Վանաձորի ու կառավարության փողերով կնորոգեն նաեւ մասնավորի սեփական տարածքը (լուսանկարներ)

Կառավարության սուբվենցիոն ծրագրերով Վանաձորում նախատեսվում են մի շարք մեծամասշտաբ ծրագրեր իրականացնել: Ի թիվս այլ պուրակներ ու այգիներ բարեկարգելուն, նախատեսված է բարեկարգել նաեւ Վանաձորի Արցախ պուրակը: Մինչ սուբվենցիոն ծրագրերին անդրադառնալը, նախ ներկայացնենք, թե ինչ է կատարվում այսօր Վանաձորի սիրտը համարվող Արցախ պուրակում:

Պուրակը տարիներ շարունակ գտնվում է անմխիթար ու անխնամ վիճակում: Ջարդված նստարաններ, աղբարկղերի փոխարեն՝ ստվարաթղթե արկղեր, պոկված ու իրարից առանձնացված սալիկներ, իրար կողք կողքի տեղադրված մետաղե բուտիկներ: Այս ամենի կողքին պուրակ հիշեցնող միակ բանը մի քանի խաղային ապարատներն ու փոքր խաղասրահներն են:

Տարիներ առաջ ինչ-ինչ ճանապարհով ու եղանակով շուրջ 8000 քմ մակերեսով պուրակի 2600 քմ հատվածը սեփականաշնորհվել է «Կինո Մոսկվա» ընկերության կողմից: Ոչ վաղ անցյալում ընկերությունը խոստացել էր կինոթատրոն կառուցել, տարածքը բարեկարգել: Մինչդեռ խոստումներից եւ ոչ մեկը չարվեց: Հին ու նոր քաղաքապետերը բազմիցս հայտարարում էին, որ քննարկումներ են ունեցել ղեկավարության հետ: Համայնքը որեւէ մեծամասշտաբ բան չի արել, քանի որ դա մասնավոր տարածք էր, հետեւաբար՝ համայնքի բյուջեն մասնավորի տարածքը բարեկարգելու վրա ծախսելը, մեղմ ասած, անթույլատրելի կլիներ: Պուրակում ներկայումս նաեւ եռահարկ շենք է կառուցվում, որը ծառայելու է որպես մանկական կենտրոն:

Սուբվենցիոն ծրագրով կբարեկարգվի նաեւ Արցախ պուրակը

Վանաձորի քաղաքապետարանի քաղաքաշինության եւ ճարտարապետության բաժնի պետ Սուրեն Աբովյանը ՀԺ-ի հետ զրույցում ասաց, որ նորոգվելու է 3 պուրակ եւ 1 այգի: Բոլոր թվարկվածների համար նախատեսվում է մոտ 150 մլն դրամ գումար, որի մի մասը համայնքի բյուջեից է ներդրվելու: Սուրեն Աբովյանի խոսքով՝ նախագծային աշխատանքները մոտենում են ավարտին:

«Արցախ պուրակի դեպքում պետք է վերականգնենք իր նախկին տեսքը, կհեռացվեն ժամանակավոր տաղավարները, խաղային ապարատները կհանվեն, աղբամաններ ու նստարաններ կտեղադրվեն: 2 քանդված սիզամարգերի եզրաքարերը կդնենք ու կունենանք փակ տարածք՝ մեքենաների մուտքը կանխելու համար»,- ասաց նա՝ հավելելով, որ տարածքը նաեւ հին սալիկներով սալիկապատվելու է, լուսավորություն է անցկացվելու:

Դիտարկմանը՝ ստացվում է, համայնքի ու պետական գումարներով մասնավորի՝ «Կինո Մոսկվայի» սեփականություն հանդիսացող տարածքն է բարեկարգվում, բաժնի պետն ասաց. «Ըստ էության, եթե նայենք՝ այո, սակայն մենք ունենք Արցախ պուրակի պահպանման գոտի, որպես հուշարձան, ու այստեղ արդեն փոխվում է օգտագործման ռեժիմը: Դուք գիտեք՝ տարիներ շարունակ նախաձեռնվեց կինոթատրոնի կառուցումը, բայց ոչինչ չարվեց: Այս պահին կբարեկարգենք, հետո կբանակցենք սեփականատիրոջ հետ՝ հասկանալու իրենց պլանները, միգուցե ինչ-որ բացօթյա բան կկառուցեն…»:

Բաժնի պետն ասում է, որ արդեն 14 տարի է, ինչ տարածքը սեփականաշնորհված է: Հարցնում ենք՝ պայմանագրով չունի սեփականատերը որեւէ պարտավորություն, տարածքը գոնե բարեկարգելու վերաբերյալ. «Օտարման որոշման մեջ գրված է նպատակը, սակայն ժամկետներ նշված չեն: Քանի որ լուծումը ընդհանուր էր՝ պուրակների նորոգման մասով, ընդգրկեցինք նաեւ Արցախ պուրակն ու որոշեցինք պետական ծրագրով անել: Եթե Պուրակի սեփականատերը հետագայում ոչինչ չանի, մենք կարող ենք հողատարածքը հետ պահանջել՝ նպատակային չօգտագործման պայմանով, բայց այս դեպքում էլ փոխհատուցման հարցն է առաջ գալու»:

Միայն Արցախ պուրակի բարեկարգման համար նախատեսված է 41 մլն դրամ գումար՝ համայնքի ու պետական միջոցներով: Իհարկե, գովելի է, որ վերջապես վանաձորցիներն ու Վանաձոր այցելող հյուրերը կտեսնեն գեղեցիկ ու բարեկարգ պուրակ, սակայն սրան զուգահեռ տեղական ու պետական կառույցները պետք է նաեւ պարտավորեցնեին վարձակալին՝ տարածքը բարեկարգելու, խոստացածը՝ գոնե 14 տարի անց կյանքի կոչելու: Միեւնույն ժամանակ չպետք է մոռանալ նաեւ, որ տարածքի մի մասն է սեփականացվել: Իսկ մնացած հատվածը, որ դեռեւս պատկանում է վանաձորցուն, պետք է նորոգել, բարեկարգել ու գեղեցկացնել համայնքային պետական գումարներով: Իսկ ահա մասնավորի տարածքը բարեկարգել նույն այդ միջոցներով, այդքան էլ տեղին չէ այն դեպքում, երբ կարելի էր այդ գումարը ուղղել մեկ այլ պուրակի բարեկարգման:

Տպել
1103 դիտում

Աշտարակի ոստիկանները հանգստի գոտուց բերման են ենթարկել երիտասարդների և հայտնաբերել թմրամիջոց (տեսանյութ)

Պաշտպանն այց է իրականացրել «Փրկություն» հաշմանդամ երեխաների և երիտասարդների կենտրոն

Սամվել Կարապետյանի եղբորորդին չի ընդունում մեղադրանքը. նա եւ Վահե Պարազյանը առերեսվել են

Մասիսի գերեզմանատան մոտակայքում ցորենի արտ է այրվում. դեպքի վայր է մեկնել 7 հրշեջ մեքենա

Դավիթ Տոնոյանն ընդունել է ՀՀ-ում ԱՄՆ դեսպանին

ԿԳՄՍ նախարարությունում քննարկվել է բարձրագույն կրթության 3-րդ աստիճանի որակի ապահովումը

Մի քանի ժամ տեւած բողոքի ակցիայից հետո ցուցարարները բացել են Հայաստան-Վրաստան միջպետական ճանապարհը

Սյունիքի մարզի Ծավ համայնքին կից անտառում հրդեհ է բռնկվել. սահմանել են հերթապահություն

Վենետիկի հանձնաժողովը բեղմնավոր է գնահատում ՀՀ իշխանությունների հետ գործակցությունը. հայտարարություն

ԵԽ փորձագիտական խումբը կաջակցի ազգային երիտասարդական ռազմավարության վերանայմանը

Երևանում հեռուստաաշտարակի հարևանությամբ կողաշրջվել է ցեմենտ տեղափոխող բեռնատարը

Գյումրու շուկայում ՍԱՏՄ-ն առանց փորձաքննության մսեղիք է հայտնաբերել (լուսանկարներ)

ԱԱԾ տնօրենի հանձնարարականով աշխատանքային խորհրդակցություն է անցկացվել

«Լուսավոր Հայաստան» խմբակցության քարտուղար Գեւորգ Գորգիսյանին դատի են տվել

«Բանանցի» երկրպագուները նայելու ոչինչ չունեին. խայտառակ պարտություն կրեց, դուրս մնաց ԵԼ-ից

Հուլիսի 4-ից ուռուցքաբանական հիվանդությունների ճառագայթային թերապիայի մասով կատարվել են փոփոխություններ

Այն, ինչ հիմա տեղի է ունենում Հայաստանում, պայքար է հին ու նոր համակարգերի, ապագան կերտելու հին ու նոր մեթոդների միջեւ

2021 թվականին ԱՊՀ զբոսաշրջության խորհրդի նիստը կանցկացվի Հայաստանում

Շորթում կատարելու համար մեղադրվող լրագրողը 2 մլն դրամ գրավի դիմաց ազատ կարձակվի

Հուլիսի 18-ին կառավարությունը կքննարկի Մարտի 1-ի ժամանակ տուժածներին որպես աջակցություն տրամադրվող գումարի չափը