Բոլորի ուզածն է, որ իմ ու Փաշինյանի հարաբերությունները վատանան. Ծառուկյան

ԱԺ ԲՀԿ խմբակցության ղեկավար Գագիկ Ծառուկյանը խոսել է իր ու ՀՀ վարչապետ Նիկոլ Փաշինյանի հարաբերությունների մասին: Այս այդ թեմայի շուրջ լրագրողների հարցերին պատասխանել է այսօր՝ ապրիլի 24-ին, Ծիծեռնակաբերդում Հայոց ցեղասպանության զոհերի հիշատակին հարգանքի տուրք մատուցելուց հետո: Խոսել է նաեւ ցեղասպանության միջազգային ճանաչման մասին:

- Պարո՛ն Ծառուկյան, ի՞նչ քայլեր է պետք ձեռնարկել, որպեսզի Թուրքիան ի վերջո ճանաչի Հայոց ցեղասպանությունը:

- Բոլորս էլ արդեն տեսնում ենք, որ դա արդեն ճանաչելու ճանապարհին է: Ամբողջ աշխարհում բոլոր, մեր սփյուռքահայությունը, մեր ամբողջ ազգը, որը տեսնելով, իրոք դա այն օրն է, որը սգում են, եւ նպատակն է, որ դա ճանաչում ունենա, որ գոնե կարողանանք մեր ազգի համար ինչ-որ քայլեր կատարենք: Ամերիկան արդեն 49-րդ նահանգը, որը ճանաչում է, ուզում է ճանաչել, Ֆրանսիան ու Ֆրանսիայի նախագահը, որ ընդունեց այսօր՝ ապրիլի 24-ը, ամեն տարի Հայոց ցեղասպանության ու սգո օր, Իտալիան աշխատանքներ է կատարում: Սա հիմնական ոչ միայն կառավարությունը, իշխանությունը, խորհրդարանը, դա ամբողջ աշխարհի, մեր հայության խնդիրն է, պատվի խնդիր: Գիտեք, որ արդեն կարճ ժամանակ է մնացել, որ Թուրքիան իր ոճրագործության պատասխանը տա ամբողջ աշխարհի առաջ, ոչ միայն այդ ցեղասպանությունը չզգա, այդ դաժան սուգը: Ամեն տարի ապրիլի 24-ին տեսնում ենք, որ մարդիկ, իրոք սգալով, այդ վիշտը ապրելով, որ ուզում են ցեղասպանության խնդիրը բարձրաձայնել, որ միջազգային ճանաչում ունենա, որ ոչ մի երկրում դա չկրկնվի:

- Ո՞ր պարագայում Հայաստանի հետ հաշվի կնստեն:

- Եթե ճանաչում ունեցավ՝ լիարժեք միջազգային ճանաչում, բոլորը ընդունեցին, որ մենք կարողացանք ներկայացնել, որտեղ մենք ներկայացնում ենք, բոլորն էլ ընդունում են: Մենք պետք է աշխատենք ներկայացնել ամեն ինչով՝ սայթերով, ինտերնետով, թերթերով, խորհրդարաններում, մեր կապերով: Դա այնպիսի բան է, որ արդարությունը հիվանդանում է, բայց չի մահանում: Քանի տարի է անցել, հիմա ավելի շատ է քննարկվում: Եվ համարյա, որտեղ ներկայացնում ենք, այդ պետության խորհրդարանները ընդունում եւ ճանաչում են:

- Ինչպիսի՞ ելք պետք է լինի, նախապայմաններո՞վ պետք է լինեն այդ բանակցությունները, թե՝ առանց նախապայմանների: Տարածքների փոխհատուցում պե՞տք է լինի:

- Ամեն ինչ էլ պետք է լինի՝ տարածքներ, վնասներ լիարժեք... հենց այնպես չէ, միլիոնուկես հայություն, որ ինչ-որ իրենց քմահաճույքով կամ ասենք զավթելով հողատարածքները տա պատասխան, որ մեր սրտով լինի, որ նրանք պետք է պատասխան տան ե՛ւ տարածքային, ե՛ւ ֆինանսական, ե՛ւ բարոյական, ամեն հարցում:

- Վաղը ԱԺ տնտեսական հարցերով հանձնաժողովում կրկին քննարկվելու է Պետական տուրքի մասին օրենքում փոփոխություններ կատարելու մասին նախագիծը, որ ձեզ ուրիշ հնարավորություն տրվի: Ձեզ կհաջողի՞ հանձաժողովում քննարկումների մակադրակով հասնել ձեզ համար ցանկալի լուծման ցեմենտի եւ կլինկերի հարցում:

- Ես ասել եմ՝ որը ընդունում են, իմ համար ցանկալի է: Ես միայն ուզում եմ, որ բարձրաձայնեն ոչ միայն ասեն՝ Ծառուկյանի շահերն ենք պաշտպանում, Ծառուկյանի համար ենք արել, Ծառուկյանի համար արածը տեսաք, որ մենք դեմ քվեարկեցինք: Հիմնական խնդիրը, ասենք թե, այսօր հանձնաժողովն է, խորհրդարանն է, որը ներկայացնի, որ ժողովուրդն էլ իմանա՝ ոչ թե դա Ծառուկյանն է, այլ համապատասխան այսօրվա օրենքն ու իշխանությունը: Թե չէ ասում են՝ շահերի բախում: Եթե որեւիցե մեկը տեսնի, որ Ծառուկյանը եսիմ դոշ ա ծեծել, շահերից բախում... էս էլ է ինձ ձեռք տալիս, էն էլ, ես իմ ժողովրդի համար, որ կանգնել են անձրեւի տակ, ես գնացել եմ, ասել եմ՝ ձեր ցավը տանեմ, կարայի չգայի, բայց ես եկել եմ, ես ձեր կողքին եմ: Հիմա ուզում են խառնեն, ալիքներ պղտորեն, տարբեր ինչ-որ բաներ խոսալով, մարդը երբեք մատը մատին չի տվել, մի հատ ծառ չի տնկել, էսօր խոսում ա ներդրումից կամ եսիմինչից: Էսօր մեր ազգը աշխատող ազգ ա, ու մնացել ենք 2 միլիոն, որ կարելի ա մի հատ մեծ կոլեկտիվ ա: Ըստ ոլորտների, ըստ մասնագետների, ովքեր այդ ոլոտներին տիրապետում են, արդյունավետ աշխատել են, պատկերացնում են՝ ինչ կարելի ա անել, այդ բոլորը կարելիա 3 ամսում ռելսերի վրա դնել, եւ լիարժեք ամեն ոլորտ էլ արդյունավետ լինի: Հիմա դուք՝ բոլորդ, հիշում եք՝ սպորտը Ծառուկյանը, որ վերցրեց, քանի տարի մեդալներ չկար: Վերցրեց, հետո աշխատանքները կատարեցինք, ձեւավորեցինք, թեկուզ էլի շատ բան կա սպորտում անելու, որ ամեն գյուղում մենք ունենանք դպրոց, չունենք: Մենք, բայց կազմակերպել ենք, հնարավորություն ենք տվել, եւ հիմա բոլոր մրցաշարերը գիտեք աշխարհի, Եվրոպայի, օլիմպիական խաղերին մենք մեդալները բերում ենք՝ այսքան քիչ լինելով: Այնպես որ անհնարին բան չկա:

- Այսքան տարի բիզնեսով եք զբաղվում, չի՞ հաջողվում դնել ռելսերի վրա նաեւ տնտեսությունը ձեր տիրապետած ոլորտներում:

- Իմ տիրապետած ոլորտները բոլորը ռելսերի վրա են եւ ամենաբարձր մակարդակի վրա են: Ինչ քանդված, ավիրված, որ վերցրել եմ, զարգացրել եմ, ծաղկացրել եմ. էսօր ամենաբարձունքի վրա ենք կանգնած:

- Լարվե՞լ են ձեր հարաբերությունները պարոն Փաշինյանի հետ:

- Բոլորի ուզածը դա է, որ մեր հարաբերությունները վատանան, բայց ի վնաս իրանց չեն վատանալու, որովհետեւ էսօր սաղ հելել են, կուսակցություններ են բացում, եսիմ շարժի մեջ են ինչ-որ, հանգիստ թողեք՝ տնտեսություն զարգանա, այդպիսի բա չկա, չի էլ կարող լինել:

- Հանդիպման ժամանակ ի՞նչ եք քննարկել՝ բացի ցեմենտի գործարանից:

- Շատ կառուցողական, ներդրումային, այո՛, ասենք թե մենք ուզում ենք, առաջարկում ենք, հիմնական խնդիրը՝ վարչապետին պետք է ճիշտ ներկայացնել, իսկ ճիշտ չներկայացնողները պատասխան են տալու: Էսօր հիմնական խնդիրը՝ վարչապետը ներքին, արտաքին, տնտեսական, քաղաքական, սոցիալական, էդ խնդիրները պետք է ներկայացնել: Վարչապետի ուզածը ի՞նչ ա, երկիրը լավ լինի, հզորանա, զարգանա, շարժ լինի, իրա ուզածը դա ա, հո՞ չի կարող պատահի՝ նա վատը ուզի:

- Ո՞վ է սխալ ներկայացրել վարչապետին:

- Գնացեք հարցը տվեք, տվյալ ոլորտի պատասխանատուները, ով ոլորտով զբաղվում է, մարդիկ պետք է հիմնականում ո՞նց. մի տարի էղավ, արդյունք չտվեց, մարդը պետք ա իր տեղը զիջի: Հիմա ըստ ոլորտների, ով որ պատասխանատու ա վարչապետի մոտ, վարչապետը պետք է դրանց փոխի, որ լիարժեք աշխատեն:

- Վարչապետը համաձա՞յն է ձեր տեսակետների հետ:

- Վարչապետը բոլորին լսում է, վերջը ինքը ոնց մտածում ա, այնպես էլ անելու է, որովհետեւ ինքն ա պատասխանատու ժողովրդի առաջ:

- Արցախում զորամաս եք կառուցում, ի՞նչ փուլում է:

- Հիմա քանի որ էնտեղ շատ լարված ա, դուք գիտեք իրավիճակը, այնտեղ պետք է տեղը հատկացնեն, հըլը տեղը չեն հատկացրել:

Տպել
1350 դիտում

Աշտարակի ոստիկանները հանգստի գոտուց բերման են ենթարկել երիտասարդների և հայտնաբերել թմրամիջոց (տեսանյութ)

Պաշտպանն այց է իրականացրել «Փրկություն» հաշմանդամ երեխաների և երիտասարդների կենտրոն

Սամվել Կարապետյանի եղբորորդին չի ընդունում մեղադրանքը. նա եւ Վահե Պարազյանը առերեսվել են

Մասիսի գերեզմանատան մոտակայքում ցորենի արտ է այրվում. դեպքի վայր է մեկնել 7 հրշեջ մեքենա

Դավիթ Տոնոյանն ընդունել է ՀՀ-ում ԱՄՆ դեսպանին

ԿԳՄՍ նախարարությունում քննարկվել է բարձրագույն կրթության 3-րդ աստիճանի որակի ապահովումը

Մի քանի ժամ տեւած բողոքի ակցիայից հետո ցուցարարները բացել են Հայաստան-Վրաստան միջպետական ճանապարհը

Սյունիքի մարզի Ծավ համայնքին կից անտառում հրդեհ է բռնկվել. սահմանել են հերթապահություն

Վենետիկի հանձնաժողովը բեղմնավոր է գնահատում ՀՀ իշխանությունների հետ գործակցությունը. հայտարարություն

ԵԽ փորձագիտական խումբը կաջակցի ազգային երիտասարդական ռազմավարության վերանայմանը

Երևանում հեռուստաաշտարակի հարևանությամբ կողաշրջվել է ցեմենտ տեղափոխող բեռնատարը

Գյումրու շուկայում ՍԱՏՄ-ն առանց փորձաքննության մսեղիք է հայտնաբերել (լուսանկարներ)

ԱԱԾ տնօրենի հանձնարարականով աշխատանքային խորհրդակցություն է անցկացվել

«Լուսավոր Հայաստան» խմբակցության քարտուղար Գեւորգ Գորգիսյանին դատի են տվել

«Բանանցի» երկրպագուները նայելու ոչինչ չունեին. խայտառակ պարտություն կրեց, դուրս մնաց ԵԼ-ից

Հուլիսի 4-ից ուռուցքաբանական հիվանդությունների ճառագայթային թերապիայի մասով կատարվել են փոփոխություններ

Այն, ինչ հիմա տեղի է ունենում Հայաստանում, պայքար է հին ու նոր համակարգերի, ապագան կերտելու հին ու նոր մեթոդների միջեւ

2021 թվականին ԱՊՀ զբոսաշրջության խորհրդի նիստը կանցկացվի Հայաստանում

Շորթում կատարելու համար մեղադրվող լրագրողը 2 մլն դրամ գրավի դիմաց ազատ կարձակվի

Հուլիսի 18-ին կառավարությունը կքննարկի Մարտի 1-ի ժամանակ տուժածներին որպես աջակցություն տրամադրվող գումարի չափը