Լոռու մարզում հավերի անկում է գրանցվում. բնակիչներն ու գյուղապետը ահազանգում են

Լոռու որոշ համայնքներում տեւական ժամանակ է՝ հավերի անկում է գրանցվում: Ահազանգեր ստացվել են Ստեփանավանի տարածաշրջանի Կուռթան, Լոռի Բերդ, Ագարակ, Գուգարքի տարածաշրջանի Մարգահովիտ, Թումանյանի տարածաշրջանի Դսեղ համայնքներից:

Սննդամթերքի անվտանգության պետական ծառայության Լոռու մարզային կենտրոնի պետ Կամո Սողոյանը ՀԺ-ին հայտնեց, որ իրենք վերահսկողական գործառույթ են իրականացնում.«Եթե որոշակի գլխաքանակի անկում է արձանագրվում, համաճարակային ռիսկ է նկատվում, ու դրա մասին գյուղապետն ու տեղի անասնաբույժը ահազանգում են, մենք նմուշառում ենք իրականացնում, ուղարկում փորձաքննության»,-ասաց նա՝ նշելով, որ վերջին օրերին ահազանգ ստացվել է միայն Կուրթան համայնքից, նմուշառում է իրականացվել ու ուղարկվել հանրապետական լաբորատորիա: Պատասխանը դեռ չեն ստացվել:

Մարզային կենտրոնի տնօրենի խոսքով, վերջին ահազանգով Կուրթան մեկնած անասնաբույժը տեսել է անկված 6 թռչուն, դեպքից օրեր առաջ էլ, ինչպես անասնաբույժն է հայտնել, մի քանիսն են սատկել:

Գյուլագարակ խոշորացված համայնքի (Կուրթան համայնքը Գյուլագարակի կազմի մեջ է-խմբ) ղեկավար Մհեր Գեւորգյանը ՀԺ-ի հետ զրույցում հաստատեց, որ համայնքում տեւական ժամանակ է՝ հավերի անկում է նկատվում: Գեւորգյանն ասաց նաեւ, որ անկում գրանցվել է ոչ միայն իրենց մոտ, այլ նաեւ Ստեփանավանի տարածաշրջանի մյուս բնակավայրերում. «Սաղ ձմեռ էլ անկում եղել է, ազար է սա, ովքեր խուսափում են վակցինա անել, իրենց թռչունները սատկել են, ովքեր միջոցառումներ են արել՝ չեն սատկել, այս տարի մի քիչ շատ եղավ, ամբողջ Ստեփանավանի տարածաշրջանում հունվարից սկսած էդ ազարը կա»:

Խոշորացված համայնքի ղեկավարն ասաց, որ գյուղնախարարությունը համապատասխան վակցինան տրամադրել է, անասնաբույժը միջոցառումներն իրականացնում է: Գեւորգյանի խոսքով՝ վիճակը գնալով անհանգստացնող է դառնում. «Սրա առաջը պետք ա առնվի, մարդու հանապազօրյա հացի խնդիրն ա ոչնչանում, պետք ա միջոցառումները ուժեղացնել: Անասնաբույժը իրազեկում է բնակիչներին, դեղը ձեռին տնետուն ա գնում, ով ուզում ա՝ արվում ա»:

ՀԺ-ի հետ զրույցում Կուրթանի անասնաբույժը, սակայն, նշեց, որ անհանգստանալու կարիք չկա, ու որ անկումներ ամեն տարի էլ լինում են:

Փորձեցինք իրավիճակի մասին ամբողջական տեղեկատվություն ստանալ նաեւ Լոռու մարզպետարանի գյուղատնտեսության բաժնի պետից: Այստեղից փոխանցեցին, որ այս պահին ասելիք չունեն՝ կճշտեն, կասեն:

Տպել
846 դիտում

Ռիո դե Ժանեյրոն կրկին գունավառ էր. լուսանկարներ կառնավալից

Սիրելի ընկերներ, շնորհակալ եմ, որ եկել եք ինձ սատարելու... խնդրում եմ վերադառնալ տուն. Սերժ Սարգսյանը՝ դատարանի բակում

«Որ թատրոնը կավարտվի երեք գործողությամբ». Բարսեղ Բեգլարյանը եկավ դատարան

Մեկնարկեց Սերժ Սարգսյանի եւ մյուսների գործով դատական նիստը

Մահացել է Եգիպտոսի նախկին նախագահ Հոսնի Մուբարաքը

Սերժ Սարգսյանը քիչ առաջ ժամանեց դատարան. շուտով կսկսվի դատական նիստը

Երկաթյա կացարանը դարձել է այգեգործի պահեստ

Վարչապետը նամակ է ստացել, որով տրվել է հանձնարարական՝ 5 գերատեսչության. կարող են մի շարք ազատումներ լինել

Դատարանը հեռացավ խորհրդակցական սենյակ՝ Քոչարյանի եւ մյուսների քրեական հետապնդումը դադարեցնելու հարցով որոշում կայացնելու

Քիչ անց կսկսվի Սերժ Սարգսյանի եւ մյուսների գործով առաջին նիստը. դատարանի բակում բողոքի ակցիա է

Էրիկ Գրիգորյանն այսօր ընդունել է Հայաստանում Ճապոնիայի արտակարգ և լիազոր դեսպանին

Ես, որ մի տեղ գնում եմ, աշխատակիցներս հետս գալիս են. Արկադի Համբարձումյանը դատարանի բակում աջակցում է Սերժ Սարգսյանին

Հայաստանում նոր կորոնավիրուսի հաստատված դեպք չկա

Իրանի հետ հաղորդակցությունը ժամանակավորապես սահմանափակելու մասին որոշումն արդեն ուժի մեջ է մտել

15-ամյա պատանին հետախուզվում էր կողոպուտի փորձի համար. հայտնաբերել են Բամբակաշատ գյուղում

ԵԱՀԿ ԽՎ բարձրագույն պաշտոնյաները նույնիսկ կատակում էին, թե մեր պատվիրակության ակտիվությունն արդեն վտանգավոր է դառնում

Գանձաքար գյուղի մոտակա անտառում բռնկված հրդեհը մարվել է

Սարյանի էսքիզներով նորովի բեմադրվելու է Սպենդիարյանի «Ալմաստ» օպերան. ռեժիսորը դեռ հայտնի չէ

Կոտայքի մարզի «Արձագանք» եւ «Անվերջության ժապավեն» քանդակները կվերականգնվեն. մարզպետ

Կորոնավիրուսը խանգարում է ֆուտբոլին. Իտալիայի առաջնության 6 եւ Եվրոպա լիգայի 1 խաղ կանցնի առանց հանդիսականների