Թղթե նվագարանների յուրօրինակ արվեստը. Մինի թանգարան Գյումրիում (լուսանկարներ)

12/04/2019 schedule20:10

Գյումրիում արդեն գործում է յուրօրինակ թանգարան, որտեղ ցուցադրվում են տնօրենի` Վալերի Նազարեթյանի ձեռքով պատրաստված ինքնատիպ թղթե նվագարանները: Գործերի հեղինակ Վալերի Նազարեթյանը նշում է, որ մինչ թանգարանի բացումը իր գործերը Երեւանում եւս ցուցադրվել են, բայց լինելով տուրիզմի մասնագետ, մտածել է, որ ավելի լավ է Գյումրիում բացել ցուցադրություն, որ հետաքրքրվողներն իրենք գան Գյումրի:

«Մի քանի անգամ աշխատանքները ցուցադրվել են մայրաքաղաքում, բայց հետագայում որոշեցի այս ձեւով տուրիստներին, հետաքրքրվողներին հրավիրել մեր քաղաք»,-նշում է հեղինակը:

Թանգարանում ցուցադրված են հիմնականում երաժշտական նվագարաններ, որոնք 90 տոկոսով պատրաստված են թղթից, միայն փոքրիկ դետալներ պատրաստելիս է օգտագործլ այլ նյութեր:

Գործիքների պատրաստման համար Վալերին օգտագործում է տարբեր տեսակի թղթեր:

Նա նշում է՝ նոր իրեր ստեղծելու սերը փոքր հասակից է ունեցել:

«Երբ մանուկ հասակում խաղալիքներ էի նվեր ստանում, քանդում ու փորձում էի յուրովի հավաքել, անշարժ խաղալիքները դարձնում էի շարժական, հետո արդեն ավելի մեծ հասակում սկսեցի ստեղծել եկեղեցիների ու մեքենաների փոքրիկ նմուշներ: Հետագայում արդեն սկսեցի պատրաստել երաժշտական գործիքներ՝ իսպանական «Բարսելոնա» կիթառը, Weltmeister ակորդիոնը, հարվածային գործիքները եւ այլ իրեր: Սրանք 80-100 անգամ փոքր են գործիքների իրական չափերից»,-պատմում է Վալերին:

Հեղինակի խոսքով, իր այս շնորհը բնատուր աստվածային է, եւ միշտ ձգտում է ստեղծել չկրկնվող, տարբերվող իրեր:

Ընտանիքում եղբայրն ու մորեղբայրը եւս երաժիշտներ են, ինքն էլ երաժշտության հանդեպ սեր ունի, դա է պատճառը, որ թանգարանում ներկայացված հենց առաջին ցուցանմուշը ռոյալն է:

«Սա ավելի շատ արվեստի ու արհեստի համադրություն է իմ համար: Երբեմն այնպիսի փոքր մասնիկներ եմ ստանում, որ նույնիսկ սրտիս աշխատանքը կարող է խանգարել ինձ այդ իրը պատրաստելիս: Իմ ցանկությունը թուղթը կատարելության հասցնելն է: Շատերը, ովքեր տեսնում են աշխատանքները, չեն հավատում, որ այս կամ այն իրը պատրաստված է թղթից, բայց դա այդպես է: Հիմնականում թուղթ եմ օգտագործում, միայն այն դեպքում, երբ հնարավոր չէ այլ դետալներ պատրաստել, օգտագործում եմ որոշակի նյութեր»,-պատմում է հեղինակը:

Աշխատանքների մեջ Վալերին առանձնացնում է ամենահարզատ գործերից երկուսը` «Մորս հուշեր» եւ «Մանկության տարիներ»-ը:

««Մորս հուշեր»-ը պատրաստել եմ մայրիկիս պատմելով, դրա համար էլ հենց այդպես է կոչվում, այստեղ ներկայացված է 70-ական թվականները՝ САКТА ռադիոընդունիչը, որն աշխատում է իրականի նման ու Ազնավուր է նվագում, պատին փակցված է «Յանտար» ժամացույցը, իսկ սենյակը վերանորոգված ու կահավորված է ճիշտ 70-ականների ոճով, նույնիսկ սենյակի գույներն են ճիշտ իրականի նման պատկերված, իսկ «Մանկության տարիները» պատկերում է 90-ականները՝ այստեղ Վեսնա մագնիտաֆոնն է, որից Ձախ Հարութի «Տարիները անցան» երգն է հնչում»,- ցուցադրում է Վալերին:

Ստեղծագործություններից յուրաքանչյուրի պատրաստումը  Վալերիից խլում է 3-4 ամիս:

«Նախքան պատրաստի արտադրանք ստանալը, ես այն նախագծում, պատկերում եմ իմ մտքում, կարող եմ փողոցով քայլել ու այդ ընթացքում կառուցել որոշակի նմուշներ, որոնք ամբողջացնելով ուղեղումս՝ հանձնում եմ թղթին»,-անկեղծանում է հեղինակը:

Մեծ ուշադրություն է գրավում թանգարանի ամենափոքրիկ գործիքը՝ հայկական դուդուկը:

Այն պատրաստված է ծիրանի ճյուղից: Ի տարբերություն իրականի՝  դուդուկի համար Վալերին պատյան է պատրաստել դարձյալ թղթից:

Արդեն բավական այցելուներ հասցրել են հիանալ թանգարանի նմուշներով:

Առաջիկայում Վալերին պատրաստվում է հանդես գալ նոր աշխատանքներով, որոնք իրենց բնույթով չեն լինելու երաժշտական ոլորտից:

Ռիմա Կարճիկյան

Տպել
853 դիտում

Վարժարանի ուսուցիչը կասկածվում է 15-ամյա աշակերտուհու նկատմամբ անառակաբարո գործողություններ կատարելու մեջ

Մենք ձեւավորում ենք գաղափարական նոր հարթություն՝ 4 սյուների վրա հիմնված. վարչապետը՝ ՔՊ համաժողովին (տեսանյութ)

Կիեւյան փողոցի շենքի մոտ ծուխ է նկատվել. փրկարարները տարհանել են բնակիչներին

Այս անգամ Ծառուկյանն էլ չի փրկի ձեզ, եթե պատերազմ եք ուզում՝ կստանաք. Տիգրան Ուրիխանյան

Այսօր «Քաղաքացիական պայմանագիր» կուսակցության համաժողովն է. ընտրվելու է վարչության նոր կազմ. ուղիղ

Արտակարգ դեպք Նուբարաշեն ՔՀԿ-ում. 57-ամյա իրանցու դին հայտնաբերվել է ճաղավանդակից կախված. Shamshyan.com

Մահացել է իտալացի ռեժիսոր Ֆրանկո Ջեֆիրելլին

Չինաստանի նախագահն Էրդողանին առաջարկել է ընդլայնել համագործակցությունն ահաբեկչության դեմ պայքարում

Ոստիկանները կրկին մեկնեցին սահման. Օսիպյանը պարգեւատրել է նրանցից մի քանիսին

Արաբկիրի ոստիկանները պարզել են քաղաքացուն դանակահարած անձի ինքնությունը

Ոստիկանները հայտնաբերել են քաղաքացու դրամապանակը գողացած անձին

Սարի թաղում՝ հեռուստաաշտարակի մոտ այրվում է խոտածածկ տարածք

ՀՀ ոստիկանությունում տեղի է ունեցել պարգեւատրման արարողություն

Դավիթ Տոնոյանը այցելել է ՀՀ ԶՈւ-երի մարտական հենակետերից մեկը

Տարբեր երկրների քաղաքացիական հասարակության ներկայացուցիչներ հյուրընկալվել են ՀՀ ԱԺ-ում

Համազգային թատրոնի փոխտնօրենն աշխատանքից ազատման դիմում է ներկայացրել

Ոստիկանները բերման են ենթարկել ավտոմեքենայի պատուհանից ինքնաշեն սարքով կրակած անձին

Ոստիկանները ապօրինի թմրանյութ պահելու եւ օգտագործելու դեպքեր են բացահայտել

Դավիթ Տոնոյանը մասնակցել է հակառակորդի կրակոցից զոհված զինծառայող Արտյոմ Խաչատրյանի հուղարկավորությանը

Հակառակորդը մեկ շաբաթվա ընթացքում շփման գծում հրադադարի ռեժիմը խախտել է շուրջ 140 անգամ