Չեմ կարծում, թե անձեռնմխելիությունը հիմք է, որ Ռոբերտ Քոչարյանի կալանքը վերացվի․ ՍԴ դատավորի թեկնածու

ՍԴ դատավորի թեկնածու Գոռ Հովհաննիսյանն Ազգային ժողովում է։ Այսօր նա հանդիպումներ է ունենալու խորհրդարանական «Լուսավոր Հայաստան» եւ «Իմ քայլը» խմբակցությունների հետ։ ԲՀԿ խմբակցության հետ Հովհաննիսյանը հանդիպել է մի քանի օր առաջ։

Մինչ ԼՀԿ-ի հետ հանդիպումը՝ Գոռ Հովհաննիսյանը լրագրողների հետ զրույցում անդրադարձավ Ռոբերտ Քոչարյանին անձեռնմխելիության հիմքով կալանքից ազատելու հարցին՝ նշելով, որ չի պատկերացնում մի սահմանադիր, որը ողջամտորեն նախատեսի կարգավորում, որով ինչ-որ մեկը երկրում, անկախ պաշտոնից, անխոչընդոտ կերպով հանցագործություն կատարի եւ հանգիստ հեռանա․

«Չեմ կարծում, թե անձեռնմխելիությունը հիմք է, որ կալանքը վերացվի, ըստ իս՝ անձեռնմխելիությունը չի նշանակում, որ անձի նկատմամբ չի կարելի քրեական հետապնդում իրականցնել, եթե օրենքով սահմանված կարգով կասկած կա, որ հանցանք է կատարվել»,-նշեց ՍԴ դատավորի թեկնածուն։

Ինչ վերաբերում է կարծիքներին, թե Քոչարյանի հանդեպ քաղաքական հետապնդում է, Գոռ Հովհաննիսյանը հստակ պատասխան չտվեց՝ ասելով, որ հարցը անորոշ է, թե ընդհանրապես ովքեր են քաղաքական հետապնդման ենթարկված անձինք․

«Սովորաբար քաղաքական բանտարկյալներ են համարվում մարդիկ, որոնք իրենց քաղաքական հայացքների համար են գտնվում կալանքի տակ։ Քոչարյանի քրեական գործի նյութերին ծանոթ չեմ, եւ գնահատելը շատ բարդ է։ Գոնե այսօր ոչ մի պետություն անձին չի հետապնդում զուտ քաղաքական հայացքների համար՝ առանց օրենքով արգելված արարքների հետ որեւէ կապի։ Այդ տեսանկյունից բարդ է քաղաքական բանտարկյալի եւ լեգիտիմ բանտարկյալի տարբերակումը»։

Գոռ Հովհաննիսյանը մեկնաբանեց, թե քանի որ գործին չի հետեւում, միայն գիտի, որ Քոչարյանը հետապնդվում է կոնկրետ հանցագործության համար։

Ինչ վերաբերում է դատական համակարգի վիճակին եւ քաղաքացիների՝ այդ համակարգի հանդեպ անվստահությանը, ՍԴ դատավորի թեկնածուն ասաց, որ դրա առաջին պատասխանատուն հենց դատական իշխանությունն է․

«Մարդկանց վստահությունը կբարձրանա, եթե դատավորների որոշումները հասցեատերերին համոզեն»։

Գոռ Հովհաննիսյանն ասաց, որ Գերմանիայի բարեկեցիկ կյանքը թողել եւ եկել է Հայաստան, քանի որ ուզում է օգնել մեր երկրին․

«Ամբողջ աշխարհում իրավունքը արագ զարգանում է։ Իսկ ՀՀ-ում իրավունքը ահագին հետ է մնում այդ տեմպից։ Եկել եմ, որովհետեւ մտածում եմ, որ կարող եմ օգտակար լինել»։

Գոռ Հովհաննիսյանն ասաց, որ չի կարծում, թե իր՝ ՍԴ դատավոր չընտրվելը սեւ բիծ կլինի իր կարիերայի վրա․

«Ես ընդամենը իմ օգնությունն եմ առաջարկում»։

Տպել
2066 դիտում

Խուզարկություններ. 22 բջջային հեռախոս է հայտնաբերվել քրեակատարողական տարբեր հիմնարկներից

Վարչապետը Լոռու մարզի Ջրաշեն համայնքում մասնակցել է բնակարանամուտի արարողությանը (տեսանյութ)

Կարին Հովհաննիսյանի «Ես մենակ չեմ» ֆիլմը խոշոր կինոփառատոնում զիջել է սիրիացի ռեժիսորի աշխատանքին

Հայկական Կարմիր խաչի ընկերությունը մարդասիրական օգնություն է տրամադրում Շիրակի կարկուտից առավել տուժած ընտանիքներին

ԱԺ-ն պետք է դիրքորոշում արտահայտի ՍԴ հետ կապված խնդիրների եւ դրա շուրջ ստեղծված իրավիճակի կապակցությամբ․ ԱԺ նախագահ

ՀՀ ՏՄՊՊՀ նախագահ Գեղամ Գևորգյանը մեկնել է Մոսկվա

ԱԺ-ն ընդունեց ճանապարհային երթեւեկության խախտումները նկարահանելու վերաբերյալ աղմկահարույց օրինագիծը․ ԲՀԿ-ն դեմ քվեարկեց

2016-ից ի վեր թուրքական հատուկ ծառայություններն այլ երկրներից առնվազն 31 մարդու են առևանգել. Die Welt

«Մենակ չեմ» ֆիլմը 2-րդ մրցանակային տեղ է գրավել Տորոնտոյի միջազգային կինոփառատոնում. Փաշինյան

ՊՆ-ն 100 տոկոսով շարունակում է նախկին իշխանությունների կազմած քաղաքականությունը. փորձագետ

Ֆյուչերսները թանկացել են 8,97 տոկոսով. նավթի համաշխարհային գներն աճում են

Արթուր Ալեքսանյանի համար անհանգստանալու կարիք չկա. մարզիչը՝ վնասվածքի մասին

Արարատ Միրզոյանը ներկա է գտնվել Դավիթ Դանիելյանի «Երազներիս գույները» ցուցահանդեսի բացմանը

ԱԺ-ն շարունակում է իր աշխատանքը. օրակարգը չի սպառվել (ուղիղ)

Հերթ կանգնեք. Երեւան ծախեմ բիրիքով

Անմեղության կանխավարկած. Վիրաբյանները մեղք չունեն

Վթար-հրդեհ Արարատի մարզում. BMW-ն մխրճվել է բեռնատարի մեջ և բռնկվել. հրշեջները 3 մոխրացած դի են դուրս բերել

Էս տաք տեղը մարդուն ցուրտը չի տանի

Պապիկյանը կմասնակցի Վիեննայում Ատոմային էներգիայի միջազգային գործակալության 63-րդ գլխավոր համաժողովին

Վթարից հետո մեքենան դեպքի վայրից հեռացրել են եւ փորձել ոստիկանության աշխատակիցներին մոլորեցնել