Լոռու մարզի Գեղասար համայնքում ամենամեծ խնդիրը խմելու ջրի հարցն է (լուսանկարներ)

Լոռու մարզի Գեղասար համայնքում աղետի գոտու հետեւանքով անօթեւան 2 ընտանիք է մնացել: Այդ ընտանիքների համար եւս «Գլենդել հիլզ» ընկերությունը պարտավորվել էր բնակարան կառուցել, սակայն շինությունն անավարտ էր թողել ու հեռացել: Կառավարության եւ «ֆուլեր» տնաշինական կենտրոնի հետ համատեղ շուտով այդ 2 ընտանիքների խնդիրը եւս վերջնական լուծում կստանա: Սակայն այս ամենի հետ մեկտեղ աղետի գոտի ասվածը գյուղում դեռ կպահպանվի՝ երկրաշարժից հետո կառուցված ժամանակավոր կացարաններով ու այդտեղ ապրող մարդկանցով:

Գեղասարի գյուղապետ Վարազդատ Գրիգորյանի խոսքով՝ ժամանակավոր կացարանները պետք է ծառայեին 10-15 տարի, հենց այդքան էլ երաշխիքով էր կառուցված, սակայն 15 տարի ժամկետով կառուցված տներում շուրջ 30 տարի մարդիկ դեռ ապրում են. «Հիմա լրիվ խարխլված վիճակ է: Մենք ներկայացրել ենք խնդիրը, ցուցակագրվել է, ուսումնասիրել ենք: Իմ նշած ժամանակավոր կացարաններում 30 ընտանիք է ապրում, սակայն գյուղում տնակում ապրող 60 ընտանիք կա, որոնցից 30-ը՝ ժամանակավոր կացարաններում, մյուս մասը՝ տրոհված ընտանիքներն են»,-ասաց նա:

Գեղասարը գրանցված 932 բնակիչ ունի: Փաստացի բնակվում է մոտ 800 հոգի: Հիմնական զբաղվածությունը գյուղատնտեսությունն ու հողագործությունն է, որոնց գերակշռում են արտագնա աշխատանքի մեկնողները: Համայնքի ղեկավարն ասում է, որ վերջին տարիներին արտագաղթը նվազել է, անգամ ներգաղթ է արձանագրվել նախորդ տարի՝ 2 ընտանիք է գյուղ վերադարձել:

Խոսելով համայնքի կարեւոր խնդիրներից, գյուղապետն առանձնացնում է խմելու ջրի խնդիրը: Ասում է՝ 2 թաղամաս առհասարակ խմելու ջուր չունի. «Ով ինչպես կարողանում է, մեկը դույլերով, մեկը՝ մեքենաներով, մյուս մասը բնական աղբյուրներից ու ջրհորներից է օգտվում»:

Համայնքի ղեկավարին անհանգստացնում է մթերվող կաթի գնի պարբերաբար իջեցումը, որը լուրջ հետեւանք է թողնում անասնապահության զարգացման վրա. «Միայն էս ամիս մի քանի անգամ գին իջեցրեցին, ու դեռ էլի կիջեցնեն հավանաբար»:

Համայնքում սովետական շրջանի գյուղատնտեսական տեխնիկան են դեռ շահագործվում, որը հաճախ է խափանվում, հատկապես՝ սեզոնին, ինչի պատճառով գյուղացին փաստի առաջ է կանգնում:

Պետության հայտարարած սուբվենցիոն ծրագրերից համայնքը չի օգտվում, պատճառը՝ ֆոնդային բյուջեում բավարար գումարի բացակայությունն է: Այս ամենի հետ մեկտեղ համատեղ ներդրմամբ ծրագրեր իրականացվում են: Սեփական եկամուտները համայնքում դժվար են հավաքագրվում. «Եթե այդ հողից գյուղացին օգուտ չի ստանում, ոնց պետք է հողի հարկ վճարի… խոպանից տարվա վերջ գալիս մաս-մաս էլի վճարում են: Բացի դա, կոնկրետ հիմա գյուղացին չգիտի՝ սերմացու առնի, դիզվառելիք, թունաքիմիկատ, թե հողի հարկ տա»:

20 մլն դրամ բյուջե ունեցող համայնքի ղեկավարն ասում է, որ հիմնականում ծախսվում է աշխատավարձերի ու պահպանման ծախսերի վրա. «Փոքր բյուջեով փորձում ենք արդյունավետ աշխատանք տանել»

Հոդվածը պատրաստվել է Հայաստանում միգրացիոն քաղաքականության միջազգային կենտրոնի գրասենյակի կազմակերպած մեդիատուրի շրջանակներում:

Տպել
6666 դիտում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները

Վրաստան մուտքն արգելող որոշումը շարունակվում է ուժի մեջ մնալ. Ստեփանծմինդա-Լարսը բաց է միայն բեռնատարների համար

Իջևան-Բերդ ավտոճանապարհին մեքենան բախվել է էլեկտրասյանը․ տուժածներ չկան

ԵՊՀ հայ բանասիրության ֆակուլտետն իր անվստահությունն է հայտնել ծրագրերի և չափորոշիչների աշխատանքային խմբին

Հրշեջ-փրկարարները մարել են 7 հա տարածքում բռնկված հրդեհները

Վանաձորի բժշկական կենտրոն է դիմել 5 քաղաքացի՝ «սնկից թունավորում» նախնական ախտորոշմամբ

Երևանի Աղբյուր Սերոբի թիվ 1 շենքի բնակարաններից մեկում հայտնաբերվել է բնակչի դին