Էդմոն Մարուքյանն իր կոստյումի վրա ցույց տվեց՝ ինչպես է հասկանում կառավարության կառուցվածքի փոփոխության նախագիծը

ԱԺ «Լուսավոր Հայաստան» խմբակցության ղեկավար Էդմոն Մարուքյանն այսօր ԱԺ-ում կառավարության կառուցվածքի քննարկման ժամանակ իր կոստյումի վրա բացատրեց՝ ինչպես է պատկերացնում կառավարության՝ նախարարությունները կրճատելու առաջարկը։

Մարուքյանը, անդրադառնալով նախագծի հարակից զեկուցող Վահագն Հովակիմյանի ելույթին, ասաց, որ նախկին իշխանություններից մնացած բոլոր արատավոր երեւույթների մասին խոսվում է, բայց օպտիմալացման ծրագրի այս նախագծով դրանցից ոչ բոլորն են փոխվում, այդ թվում՝ սուպերվարչապետական համակարգը․

«Հայտնի է, որ այս պետական կառավարման համակարգը անվանվել է Սերժ Սարգսյանի կոստյում, դա հայտնի փաստ է․ Սերժ Սարգսյանի կոստյումն է, սուպերվարչապետական համակարգ է։ Հիմա դուք բերել եք նախագիծ, որով առաջարկում եք անել հետեւյալ բանը»,-ասաց Մարուքյանը ու հանեց կոստյումը՝ դրա վրա ցույց տալով՝ ինչ է ուզում անել կառավարությունը․

«Ասում եք՝ կոստյումի այս կոճակները հանում ենք, այս կոճակը տանում ենք այստեղ, ու ասում եք՝ կոստյումը հագնում ենք ու ֆսյո, էդ լավ կոստյում է, կոստյում է, որը կարվել է, չի փոխվել, եւ սուպերվարչապետական համակարգը մնացել է ուժի մեջ»։

ԼՀԿ խմբակցության ղեկավարն ասաց, որ ներկայացրած համակարգը Սերժ Սարգսյանի համակարգն է․

«Կոստյումից երկու կոճակ եք հանել, գիտեք, թե բան է փոխվել, եւ ձեր համակարգով վարչապետը մնացել է ԱԱԾ-ի, ոստիկանության եւ ՊԵԿ-ի պետը, եւ չկա այլ միջանկյալ քաղաքական օղակ, որը կկրի քաղաքական պատասխանատվություն նշված մարմինների համար։ Սա խայտառակ համակարգ է, սա չի երկարելու, մենք հետ ենք գալու այն փոխելու, բայց ուշ է լինելու էլի»։

Ապա Մարուքյանը իր հետ բերած պաստառների վրա ցույց տվեց իրենց առաջարկած կառուցվածքը եւ կառավարության առաջարկած կառուցվածքը։

Ի դեպ՝ «Լուսավոր Հայաստանն» առաջարկում է ունենալ 14 նախարարություն, այդ թվում՝ Ազգային անվտանգության, իսկ ԱԻՆ-ը եւ Ոստիկանությունը միավորել՝ ստեղծելով ՀՀ ներքին գործերի նախարարություն: Նրանց առաջարկով պետք է պահպանել նաեւ երեք փոխվարչապետերի հաստիքները՝ նրանցից մեկին վերապահելով Սփյուռքի եւ հայրենադարձության հարցերով զբաղվելու գործառույթը:

Էդմոն Մարուքյանի համոզմամբ՝ ԱԱԾ-ն եւ Ոստիկանությունը վարչապետին ենթակա առանձին մարմիններ լինելու փոխարեն պետք է նախարարություններ դառնան, որպեսզի հաշվետու լինեն խորհրդարանին, եւ դրանք պետք է ունենան իրենց քաղաքական ղեկավարները: 

Պատգամավորի խոսքով՝ հեղափոխությունից մեկ տարի անց իշխող ուժը չի կողմնորոշվում՝ ինչպես է պետք կառավարման համակարգը դարձնել առավել բաց․

«Ինչո՞ւ եք հագել Սերժ Սարգսյանի կոստյումը, ո՞ւմ է պատիվ բերում այդ կոստյումը հագնել»,-եզրափակեց Մարուքյանը։

Նշենք նաեւ, որ ԼՀԿ-ի ներկայացրած այս նախագիծը ԱԺ Պետաիրավական հանձնաժողովում բացասական եզրակացության է արժանացել։

Տպել
1362 դիտում

Օտար լեզվի քննության ժամանակ արձանագրվել է արտակարգ դրության իրավական ռեժիմի կանոնների խախտման 27 դեպք

Ոչ մեկը հստակ չի կարող ասել, Նարեկը ուր է, սահմա՞նն է անցել, թե՞ ինչ-որ դեպք է տեղի ունեցել

Ամեն անգամ նմանատիպ դեպքերը մեզ համար կարծես նորություն են, դասեր չենք քաղում․ Մարտիրոսյանը՝ «Յուքոմ»-ի խափանման մասին

Փարիզի Աստվածամոր տաճարը հրդեհից հետո կվերականգնվի նախկին ճարտարապետությամբ

30-ամյա Նարեկ Սարդարյանը որոնվում է որպես անհետ կորած

«Աջարաբեթ»-ի գրասենյակում պայթուցիկ սարք չի հայտնաբերվել

Ռուսաստանը հուլիսի 15-ից վերսկսելու է միջազգային ավիահաղորդակցությունը. ով կարող է մեկնել ՌԴ եւ ինչպես

Նրա գմբեթը բավական մեծ էր բոլորի համար. Գարո Փայլանն անդրադարձել է Սուրբ Սոֆիայի տաճարը մզկիթի վերափոխելու որոշմանը

«Է»-ն լեզվի «փողկապ»- ն է, երբ այն չկա, մարդը բարեկիրթ չէ. Վիկտոր Կատվալյան

Գերդրամատիկ խաղում «Նոան» առաջին անգամ Հայաստանի ֆուտբոլի գավաթակիր դարձավ

Կարեն Վարդանյանի հոգեհանգիստը տեղի կունենա հուլիսի 12-ին, Նոր Նորքի 5-րդ զանգվածի Սբ. Սարգիս եկեղեցում

12 մլն դրամ, 8000 դոլար, կենսաթոշակ ոստիկանությունից․ Սյունիքի մարզպետ Հունան Պողոսյանի հայտարարագիրը

Բենիամինում կայծակնահար է եղել գյուղի նախրապանը. երեքով են եղել՝ ինքը, թոռը, տղան

Նոր Գեղիում անօդաչու թռչող սարքերի միջոցով բույսերի որակական ստուգման և բուժման առաջին փորձն է իրականացվել

Գեղարքունիք համայնքի 12 փողոցներում կանցկացվի գիշերային լուսավորության համակարգ

Կարեն Վարդանյանի մահվան կապակցությամբ կառավարական հանձնաժողով է ստեղծվել

Հինգերորդ զորամիավորման զորամասերից մեկում անցկացվել է մարտական հերթապահություն իրականացնող զինծառայողների հերթափոխ

21-ամյա երիտասարդը դանակահարվել է վիճաբանությանը միջամտելու ժամանակ. հարուցվել է քրեական գործ

Էջմիածնի բնակարաններից մեկում հայտնաբերվել է մոտ 23կգ մշակված կանեփի բույս, 240գ. նույն բույսի թաց զանգված, կաթուցիչ

Հուլիսի 6-9-ը Տեսաչական մարմինը մայրաքաղաքի նախադպրոցական հաստատություններում իրականացրել է 40 մշտադիտարկում