«Իմ քայլը» առայժմ չի հստակեցնում՝ ինչպես է քվեարկելու Գոռ Հովհաննիսյանի թեկնածությանը

Ապրիլի 16-ին մեկնարկող քառօրյայում Ազգային ժողովը Սահմանադրական դատարանի անդամ է ընտրելու։ Թեկնածուն Բեռլինի Հումբոլդտի անվան համալսարանի շրջանավարտ, իրավաբանական գիտությունների դոկտոր Գոռ Հովհաննիսյանն է։

Վերջինս արդեն հասցրել է խորհրդարանական երեք խմբակցությունների հետ փակ հանդիպումներ ունենալ․ ապրիլի 10-ին հանդիպել է ԲՀԿ խմբակցության հետ, իսկ արդեն երեկ՝ «Լուսավոր Հայաստան» եւ «Իմ քայլը» խմբակցությունների հետ։

Հովհաննիսյանն, ընդհանուր առմամբ, երեք հանդիպումներն էլ դրական է գնահատում։ ՍԴ անդամի թեկնածուն «Հայկական ժամանակ»-ի հետ զրույցում ասաց, որ ծավալվել է բովանդակ քննարկում, իսկ հարցերը եղել են հիմնականում մասնագիտական՝ սահմանադրական իրավունքին եւ Սահմանադրական դատարանին վերաբերող․

«Բոլոր հանդիպումներն էլ անցել են շատ ջերմ մթնոլորտում, եւ քննարկվել են գրեթե նույնաբնույթ հարցեր, հիմնականում՝ մասնագիտական։ Հույս ունեմ՝ ինքս էլ լավ տպավորություն եմ թողել պատգամավորների մոտ»,-ասաց Հովհաննիսյանը։

ՍԴ դատավորի թեկնածուն մեր զրույցում ասաց, որ ինքը Գերմանիայից եկել է Հայաստան՝ իր մասնագիտական գիտելիքներով Հայաստանում սահմանադրական իրավունքի զարգացմանն օգնելու նպատակով․

«Կարծում եմ՝ իմ փորձով եւ գիտելիքներով կարող եմ օգտակար լինել Հայաստանում սահմանադրական իրավունքի զարգացմանը, բայց չեմ կարող ասել՝ պատգամավորներն ինձ կընտրեն, թե ոչ, դա յուրաքանչյուր պատգամավորի անհատական խնդիրն է։ Գուցե պատգամավորն ինձ շատ հավանում է՝ որպես սահմանադրական իրավունքի լավ մասնագետ, բայց կարող է քաղաքական նպատակահարմարությունից ելնելով կարծում է, որ ավելի հարմար է՝ չընտրի»,-ասաց Գոռ Հովհաննիսյանը։

«Իմ քայլը» խմբակցության հետ փակ հանդիպումից հետո խմբակցության պատգամավոր Սարգիս Խանդանյանը մեր զրույցում եւս ասաց, որ քննարկվել են հիմնականում մասնագիտական հարցեր․

«Այսօր ծանոթացել ենք Գոռ Հովհաննիսյանի կենսագրությանը, բավական տպավորիչ գործունեություն է ունեցել Գերմանիայում։ Քննարկման ընթացքում անդրադարձանք նաեւ որոշ իրավակարգավորումների, սահմանադրական նորմերի վերաբերյալ ՍԴ դատավորի թեկնածուի կարծիքին։ Իհարկե, պետք է հասկանանք, որ գործ ունենք իրավաբանի հետ, եւ որոշ քաղաքական հարցերի շուրջ իրավաբանից ստանալ հստակ պատասխաններ գուցե հնարավոր չէ։ Կան հարցեր, որոնց, կարծում եմ վաղ է անդրադառնալ»,-ասաց պատգամավորը՝ նշելով, որ մնացյալ հարցերին ավելի հանգամանալից կանդրադառնան վաղը՝ լիագումար նիստում Գոռ Հովհաննիսյանի հետ հարցուպատասխանի ժամանակ։

Մեր հարցին՝ հնարավո՞ր է խմբակցությունն այնպես քվեարկի, որ ընտրությունը տապալվի, ինչպես նախորդ տարվա հոկտեմբերին ՀՀԿ-ն տապալեց ՍԴ դատավորի թեկնածու Վահե Գրիգորյանի ընտրությունը, Սարգիս Խանդանյանը պատասխանեց, որ եթե նույնիսկ Գոռ Հովհաննիսյանը չընտրվի, դա չի նշանակի, թե ընտրությունը տապալեցին․

«Ընտրել կամ չընտրելը պատգամավորների սեփական դիրքորոշումն է, խորհրդարանական խմբակցության դիրքորոշումն է։ Բայց այս պահին վերջնական որոշում չունենք, դեռ կքննարկենք խմբակցությունում, քանի որ այսօրվա հանդիպմանն ուղղակի ծանոթացել ենք թեկնածուի հետ, նրա կենսագրության, գործունեության հետ»։

Մեր զրույցում Խանդանյանն ասաց, որ ընտրության հարցում ավելի հեշտ որոշում կամ դիրքորոշում կհայտներ, եթե թեկնածուն լիներ Վահե Գրիգորյանը, քանի որ վերջինս իր մասնագիտական գործունեությունը տարիներ շարունակ ծավալել է հենց Հայաստանում՝ վերջին տարիներին մեր երկրում տեղի ունեցող քաղաքական իրադարձությունների ընթացքում․

«Անձամբ ինձ համար ավելի հեշտ կլիներ, քանի որ ես ծանոթ եմ Վահե Գրիգորյանի գործունեությանը, նրա կենսագրությանը, գիտեմ՝ ինչ մակարդակի իրավաբան է, եւ ինչպես կկատարի ՍԴ դատավորի պարտականությունները։ Իսկ Գոռ Հովհաննիսյանի մասով գնահատական չեմ կարող տալ, քանի որ նոր ենք ծանոթանում նրա հետ»։

«Իմ քայլ»-ի հետ փակ հանդիպումից հետո հնարավո՞ր է ասել՝ Գոռ Հովհաննիսյանը որքանով անելիք ունի մեր երկրի դատական համակարգում եւ Սահմանադրական դատարանում, պատգամավորն ասաց, որ դեռեւս դժվար է ասել՝ որպես փորձառու իրավաբան՝ Հովհաննիսյանը որքանով կկարողանա իրականացրել իր պարտականություններն մասնագիտական գործունեությունը։

Խմբակցությունն առայժմ հստակ դիրքորոշում չունի՝ ինչպես են քվեարկելու Գոռ Հովհաննիսյանի թեկնածությանը, բայց, կարող ենք ենթադրել, որ նա չի ընտրվի, քանի որ խմբակցության պատգամավորները մեկ անգամ չէ, որ ակնարկել են՝ իրենց համար ընդունելի թեկնածու է Վահե Գրիգորյանը։

Հիշեցնենք, որ ՍԴ դատավորի պաշտոնը թափուր մնալուց հետո նախորդ տարի նախագահ Արմեն Սարգսյանը Ազգային ժողովին էր ներկայացրել հայտնի փաստաբան Վահե Գրիգորյանի թեկնածությունը, սակայն նա չընտրվեց, ավելի կոնկրետ՝ ՀՀԿ խմբակցության արդեն նախկին պատգամավորները չընտրեցին Գրիգորյանին․ քվեարկությանը մասնակցեց ընդամենը 53 պատգամավոր։ Վահե Գրիգորյանի օգտին քվեարկել էր 30 պատգամավոր, մինչդեռ անհրաժեշտ էր 63 քվե։

Այս տարվա մարտին արդեն Արմեն Սարգսյանն առաջադրեց Գոռ Հովհաննիսյանի թեկնածությունը՝ առաջնորդվելով ՍԴ մասին օրենքով՝ ըստ որի ՍԴ դատավոր չընտրվելու դեպքում լիազոր մարմինը ներկայացնում է դատավորի նոր թեկնածու, հետեւաբար՝ Վահե Գրիգորյանին առաջադրել չէր կարող։ Սակայն եթե վաղը Գոռ Հովհաննիսյանը չընտրվի՝ Արմեն Սարգսյանը կկարողանա առաջադրել Վահե Գրիգորյանին՝ որպես նոր թեկնածու։

ՍԴ անդամի ընտրությունն անցկացվելու է գաղտնի քվեարկությամբ։ Թեկնածուն ընտրված է համարվելու պատգամավորների ¾-ի դրական քվեարկության կամ 63 քվե ստանալու պարագայում։

Տպել
4069 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում