Վահագն Հայրապետյան, Արտո Թունջբոյաջյան, կամերային նվագախումբ. նոր ձեւաչափով երաժշտական համադրություն

Ապրիլի 19-ին Արամ Խաչատրյան համերգասրահում տեղի կունենա Հայաստանի պետական կամերային նվագախմբի եւ 5th Season խմբի համերգը: Նոր ձեւաչափ ունեցող այս համերգին Կամերային նվագախումբը հանդես կգա գեղարվեստական ղեկավար եւ գլխավոր դիրիժոր Վահան Մարտիրոսյանի ղեկավարությամբ: 5th Season խմբի կազմում ելույթ կունենան ճանաչված եւ սիրված երաժիշտ Արտո Թունջբոյաջյանը, ՀՀ վաստակավոր արտիստ, դաշնակահար Վահագն Հայրապետյանը:

Երաժիշտների խոսքով՝ համերգը նոր ստեղծագործությունների ու փորձարարական ինքնատիպ ձեւաչափի հետաքրքիր համադրություն է: Համերգային երեկոյի խորագիրն է՝ «Մուտք ձայնային հաճախականություն»:

Արտո Թունջբոյաջյանի խոսքով՝ համերգի ընթացքում փորձելու են «շնորհքով» հատելով սահմանները, բոլորի ոճերը համադրելով՝ նոր բան ներկայացնել: «Երաժշտությունն ինձ համար իմ կյանքի ձայնն է, դա մարդու անկեղծ մտածողությունն է: Սա նոր մի բան չէ, բայց նման ձեւով մենք ավելի շատ ենք մոտենում իրար: Այս համերգին ամենահետաքրքիր բանը ձայնային հաճախականությունն է, այն տեղից ռեակցիա է»,-ասաց Արտո Թունջբոյաջյանը:

Դիրիժոր Վահան Մարտիրոսյանը նկատեց՝ ցանկացած պարագայում իրենք ազնվորեն իրենց աշխատանքն են անում, չեն անում, որ ինչ-որ մեկին դուր գան: Խոսելով Արտո Թունջբոյաջյանի հետ իրականացվելիք երաժշտական փորձարկումների մասին՝ վերջինս նշեց. «Ամբողջ երաժշտական պատմությունն է էքսպերիմենտ: Ոմանց մոտ դա ստացվել է, ոմանց մոտ՝ ոչ: Իրականում մենք էլ չգիտենք՝ ինչ կստացվի արդյունքում: Մենք մեր նոտաներն ենք նվագելու, դրանց գումարվելու են Արտոյի միքսերը: Էքսպերիմենտներ անելը մեր աշխատանքն է»:

Դաշնակահար Վահագն Հայրապետյանի բնորշմամբ էլ՝ կայանալիք համերգի ընդհանուր երաժշտական իմաստը ոճ հասկացողությունը դուրս մղելն է լինելու: Համերգի կազմակերպիչները նշում են, որ այս ծրագրով դեռեւս դրսում ներկայանալու մտադրություններ չունեն. «Այստեղ ներկայանալուց հետո միայն կհասկանանք՝ արժե՞ համերգը ներկայացնել նաեւ դրսում, թե՝ ո՛չ»

Երաժշիտ Արտո Թունջբոյաջյանի կարծիքով՝ ցանկացած պարագայում մասնագիտությունից առավել կարեւոր է մարդու անկեղծ մտածելաձեւը:

«Բոլոր մասնագիտությունների մեջ էլ գրեթե նույն պրոցեսն է, մի բան ես պատկերացնում զրոյից, սկսում ես իրագործել: Եվ պետք է ասել, որ այսօր դա մեզ մոտ ստացվում է: Վախենալու ոչինչ չկա, ամեն ինչ սկսելն էլ դժվար է, կարեւորը քո անկեղծ մոտեցումն է: Համբերությունով կամաց-կամաց կհասնենք ամեն ինչի: Թուրքիայում որքան էլ մեզ չէին սիրում, բայց միշտ ասում էին՝ հայերը ստեղծագործող մարդիկ են»,- ասաց Արտո Թունջբոյաջյանը:

Ապրիլի 19-ին կայանալիք համերգի տոմսերն արժեն 3 հազարից 10 հազար դրամ:

Տպել
1690 դիտում

Երկու ընկերությունների աշխատակազմը միացնելու ենք, որ ավելի մեծ ռեսուրս ունենանք․ Հայկ Եսայան

Ահազանգ է ստացվել «Աջարաբեթ․էյեմ» բուքմեյքերական գլխավոր գրասենյակում ռումբի տեղադրման մասին

Հայաստանի ֆուտբոլի հավաքականի իսպանացի գլխավոր մարզիչ Կապառոսը հետեւում է ՀՀ Գավաթի եզրափակչին

Բուժումն ավարտած և տուն վերադարձած Էլենը կաջակցի քաղցկեղ և արյան հիվանդություններ ունեցող երեխաներին

Մհեր Գրիգորյանը տեսակապի միջոցով մասնակցել է Եվրասիական տնտեսական հանձնաժողովի խորհրդի հերթական նիստին

«Առինջ մոլում» գտնվող շինանյութերի, հագուստի և տնտեսական ապրանքների վաճառքի կետերում հայտնաբերվել են մի շարք խախտումներ

Ժամանակավորապես կասեցվել է Աշտարակի հաշվառման-քննական ստորաբաժանման աշխատանքը

ԱՀ նախագահն ընդունել է Հայաստանի պաշտպանության նախկին նախարար Սեյրան Օհանյանին

Հակոբ Արշակյանն ու Լին Թրեյսին քննարկել են ներդրումների ներգրավման հնարավորությունները

Արտակարգ դրությամբ պայմանավորված՝ Լարսը բաց է միայն բեռնատարների համար

72 և 48 ժամով կասեցվել է Ազատության պողոտայում գտնվող «Նոր Զովք»-ի և Շենգավիթի հրուշակեղենի արտադրամասի գործունությունը

ՀՀ նախագահ Արմեն Սարգսյանը հանդիպել է Բակո Սահակյանի հետ

IDBank-ի և Idram-ի համատեղ հարթակում՝ մի շարք նոր առավելություններ

Գլխավոր դատախազի տեղակալը թոշակի է անցնում. նա ազատման դիմում է գրել

Այսօր նաեւ քննարկվել է Ազգային անվտանգության ռազմավարությանը հավանություն տալու մասին հարցը. Արմեն Գրիգորյան

Անցկացվել է պայմանագրային զինծառայողների երդման արարողություն

Կոտայքում կմեկնարկեն 5 դպրոցի կառուցման և վերակառուցման աշխատանքները

Լիլիթ Մակունցը եւ ՀՀ-ում ՌԴ դեսպանը քննարկել են հայ-ռուսական հարաբերությունների զարգացմանն առնչվող օրակարգային հարցեր

Սևանա լճում սիգի արդյունագործական որսի մասին «Սևան» ազգային պարկ»-ում աշխատանքային քննարկում է տեղի է ունեցել

Կորնավիրուս է հաստատվել Գյումրու Նանսենի անվան գիշերօթիկ հաստատության 10 սանի և 5 աշխատակցի մոտ