Գործ հարուցելու համար պարտադիր պետք են հիմքեր. վարչապետը՝ Սերժ Սարգսյանի նկատմամբ քրգործ հարուցելու մասին

Ֆեյսբուքյան էջի ուղիղ եթերում ՀՀ վարչապետ Նիկոլ Փաշինյանը արդեն 2 ժամից ավելի շարունակում է պատասխանել օգտատերերի հարցերին:

Հարցերից մեկն այն մասին էր, որ եթե Սերժ Սարգսյանը դեռեւս մեղադրյալ չէ ոչ մի քրեական գործով, ապա ինչպե՞ս կարելի է խոսել արդարադատության մասին:

«Տեսեք, դուք գիտեք, որ այսօր կալանավորված են գեներալ Մանվել Գրիգորյանը, ՀՀ երկրորդ նախագահ Ռոբերտ Քոչարյանը, հետախուզման մեջ են գտնվում նախկին նախարարներ, բարձրաստիճան պաշտոնյաներ, շատերը անցնում են տասնյակ քրեական գործերով, անգամ կան ներկա պաշտոնյաներ, կան հարուցված տասնյակ քրեական գործեր: Մեր առաջ մենք խնդիր չենք դրել, որ պետական բարձրաստիճան պաշտոնյաների նկատմամբ գործ հարուցենք: Գործ հարուցելու համար պարտադիր պետք են հիմքեր:

Տեսեք, երբ Մանվել Գրիգորյանին կալանավորում էին, ես Ղարաբաղում էի, այդ օրերին ասում էին, որ հերոս են ձերբակալել, որ Հայաստանի մեջքն են կոտրում եւ այլն, բայց բոլորս էլ գիտենք, թե ինչ պարզվեց: Ես ասում եմ սկզբունքը, որ ոչ մեկը արտոնյալ չի լինելու օրենքի առաջ: Կարեւոր է այստեղ մեկ այլ բան. կմեղադրվի, թե ոչ Սերժ Սարգսյանը, բայց կա այս հարցի տակ տողատակ՝ կարողա՞ դուք Սերժ Սարգսյանի հետ թաքուն պայմանավորվածություն ունեք:

Ես ասեմ, որ ես չեմ կարող նման խաղիկների մեջ մտնել. սա եկեք մեկընդմիշտ արձանագրենք: Ես քննիչ կամ դատախազ չեմ: Այն պահին, երբ քրեական գործ հարուցելու հստակ հիմքեր լինեն, որեւէ արգելք չի լինի: Եթե ես որեւէ մեկի հետ կուլիսային պայմանավորվածություն ունենամ, սա կնշանակի, որ ոչ միայն հեղափոխությունն է անիմաստ, այլեւ իմ ապրած կյանքը:

Օրինակ հյուսիս-հարավի գործով արդեն քանի ամիս է՝ գործ է հարուցված: Ենթադրվու՞մ է, որ այստեղ մեղադրյալներ կլինեն պաշտոնյաներ, միանշանակ՝ այո, որովհետեւ նմանօրինակ չարաշահումներն առանց պաշտոնյաների ներգրավվածության հնարավոր չէ պատկերացնել, բայց այս պահին չկան մեղադրյալներ, որովհետեւ գործը չափազանց ծավալուն է: Ես հրաժարվում եմ անուն-ազգանուններով խոսելուց, որովհետեւ սա կոնկրետ ուղղվածություն է նշանակում: Միանշանակ է, որ մենք անելու ենք հնարավորը՝ ժողովրդից թալանածը հետ բերելու համար: Ես ամբողջությամբ գոհ չեմ գործընթացից, որը սկսվել է, բայց այստեղ էլ շատ գործոններ կան:

Հիշու՞մ եք, երբ Մանվել Գրիգորյանի տան կադրերը ցույց տվեցինք, ի՞նչ եղավ հետո, բազմաթիվ մարդիկ տարան ինչ ունեին վառեցին, վերացրեցին, տեղափոխեցին: Մարդիկ կան, որոնց տներում նույնիսկ 1000 դրամ չի հայտնաբերվել, բայց այդ մարդը հնարավոր է թաթախված է կոռուպցիայի մեջ: Ես խնդրում եմ ինձ դավադրությունների մեջ չմեղադրեք, ես կարող եմ սխալվել եւ պատահում է, սխալվում եմ, բայց ինձ մեղադրել պետք չէ դավադրությունների մեջ:

Օգտատերերից մեկի հաջորդ մեկնաբանությունը հարց չէր, այլ պարզապես կարծիք, որը մեծ թվով լայքեր էր ստացել:

Խոսքն այն մասին էր, որ ժողովուրդը լիարժեք համոզված է վարչապետի գործողությունների ճիշտ լինելու մեջ, որին ի պատասխան Ն. Փաշինյանը նշեց, որ սխալներ ինքն էլ է անում, ինչպես յուրաքանչյուր մարդ, բայց ինքը հաստատ չի անի սխալներ, որոնք բեկումնային կլինեն:

Տպել
2521 դիտում

Արցախի ՏԻՄ ընտրություններում դիտորդական առաքելություն իրականացնելու համար կառավարությունը գումար կհատկացնի 2 ՀԿ-ների

Դայակի ինստիտուտի ներդրման ծրագրի համար լրացուցիչ 77 մլն դրամ կհատկացվի

Կառավարությունը հավանություն չտվեց Նաիրա Զոհրաբյանի եւ Վահե Էնֆիաջյանի օրենսդրական նախաձեռնությանը

ՄԱԿ-ում տարածվել է Արցախի Հանրապետության Կամավոր ազգային զեկույցը

Մովսես գյուղում այրվել է մոտ 13 հա խոտածածկույթ. ԱԻՆ

Երկրաշարժ Արցախում. ցնցման ուժգնությունն էպիկենտրոնում գրանցվել է 4-5 բալ

ԱԱԾ-ն հայտնաբերել է ահաբեկչության համար հետախուզվող Հնդկաստանի 2 քաղաքացու. նրանք ժամանել են Թուրքիայից (տեսանյութ)

Մեկնարկել է ՀՀ կառավարության հերթական նիստը. օրակարգում ներառված է 40 հարց

Գրենլանդիայի վաճառքի խնդիրը. ինչո՞ւ է Թրամփը չեղարկել այցը Դանիա

Յուվեցի Կարոյի սպանության եւ Կարամելի Հարութի ինքնասպանության դեպքերով հարուցված քրեական գործերը կարճվել են

Սյունիքի մարզում այրվում է մոտ 100 հա բուսածածկույթ, այդ թվում գիհի, կաղնու ծառեր եւ թփուտներ

Առաջիկա օրերին շոգ եղանակը կպահպանվի. սպասվում է բարձր կարգի հրդեհավտանգ իրավիճակ

change.org կայքում ստորագրահավաք է սկսվել՝ հաջակցություն ՀՊՏՀ ռեկտորի ԺՊ Ռուբեն Հայրապետյանի

«Օրենքով գող» Անդիկի սպանությունն իրականացնողը ՌԴ Գրոզնի շրջանից է. ՔԿ-ն մանրամասներ է ներկայացնում

Ծիծեռնակաբերդի զբոսայգում այրվել է մոտ 2 հա բուսածածկույթ և 100 ծառ

Ուռուցքաբանության և ճառագայթային բժշկության բուժկենտրոնների կառավարումը կվերապահվի ԱՆ-ին

Արթուր Վանեցյանի որոշմամբ կասեցվել են 3 ֆուտբոլիստների կարգապահական տույժեր

«Օրենքով գող» Անդիկի սպանությունը իրականացրել է ՌԴ 32-ամյա քաղաքացին, նրան օժանդակել է Երեւանի բնակիչը

36 ժամ ջուր չի լինելու Երեւանում, Արարատի, Արմավիրի եւ Կոտայքի մարզերում

«Էլ Գարդեն» սրճարանի մոտակայքի հրդեհը բարդության «1-Բիս» աստիճանի է. պատճառը հրավառությու՞նն է