Հիմնանորոգվող Մ-6 միջպետական ավտոճանապարհի Ալավերդու հատվածում ասֆալտապատման աշխատանքներից ալավերդցիները դժգոհ են

Արդեն մի քանի տարի է, ինչ նորոգման փուլում է Վանաձոր-Բագրատաշեն Վրաստանի սահման ավտոճանապարհը: Որոշ հատվածներում այն ամբողջությամբ ավարտված է, որոշ հատվածներում էլ լայն թափով ճանապարհի նորոգման աշխատանքներ են ընթանում: Ալավերդիով անցնող ճանապարհը, որը եւս ներառված է միջպետական ճանապարհի հիմնանորոգման մեջ, շուրջ 5 ամիս գտնվում է քարուքանդ վիճակում: Ճանապարհի այդ հատվածով երթեւեկելը իսկական պատուհաս է դարձել ոչ միայն ալավերդիցների, այլ նաեւ Ալավերդիով անցնող բոլոր վարորդների համար:

Ավելի քան 5 ամիս առաջ նորոգման նպատակով ասֆալտի շերտը հեռացնելուց հետո ճանապարհն էլ ավելի անանցանելի է դարձել: Նույն քարուքանդ վիճակն է նաեւ քաղաքի գլխավոր երկու կամուրջների վրա: Քաղաքի ճանապարհների ու աշխատանքների դանդաղ ընթացքի մասին ալավերդցիները բազմիցս են բարձրաձայնել՝ օգտագործելով հնարավորր բոլոր հարթակները: Երեկ էլ արդեն Բաղրամյան թաղամասի վարորդներն են բողոքի ակցիա իրականացրել՝ պահանջելով արագացնել աշխատանքները:

Ալավերդու բնակիչ Սեւակ Մարտիրոսյանն ասում է, որ բարձիթողի վիճակ է տիրում, իսկ աշխատանքները կատարող կազմակերպությունը անպատասխանատու վերաբերմունք է ցուցաբերում՝ անհանգստություն ու վնասներ պատճառելով ալավերդցիներին. «6 ամիս համբերել ենք, բայց մարդկանց համբերության բաժակը արդեն լցվել է, էլ համբերելու տեղ չկա»,-ասաց նա:

Մեկ այլ վարորդ էլ առաջարկեց պատասխան լսելու փոխարեն մեքենան նկարել, որն արդեն փոսերի պատճառով ամբողջությամբ շարքից դուրս է եկել. «Ոչ ամորտիզատոր կա, ոչ բան կա, հմի խոստացան, թե 2 օրից կսկսեն, բայց եթե 2 օրից չսկսեն՝ նորից ենք բողոքի ակցիաներ անելու»:

Վարորդների կրած ֆինանսական կորուստների կամ բնակչությանը պատճառվող անհարմարությունների համար որեւէ մեկը պատասխանատվություն չի կրում, ասում են վարորդներն ու պնդում, որ ժամանակից շուտ ասֆալտի շերտի հեռացումը սխալ հաշվարկի արդյունք էր միայն: Վարորդներին այլեւս չեն բավարարում ճանապարհաշինարարների պատճառաբանություններն ու արդարացումները. «Աշխատանքից ուշանում ենք, ավտոներս ջարդում ենք, քաղաքը ցեխի մեջ ա, մենակ խոստանում են, որ լինելու ա, բայց երբ ու դեռ ինչքան պետք ա էս վիճակի մեջ ապրենք…»:

Հավաքվածների հետ հանդիպման էր եկել «Էյ Էյ Բի» պրոյեկտ ՍՊ ընկերության տեղամասի պետը՝ լսելու վարորդների դժգոհություններն ու պատասխանել նրանց հարցերին: Վարորդներին վերջինս հորդորեց մի քիչ էլ համբերել, իր խոսքով ասած՝ լավագույն որակ ստանալու համար. «Հայցելով ձեր ներողամտությունը, խնդրում ենք մի քիչ էլ դիմանալ, որ վերջում ունենաք եվրոպական ստանդարտներին համապատասխան ճանապարհ»,-ասաց տեղամասի պետը, որին ի պատասխան վարորդները մեկ անգամ եւս նշեցին, որ պատճառներ ու արդարացումներ միշտ էլ կարելի է բերել:

Տեղամասի պետը ալավերդցիներին խոստացել է խնդրին ժամանակավոր լուծում տալ՝ հողալցման ու հարթեցման եղանակով:

Խնդրի հետ կապված օրեր առաջ ֆեյսբուք սոցիալական ցանցի միջոցով Ալավերդու բնակիչ Գուրգեն Սարգսյանը բաց նամակով դիմել էր նաեւ ՀՀ վարչապետ Նիկոլ Փաշինյանին ու ՏԿՏՏ նախարար Հակոբ Արշակյանին:

Տպել
762 դիտում

Մխիթարյանը գոլ է խփում «Ռոմայում» նորամուտի խաղում (տեսանյութ)

Սլավիկ Գալստյանը դարձավ ըմբշամարտի աշխարհի առաջնության բրոնզե մեդալակիր

Հենրիխ Մխիթարյանը «Ռոմա»-ի մեկնարկային կազմում է

Վանաձորում 32-ամյա տղամադրու վրա կրակոցներ արձակած, նրան վիրավորած կասկածյալը հայտնաբերվել է

ՀՀ զբոսաշրջության կոմիտեն հորդորում է խուսափել մոտ օրերս դեպի Արագած վերելքներ իրականացնելուց

Արթուր Ալեքսանյանն ապահովեց Տոկիո-2020-ի ուղեգիրը. ըմբշամարտի աշխարհի առաջնություն

Շուշիում մկրտվել են Ապրիլյան պատերազմում զոհված հերոսների հարազատները

Նիկոլ Փաշինյանը ցավակցական հեռագիր է հղել Մեծի Տանն Կիլիկիո Կաթողիկոս Արամ Ա-ին՝ մոր մահվան կապակցությամբ

Մեկնարկեց մարդու իրավունքների երկրորդ փառատոնը․ միջոցառումներ կանցկացվեն նաև Վանաձորում․ լուսանկարներ

Վրաերթ Կոտայքի մարզում. տուժածը հիվանդանոցում մահացել է

Զինված հարձակում՝ Կյոկուշին ֆեդերացիայի նախագահի նկատմամբ. Արման Բաբաջանյանն ահազանգում է

Երևանում տեղադրվել են պլաստիկ շշերի համար նախատեսված 4 սորտավորման ամաններ

Երևանի Արցախի պողոտայի տներից մեկում հրդեհ է բռնկվել, տուժածներ չկան

ԱՀ պետնախարարը հանդիպել է «Հայոց պետականության անցյալը, ներկան ու ապագան» միջազգային գիտաժողովի մասնակիցներին

1 մլն արժողությամբ 1,5 մետրանոց հեռուստացույցը կարող է ազդեցություն ունենալ. որ դեպքերում են զրկվում նպաստից

Հայաստան է ժամանել Քուվեյթի շեյխուհի Հուսա Սաբահ Ալ-Սալեմ Ալ-Սաբահը

Արցախի հիվանդանոցը կդառնա համալսարանական հիվանդանոց

Ապօրինի ծառահատում և զենք-զինամթերքի հայտնաբերում․ Իջևանի ոստիկանների բացահայտումը

Երևանում տեղի ունեցած խոշոր վթարից տուժած 2 երեխաները ստացել են առաջին բուժօգնություն եւ տուն են գնացել

30-ն անց աղջիկներին տանջող հարցերից է՝ «Տանը մնացի՞». Թամարա Պետրոսյանը նոր մոնո ներկայացմամբ հանդես կա