Սեքյուրիթի Դրիմի նախկին տնօրենը բաց նամակով դիմել է ՀՀ վարչապետ Նիկոլ Փաշինյանին

15/04/2019 schedule17:55

Սեքյուրիթի Դրիմ ընկերության նախկին տնօրեն Արամ Ղլեչյանը բաց նամակով դիմել է վարչապետ Նիկոլ Փաշինյանին: Ընկերության նոր տնօրինությունը, հիշեցնենք, աշխատանքից ազատել է 25 աշխատակիցների, որոնք վերջին շրջանում մամուլում պարբերաբար հանդես են գալիս բացահայտող նյութերով ու ներկայացնում այն չարաշահումները, որոնք իրականացվել եւ իրականացվում են Սեքյուրիթի Դրիմում: Արամ Ղլեչյանի դեմ քրեական գործ է հարուցվել: 

Մեծարգո պարոն Վարչապետ.

Ձեր անձնական ներդրումը հայ հասարակության աշխարհընկալման ձևավորման՝ իրավունքները և ազատությունները նորովի ընկալելու, մարդու և քաղաքացու պատվի գերակայությամբ ազատ մտածելու և ապրելու հարցերում՝ անուրանալի է: Անարադարության դեմ պայքարելու օրինակը Դուք եք տվել, արդյունավետ պայքարելու և հաղթելու օրինակը ևս: Դիմում եմ Ձեզ, որպես մեր ժողովրդի իրական վստահության քվեն ստացած, Հայաստանի Հանրապետության բարձրագույն ղեկավարի: Դիմում եմ Ձեզ, ոչ թե իմ խնդրով, այլ այն անձանց, ովքեր հավատալով իրենց պայքարի ազնիվ նպատակին, մի նախանձ ու քինախնդիր որոշմամբ կորցրել են իրենց աշխատատեղերը:

Սեքյուրիթի Դրիմի 25 աշխատակիցներ, ՀՀ աշխատանքային օրենսգրքի նորմերի ակնհայտ խախտմամբ, ազատվել են աշխատանքից, այն բանի համար, որ նրանք 2019 թվականի մարտի 1-ին չեն վախեցել, չեն հանձնվել, չեն թաքնվել ուրիշների թիկունքում և բարձրաձայնել են իրենց կարծիքը, եղել են միակամ ու պայքարել են իրենց նպատակի համար՝ բողոքելով անարդարության դեմ: ՀՀ քաղաքացու հենց այս տեսակն է, որ մեր երկրին շատ է պետք, այս տեսակն է, որ չի վախեցել 2008 թվականի մարտի 1-ին, պայքարել է Արցախում 2016 թվականի ապրիլին, այս տեսակն է, որ չի թաքնվել ու պայքարել է 2018 թվականի ապրիլին, մայիսին… և այս տեսակն է, որ անձնվեր քաջությամբ կդիմակայի մեր երկրի և ժողովրդի բոլոր թշնամիներին… ու կհաղթի: Հայտնում եմ, որ բոլոր միջոցներով պայքարելու ենք Ձեր հռչակած Նոր Հայաստանի՝ արդար ու երջանիկ Հայաստանի հարատևության համար:

Սեքյուրիթի Դրիմի ազատված աշխատակիցների հարցը, մի փոքրիկ խնդիր է և դրանով մեր երկրի բազմազբաղ Վարչապետին դիմելը եսասիրական քայլ է, սակայն արդարության հասնելու մեր ձգտումը ունի նաև բարոյական նշանակետ՝ պայքարող քաղաքացու տեսակը պահպանելու և օրինակով՝ մյուսներին ոգեշնչելու: Սեքյուրիթի Դրիմ և Էլլիպս ՋիԷյ ՍՊԸ-ների կողմից պետական բյուջեից հարյուրավոր միլիոնների ոչ իրավաչափ ստացումը, մեր իրավապահների ուշադրությանն արժանացել է միանգամայն հիմնավոր առիթներով:

Նոր Հայաստանի օրոք, իմ՝ Սեքյուրիթի Դրիմի տնօրեն նշանակվելուց հետո, դադարեցվել են չարաշահումները, թույլ չեմ տվել հափշտակել պետական միջոցները և այդ պատճառով, ընկերությունների սեփականատերերը փորձել են ազատվել ինձանից և այն աշխատակիցներից, ովքեր ինձ հետ կանգնել են նրանց դեմ: Սեքյուրիթի Դրիմ ՍՊԸ-ի տնօրենի փոփոխությունը սահմանող, ընկերության մասնակիցների կողմից 01.03.2019թ. ընդունված անհատական իրավական ակտը, օրենքի պահանջով ուժի մեջ է մտել 04.03.2019 թվականին և այդ օրը դադարել են Ա. Ղլեչյանիս լիազորությունները և ծագել են նոր տնօրենի՝ Ա. Պողոսյանի լիազորությունները: Մեր պայքարը արժեզրկելու և իրենց մերկացնող ցուցմունքներ տալուն խոչընդոտելու նպատակով, ընկերությունների սեփականատերերը իրենց հին «ավանդական» կոռումպացված գործընկերների միջոցով պատվիրել են շինծու քրեական գործ՝ որը հաջողությամբ հարուցել է Արաբկիրի ոստիկանապետը՝ Արմեն Վաթյանը և հատուկ ջանասիրությամբ քննում է Արաբկիրի քննչականը, որի նախկին պետը «պատահաբար» Սեքյուրիթի Դրիմի նոր տնօրենն է՝ Արթուր Պողոսյանը: Մեղադրանքի հիմքում դրված են երեք հանգամանքներ. 

  1. 2019թ. մարտի 1-ին նախկին տնօրենը թաքցրել է ընկերության կնիքը,
  2. Հափշտակել է իր իսկ աշխատասենյակի մուտքը հսկող տեսախցիկը,
  3. Անջատել է երթևեկության տեսահսկման համակարգը և փոխել գաղտնաբառը:

Քրեական գործը հարուցվել է ակնհայտ անհիմն, քանի որ, 2019թ. մարտի 1-ին, օրենքի ուժով, ես հանդիսացել եմ ընկերության գործադիր մարմնի ղեկավարը /նախկին չեմ եղել/ և եղել եմ միակ անձն, ով իրավասու էր. 1. կնիքը պահել իր մոտ, 2. Տնօրինել ընկերության գույքը, նաև հանձնարարել հանել իր իսկ ցուցումով տեղադրված, իր աշխատասենյակի մուտքը հսկող, իր սեփականությունը հանդիսացող տեսախցիկը, 3. Իրականում, տեսահսկման համակարգի սերվերային հանգույց 2019թ. մարտի 1-ին ապօրինի, դուռը կոտրելով, մուտք են գործել Զաքարյանների ուղարկած մարդիկ և փոխել են գաղտնաբառը, իսկ գաղտնաբառը, փակ ծրարով մշտապես գտնվել է ինձ մոտ և ես, միայն ինձ հայտնի գաղտնաբառը այլ գաղտնաբառով փոխելու անհրաժեշտություն չէի կարող ունենալ:

Զաքարյաններն իրենց կողմից կատարածը փորձում են գցել իմ վրա: Սակայն դրանով չի վերջանում, Սեքյուրիթի Դրիմի նոր տնօրենը, Արաբկիրի քննչականի նախկին պետ Ա. Պողոսյանը հաղորդում է ներկայացրել ոստիկանություն, որը Արաբկիրի բաժնի պետի թեթև ձեռքով կրկին դարձել է քրեական գործ և այս անգամ ինձ մեղադրում են այն բանում, որ ես ՀՀ ոստիկանությանը հասցեգրված իմ գրությամբ, որով առաջարկել եմ ձեռնպահ մնալ Սեքյուրիթի Դրիմ ՍՊԸ-ի միջոցով Էլլիպս ՋիԷյ ՍՊԸ-ին վճարվելիք ամսական 70 միլիոն դրամները վճարելուց, «նպատակ» եմ ունեցել վնաս պատճառել ընկերությանը:

Արաբկիրի «անաչառ» ոստիկանապետի ուշադրությունից «վրիպել» է այն փաստը, որ ՀՀ ոստիկանության ԿՀԴՊԳՎ-ի կողմից հարուցված և Երևան քաղաքի քննչական վարչության վարույթում քննվող քրեական գործով հենց այդ Էլլիպսի ամսական 70-ական միլիոններն են քննության առարկան և շարունակվող հանցագործություն կատարելուց իմ հրաժարման գրությունը, ոչ մի կերպ չի կարող գնահատվել որպես ընկերությանը վնաս պատճառելու դիտավորություն: Ուշադրությունից վրիպել է նաև այն փաստը, որ ես գրությամբ առաջարկել եմ ձեռնպահ մնալ քրեական գործի շրջանակներում, իրավապահների կողմից ստուգվող, Էլլիպս ՋիԷյ ՍՊԸ-ի ներկայացրած հաշիվներով 2018թ. մայիս և հունիս ամիսների հասանելիք գումարները վճարելուց, իսկ ես միայն 2018թ. հուլիսի 4-ից եմ դարձել տնօրեն: Բացի այդ, անաչառ ու օբյեկտիվ քննություն իրականացնելու օրենսդրական առաքելություն ունեցող Արաբկիրի ոստիկանության պետը «անաչառ ու օբյեկտիվ» քննութուն իրականացնելիս «պատահաբար» անտեսել է այն փաստը, որ Էլլիպս ՋիԷյ ՍՊԸ-ն 2018 թվականի հուլիսից մինչև 2019 թվականի մարտ ամիսը /իմ պաշտոնավարման ժամկետում/ հարկային հաշիվ չի ներկայացրել Սեքյուրիթի Դրիմին և մեծագույն ցանկության դեպքում էլ Սեքյուրիթի Դրիմի տնօրենը /ես/ չէի կարող գոյություն չունեցող, նաև փաստացի չմատուցված, հարկային հաշվի դուրս գրմամբ չփաստագրված ծառայությունների դիմաց վճարում պահանջել ՃՈ-ից և դա գնահատել որպես ընկերությանը վնաս պատճառելու դրսևորում և դիտավորություն՝ քրեական գործ հարուցելու օրինական հիմք և առիթ, դուրս է իրավականի և տրամաբանականի տիրույթից, եթե իհարկե՝ Զաքարյանի և Ա. Պողոսյանի ընկերը լինելու հանգամանքը չլիներ…

Հարուցված քրեական գործն ակնհայտորեն պատվիրված, ճնշման միջոց է, որով նաև փորձ է արվում անբարենպաստ լույսի ներքո ներկայացնել մեր պայքարը, որի իրական նպատակը Զաքարյանների կողմից հափշտակությունների դադարեցումն է, 25 աշխատողներին իրենց աշխատատեղերը վերադարձնելը և կատարվածին իրավական գնահատական տալու նպաստելը:

Մեծարգո պարոն Վարչապետ

Խնդրում եմ Ձեր հանձնարարականը, ներկայացված խնդիրները՝ օրենքի գերակայության սկզբունքով ուսումնասիրելու և անաչառությամբ լուծելու նպատակով: Մենք լիահույս ենք, որ Ձեր հանձնարարականի առկայությունը կստիպի, որ հետագա գործընթացները զարգանան օրենքի պահանջի էությանը համապատասխան և արդարությունը կհաղթանակի… դրա ուղղակի ապացույցը նաև 2018 թվականի ապրիլն է:

Հարգանքով՝ Արամ Ղլեչյան

Տպել
3051 դիտում

ԱԱԾ-ին դեռ չի հաջողվել կապ հաստատել Հրայր Թովմասյանի հետ

Վարչապետ Փաշինյանը ցավակցական հեռագիր է հղել Վլադիմիր Պուտինին

Վարչապետն ընդունել է Հայաստանում Չեխիայի նորանշանակ դեսպանին

Քաղաքական պատճառներով հետաձգված աշխարհի ամենակարեւոր ֆուտբոլային հանդիպումներից մեկը՝ Կլասիկոն, կկայանա դեկտեմբերի 18-ին

Մհեր Մարկոսյանը՝ Համաշխարհային բանակային խաղերի բրոնզե մեդալակիր

Ապօրինի կերպով վաճառակետ մուտք գործելու համար հարուցվել է քրեական գործ․ ՔԿ (տեսանյութ)

Բաթոյանն ահազանգել էր 10 տարեկան երեխայի մուրացկանության մասին. ոստիկանությունը պարզել է՝ նա 21 տարեկան է

Պետությանը պատճառված 12 մլն դրամի չափով վնասն ամբողջությամբ վերականգնվել է. ՔԿ

«Ռեալ»-ը՝ անդունդի եզրին. սկսվում է Չեմպիոնների լիգայի խմբային փուլի 3-րդ տուրը

Վրաստանն ու Մեծ Բրիտանիան կնքել են ռազմավարական համագործակցության համաձայնագիր

Դպրոցներում կաֆել-մետլախ չենք կարող խփել, իսկ պոլիկլինիկաներում կարող է գործել շտապ օգնության ծառայություն. Ա. Թորոսյան

Պաշտպանական ազգային հետազոտական համալսարանում մեկնարկել է գերատեսչական ակադեմիական վերապատրաստման դասընթաց

Հայկական պատվիրակության անդամները հանդիպել են ԱՄՀ տարածաշրջանային տնօրենի հետ

Ոչ ոք չի կարող բռնության ենթարկվել քաղաքական հայացքների, սոցիալական դիրքի, ազգային պատկանելիության պատճառով. փոխնախարար

Շենքերին արևային համակարգերի տեղադրման ծրագիրը կիրականացվի բնակիչների մասնակցությամբ

ԵՊԲՀ ռեկտոր Արմեն Մուրադյանի հայցն ընդդեմ առողջապահության նախարար Արսեն Թորոսյանի վարույթ է ընդունվել

Կազմվել է ՀՀ տարածքի սեյսմիկ վտանգի հավանականային գնահատման քարտեզ. Ցոլակյանը հանդիպել է ՀԲ-ի ներկայացուցիչների հետ

Չենք կարող խոսել տնտեսության զարգացման մասին, եթե այն նորարարական չէ․ Տիգրան Խաչատրյան

Վնասվածք ունեցող Արթուր Ալեքսանյանը ծննդյան օրը մարզումը բաց չի թողել. այսօր դարձավ 28 տարեկան

Վաղարշակ Հարությունյանը հրավիրվել է Ապրիլյան պատերազմի դեպքերն ուսումնասիրող քննիչ հանձնաժողով՝ խորհրդատվություն տալու