«Գուդվին-Բետ»-ը՝ հաշվի առնելով վարչապետի մտահոգությունները գազալցակայաններից ինքնակամ կհանի իր սարքավորումները

Այսօր տեղի ունեցած մամուլի ասուլիսի ժամանակ «Գուդվին-Բետ» ՍՊԸ-ի գործադիր տնօրեն Սարգիս Միքայելյանը, անդրադառնալով «Վիճակախաղերի մասին» ՀՀ օրենքում լրացումներ կատարելու մասին օրենքի նախագծին, կարծիք հայտնեց, որ Ազգային ժողովի պատգամավորների կողմից ներկայացված այդ նախաձեռնությունն իրականում չի պայքարում խաղամոլության դեմ. «Ավելին՝ որեւէ հարց չի լուծում, ինչով պայմանավորված էլ երեկ ԱԺ տնտեսական հարցերի մշտական հանձնաժողովում նախագծի քննությունը հետաձգվեց՝ անգամ Կառավարության կողմից տրված դրական եզրակացության պարագայում, որովհետեւ դեռեւս կան չճշտված եւ չպարզաբանված հարցեր։

Միքայելյանի խոսքով՝ այս նախագծի ժամանակավրեպությունն ընդունում են ոչ միայն շահառու կազմակերպությունները, այլեւ խնդրի կարգավորմամբ զբաղվող պատկան կառույցները։

«Օրենքի նախագծի հեղինակներից Ալեն Սիմոնյանն ասում է, թե բուքմեյքերական գրասենյակներում կազմակերպվող վիճակախաղերը շատ ավելի գրավիչ են, քան օնլայն տիրույթում իրականացվողները, սակայն դա իրականությանը չի համապատասխանում, որովհետեւ բուքմեյքերական գրասենյակներ այցելելը ժամանակատար է, ինչը չկա օնլայն հարթակում գրանցվելու եւ խաղալու պարագայում, հետեւաբար՝ գայթակղությունը ինտերնետ հարթակում շատ ավելի մեծ է։ Մյուս կողմից, եթե բուքմեյքերական գրասենյակներում խաղալու գայթակղությունն այդքան մեծ է, այդ ինչպե՞ս է ստացվում, որ ինտերնետ տիրույթում շրջանառվող գումարը 4-5 անգամ մեծ է բուքմեյքերական գրասենյակների շրջանառությունից, հետեւաբար՝ խաղամոլության իրական վտանգը ինտերնետ տիրույթում է։

Իհարկե՛, ես չեմ քարոզում խաղամոլություն, բայց այն օրենքի նախագիծը, որն առաջարկում է Ալեն Սիմոնյանը, խաղամոլության ոլորտում որեւէ հարց չի կարգավորում, այլ առաջացնում է աշխատատեղերի եւ բյուջե միլիարդավոր դրամների մուտքերի կրճատումներ»,- ասաց նա՝ ընդգծելով, որ իրենց ընկերությունն ունի ոչ թե 100 աշխատող, ինչպես ասել է Ալեն Սիմոնյանը, այլ՝ 496։ Միքայելյանը նաեւ նշեց, որ 2018-ին իրենց ընկերությունը բյուջե է վճարել 1 մլրդ դրամ հարկ:

Միքայելյանը նշեց, որ իրենք նախագծի վերաբերյալ մի շարք առաջարկություններ են ներկայացրել ԱԺ տնտեսական հարցերի մշտական հանձնաժողովին, այդ թվում՝ առաջարկելով ոչ թե փակել բոլոր բուքմեյքերական գրասենյակները, այլ դրանց թիվն ընդամենը կրճատել. «Մենք առաջարկել ենք, գրասենյակները ամբողջությամբ փակելու եւ պարոն Սիմոնյանի նշած ընդամենը 4 քաղաքներ՝ Ծաղկաձոր, Մեղրի, Ջերմուկ եւ Սեւան տեղափոխելու փոխարեն, Երեւանի յուրաքանչյուր վարչական շրջանում երկուական գրասենյակ ստեղծել: Դրանով մեծ մասամբ աշխատակիցները չեն զրկվի իրենց աշխատանքից եւ վնասներն էլ ավելի քիչ կլինեն:

Նախագծի ընդունման պարագայում մեր ընկերությունը կհայտնվի փակման եզրին։ Կստացվի մի իրավիճակ, որ օրենքի պահանջով մենք կփակվենք եւ դաշտում կստեղծվեն մենաշնորհ ընկերություններ, որոնց տերերը ինտերնետ հարթակում են իրենց գործունեությունը ծավալում, իսկ մեր փաստացի կորուստը կկազմի 1,5 մլրդ դրամ, քանի որ հենց այդքան են կազմում մեր չփոխհատուցված միջոցները, ուստի այս օրենքի նախագիծը սպառնալիք է հենց մեզ համար»,- ասաց Միքայելյանը։

Միքայելյանը նաեւ նշեց, որ հաշվի առնելով վարչապետ Նիկոլ Փաշինյանի մտահոգությունները գազալցակայաններում տեղադրված խաղային սարքավորումների վերաբերյալ՝ «Գուդվին-Բետ» ՍՊԸ-ն ինքնակամ գազալցակայաններից կհանի իր սարքավորումները եւ կտեղափոխի բույքմեյքերական գրասենյակներ։ «Դրա արդյունքում կիսով չափ ընկերության շահույթը կկիսվի, բայց չնայած դրան, ինքնակամ մեր սարքավորումները կհանենք գազալցակայաններից: Մենք էլ սպասում ենք, որ պատկան մարմինները որոշ զիջումների կգնան ի օգուտ մեզ եւ խաղամոլության դեմ կսկսեն պայքարել՝ փակելով ոչ թե բուքմեքերական գրասենյակները, այլ խաղատները»,- ասաց Միքայելյանը։ 

Տպել
1391 դիտում

Վանաձոր-Ալավերդի-Բագրատաշեն ճանապարհը բեռնատարների և ավտոբուսների համար փակ է

Ամբողջական ու միացյալ Հայաստանի տեսլականի իրագործումն Արցախի միացումն է Հայաստանին. Արամ Ա

Սյունիքում մեքենան մոտ 50 մետրից ընկել է ձորակը․ կա մեկ զոհ, երկու վիրավոր

Դպրոցի տնօրենի 17-ամյա որդին հոր մեքենայով վթարի է ենթարկվել․ 3 դպրոցականներ հիվանդանոցում են

Ըմբիշ Արթուր Ալեքսանյանը ոսկե մեդալ է նվաճել Ղազախստանի միջազգային մրցաշարում

Ջիվան Աբրահամյանն ազատ է արձակվել

Անակնկալ Հայաստանի համար. եկան, կարդացին, գնացին

Քաղաքական լեզվամարտ. ճշմարտությունը միայն կոնյակն էր

Էս ո՞վ է. նա մի տղա էր՝ միշտ տխուր աչքերով

Պատրաստ ենք խորացնել փոխշահավետ գործակցությունը. Վվարչապետն ընդունել է Չինաստանի ԱԳ նախարարին

Հայաստանի և Չինաստանի ԱԳ նախարարները Երևանում ստորագրել են մի շարք փաստաթղթեր

ՀՀ մի մասում տեղումները կշարունակվեն առաջիկա օրերին. սպասվում է անձրեւ,տեղ-տեղ՝ կարկուտ

Հրդեհ Լուսառատ գյուղի պահեստի տարիքում. այրվել է շինությունը, անասնակեր ու վառելափայտ

Ըստ Թուրքիայի սահմանադրական դատարանի՝ Հայոց պատրիարքի ընտրություններում խախտվել է կրոնի ազատությունը

Ազատության հրապարակի ակցիայի հետ մենք կապ չունենք՝ ոչ ուղղակի, ոչ անուղղակի. «Իմ քայլը» դաշինք

ՌԴ Հարավային ռազմական շրջանը ստեղծել է զինվորների ջերմահարումից պաշտպանելու համար նախատեսված 50 կետ

«Մայր Հայաստան» թանգարանում տարածք կհատկացվի ապրիլյան պատերազմի բոլոր զոհերի հիշատակի անկյուն ստեղծելու համար

Զոհրաբ Մնացականյանը հանդիպել է չինացի գործընկերոջ հետ

Հանրահավաքի ընթացքում սպառնալիքներ հնչեցնելու կասկածանքով բերման է ենթարկվել Ջիվան Աբրահամյանը

Վանաձոր-Դիլիջան ճանապարհին մինչև հիմնանորոգումը սկսելը կատարվում են ժամանակավոր անցանելիության համար աշխատանքներ