինյան

Հանձնարարականը պոզով-պոչո՞վ է լինում, արդեն 10 ամիս ուշացել եք. վարչապետը՝ ոստիկանությանը

Ունենք կառավարություն, որտեղ ընդգրկված հաշմանդամություն ունեցող մարդիկ ի զորու են խնդիրներ լուծել. վարչապետ

Երևանը պետք է ունենա գրադարանների կառավարման նոր համակարգ, և այն պետք է բխի հասարակության շահերից. փոխքաղաքապետ

Աննա՞, էդքան անհետաքրքիր ա՞. վարչապետի կնոջ «աչքը կպել էր» ֆեյսբուքյան ուղիղ եթերի ընթացքում

Ն. Փաշինյանը խոստացավ անձամբ զբաղվել ծնողազուրկ զինվորին Արցախ չտեղափոխելու խնդրանքով

Գործ հարուցելու համար պարտադիր պետք են հիմքեր. վարչապետը՝ Սերժ Սարգսյանի նկատմամբ քրգործ հարուցելու մասին

Շատ եմ վերլուծել այդ օրվա իմ գործողությունները. վարչապետը՝ մաքսատան աշխատակցի ազատման մասին

Մենք այժմ մշակում ենք մի ծրագիր, որով պետք է պատանիներին ներգրավենք մշակութային միջոցառումների մեջ. Փաշինյան

«Պապ, բա Աշոտը ե՞րբ ա գալու». փոքրիկ Արփին ուղիղ եթերում դիմեց Նիկոլ Փաշինյանին

Սաշիկի արգաչափերը, կոռուպցիան, բյուջեն ու կադրային ջարդը. վարչապետը՝ կետ առ կետ իր խոստումների մասին

«Հենց քուչի մեջն էլ մորթեք». Երեւան քաղաքի դատախազը հրապարկեց քրեական հեղինակությունների գաղտնալսումները

«ՀԺ»-ի ֆոտոլրագրողը՝ ոստիկանության՝ «Մակարով» տեսակի ատրճանակից հրաձգության առաջնության հաղթող

Տավուշի մարզպետարանը պարզաբանում է Դիլիջանի խմելու ջրի որակի ուսումնասիրությունների արդյունքները

Փաստը, որ ՊՎԾ պետն ԱԱԾ-ին մեղադրում է «շինծու» փաստեր ներկայացնելու մեջ, լրացուցիչ հնչեղություն է տալիս միջադեպին

2020 թվականից Հայաստանը կունենա նաեւ կանանց ֆուտբոլի ազգային հավաքական

ԱԺ նախագահը գոհ է ԱՊՀ ՄԽՎ 49-րդ լիագումար նստաշրջանի աշխատանքներից

Գարեգին Բաղրամյանն ազատվել է էներգետիկ ենթակառուցվածքների և բնական պաշարների փոխնախարարի պաշտոնից

Երթևեկության կանոնների խախտումների ծանուցումների մասին գործընթացի հետ կապված պարզաբանումներ՝ ոստիկանությունից

Մեզ բացարձակ չի հետաքրքրում, թե որ տնտեսվարողի հետեւում ով է կանգնած. ՊԵԿ 1-ին տեղակալ Ռաֆիկ Մաշադյան