Այսօր Թուրքիան պատասխանատու է նաև Սիրիայում իր հերթական ցեղասպանությունների համար. հայտարարություն

 

 

Հայոց Ցեղասպանության 104-րդ տարելիցին ոգեկոչելով բյուրավոր նահատակների անմոռաց հիշատակը, Եվրոպայի Հայերի Համագումարի անունից  հարկ ենք համարում վերահաստատել, որ համառ եւ հետեւողական, համախմբված եւ միասնական ջանքերի շնորհիվ միայն հնարավոր կլինի  վերականգնել արդարությունը և տեր կանգնել  կորցրած հայրենիքին և նրա հարստությանը:

Եվրոպայի Հայերի Համագումարի հայտարարության մեջ ասվում է, որ 1915 թվականին հայոց դեմ կատարված Ցեղասպանությունը գագաթնակետն էր  օսմանական կայսրության հաստատման օրից ի վեր հայոց դեմ անընդմեջ կատարվող ոճրագործությունների: Այդ ցեղասպանական քաղաքականությունը շարունակվեց և դեռ շարունակվում է նրա իրավահաջորդ իշխանությունների կողմից եւ դեռ ավելին՝ այդ ցեղասպանական քաղաքականությանը տասնյակ տարիներ է ինչ միացել են Ադրբեջան կոչվող երկրի իշխանությունները:

Հարկավոր է կազմել մեկ ճակատ և որդեգրել  հստակ ռազմավարություն՝ աշխարհով մեկ բացահայտելու եւ քողազերծելու Էրդուգանների եւ Ալիեւների հակահայկական, հակամարդկային ու ռասիստական քաղաքականությունը իր ողջ տգեղությամբ:

Միջազգային հանրությունը եւ առաջադեմ մարդկությունը, առավել եւս այսօր պետք է, որ լիապես տեղեկացված լինի եւ քայլեր կատարի նրանց որդեգրած քաղաքականության դեմ:

Այսօր Թուրքիան պատասխանատու է նաև Սիրիայում իր հերթական ցեղասպանությունների համար, մասնավորաբար Քեսաբում եւ Դեր Զորում, իսկ Ադրբեջանը՝ Սումգայիթի, Բաքվի և  ադրբեջանական հանրապետության տարածքում հայերի հանդեպ կատարած ջարդերի և բռնի տեղահանումների համար, Արցախի ու Հայաստանի ժողովրդի վրա ռազմական հարձակման և պատերազմ հրահրելու  համար:

Թուրքիան և Ադրբեջանը պատասխանատու են նաև մշակութային ցեղասպանության համար: Նրանք որդեգրելով պանթուրքիստական քաղաքականություն, ոչնչացրել և շարունակում են ոչնչացնել պատմության ընթացքում կերտած մեր մշակութային արժեքներն ու ինքնության վկայությունները, պատմությունը կեղծելով՝ իրենց են վերագրում հինավուրց ժողովուրդների պատմամշակութային կոթողներն ու ժառանգությունը:

Ժամանակակից աշխարհի լարված եւ փոթորկոտ աշխարհաքաղաքական հորձանուտներում ստեղծվում է նոր մարտահրավերների ու հնարավորությունների պատմական մի փուլ, որը մեզանից պահանջում է անել ավելին, քան արվել է մինչ այսօր:

Մեր գոյության և պետականության դեմ ծառացած մարտահրավերների հաղթահարման համար անհրաժեշտ է համախմբվել, մեկ բռունցք դառնալ և թիկունք կանգնել թավշյա հեղափոխությամբ վերաիմաստավորված հայրենի պետականությանը, դեմ կանգնել  բոլոր տեսակի ներքին եւ արտաքին խարդավանքներին...

Խոսքով միասնական, իսկ գործով անջատողական  արատավոր քաղաքականությունը անասելի վնաս է հասցրել մեզ մեր ողջ պատմության մեջ:

Այսօր մեզ  հարկավոր է, թե' Հայրենիքում եւ թե' Սփյուռքում մի կողմ թողնել կուսակցական ու խմբակային նեղ շահերը՝ հենվելով մեր ներքին ուժերին, մեկ մարդու պես անկաշառ համախմբվել հայրենիքի շուրջ եւ լավագույնս օգտագործելով հեղափոխության ընձեռած եզակի այս հնարավորությունը  ամրապնդել նրա ինքնիշխանությունը, հզորացնել տնտեսությունը, անպարտելի դարձնել  ռազմական ուժը, ապահովել ազգաբնակչության բարեկեցությունը եւ հայրենադարձության կարավանների համար ստեղծել լուսավոր ճանապարհ...

Եվրոպայի Հայերի Համագումարը հավատարիմ իր որդեգրած սկզբունքներին եւ համոզմունքին, հավատացած է, որ  միասնական ջանքերով հնարավոր է հասնել ցեղասպանության միջազգային համընդհանուր ճանաչումին եւ դատապարտման, ցեղասպանության հետեւանքների վերացմանը, նյութական ու հողային փոխհատուցումներին եւ դիմակայել սպասելի ու անսպասելի բոլոր արհավիրքներին ու մարտահրավերներին:

Տպել
1822 դիտում

Օտար լեզվի քննության ժամանակ արձանագրվել է արտակարգ դրության իրավական ռեժիմի կանոնների խախտման 27 դեպք

Ոչ մեկը հստակ չի կարող ասել, Նարեկը ուր է, սահմա՞նն է անցել, թե՞ ինչ-որ դեպք է տեղի ունեցել

Ամեն անգամ նմանատիպ դեպքերը մեզ համար կարծես նորություն են, դասեր չենք քաղում․ Մարտիրոսյանը՝ «Յուքոմ»-ի խափանման մասին

Փարիզի Աստվածամոր տաճարը հրդեհից հետո կվերականգնվի նախկին ճարտարապետությամբ

30-ամյա Նարեկ Սարդարյանը որոնվում է որպես անհետ կորած

«Աջարաբեթ»-ի գրասենյակում պայթուցիկ սարք չի հայտնաբերվել

Ռուսաստանը հուլիսի 15-ից վերսկսելու է միջազգային ավիահաղորդակցությունը. ով կարող է մեկնել ՌԴ եւ ինչպես

Նրա գմբեթը բավական մեծ էր բոլորի համար. Գարո Փայլանն անդրադարձել է Սուրբ Սոֆիայի տաճարը մզկիթի վերափոխելու որոշմանը

«Է»-ն լեզվի «փողկապ»- ն է, երբ այն չկա, մարդը բարեկիրթ չէ. Վիկտոր Կատվալյան

Գերդրամատիկ խաղում «Նոան» առաջին անգամ Հայաստանի ֆուտբոլի գավաթակիր դարձավ

Կարեն Վարդանյանի հոգեհանգիստը տեղի կունենա հուլիսի 12-ին, Նոր Նորքի 5-րդ զանգվածի Սբ. Սարգիս եկեղեցում

12 մլն դրամ, 8000 դոլար, կենսաթոշակ ոստիկանությունից․ Սյունիքի մարզպետ Հունան Պողոսյանի հայտարարագիրը

Բենիամինում կայծակնահար է եղել գյուղի նախրապանը. երեքով են եղել՝ ինքը, թոռը, տղան

Նոր Գեղիում անօդաչու թռչող սարքերի միջոցով բույսերի որակական ստուգման և բուժման առաջին փորձն է իրականացվել

Գեղարքունիք համայնքի 12 փողոցներում կանցկացվի գիշերային լուսավորության համակարգ

Կարեն Վարդանյանի մահվան կապակցությամբ կառավարական հանձնաժողով է ստեղծվել

Հինգերորդ զորամիավորման զորամասերից մեկում անցկացվել է մարտական հերթապահություն իրականացնող զինծառայողների հերթափոխ

21-ամյա երիտասարդը դանակահարվել է վիճաբանությանը միջամտելու ժամանակ. հարուցվել է քրեական գործ

Էջմիածնի բնակարաններից մեկում հայտնաբերվել է մոտ 23կգ մշակված կանեփի բույս, 240գ. նույն բույսի թաց զանգված, կաթուցիչ

Հուլիսի 6-9-ը Տեսաչական մարմինը մայրաքաղաքի նախադպրոցական հաստատություններում իրականացրել է 40 մշտադիտարկում