Հարկային օրենսգրքում առաջարկվող փոփոխություններով մեծացվում է խոշոր բիզնեսի հնարավորությունը․ ՔՈ ՍԴԿ խոսնակ

30/04/2019 schedule23:07

Քննարկվում է հանրային դաշտում երկար քննարկված մի նախագիծ, որի հիմքում ներդրումային գրավչության եւ ազգային տնտեսության մրցունակության բարձրացման՝ կառավարության բերած հիմնավորումները շատ սուր քննադատության են արժանացել հանրային, փորձագիտական քննարկումներում, կարելի է ասել՝ ջախջախվել են։ Այս մասին այսօր՝ ապրիլի 30-ին Ազգային ժողովում Հարկային օրենսգրքում փոփոխություններ կատարելու թեմայով խորհրդարանական լսումների ժամանակ իր ելույթում ասաց «Քաղաքացու որոշում» սոցիալ-դեմոկրատական կուսակցության մամուլի խոսնակ Միքայել Նահապետյանը․

«Հարցին մոտենալու եմ այլ տեսանկյունից․ ընդունելով կամ մերժելով այս փոփոխությունները, ըստ էության, վեկտոր ենք հաղորդում հեղափոխության հետագա ընթացքին։ Այս որոշումը ուղերձ է լինելու ՀՀ քաղաքացիներին, թե ում վրա ենք հույս դնում տնտեսական հեղափոխության գործում, ում հնարավորություններն ենք մեծացնում, ում վրա ենք դնում բյուջեն լցնելու բեռը, ում ենք դուխ տալիս, երբ ասում ենք «դուխով»»,-ասաց Նահապետյանը՝ ընդգծելով, որ առաջարկվող փոփոխություններով մեծացվում է խոշոր բիզնեսի հնարավորությունը․

«Եվ սա ուղերձ է առ այն, որ մենք տնտեսական հեղափոխության հիմնական գործընկեր ենք դիտարկում խոշոր բիզնեսին։ Այնինչ՝ խոշորների հնարավորությունները մեծացնելով՝ բյուջեում առաջանալիք ճեղքը առաջարկվում է լրացնել առավել ցածր եկամուտներ ունեցող մարդկանց հաշվին։ Եվ այստեղ մի ընկալում կա, թե դա պիտի հանգեցնի տնտեսական հեղափոխության, եւ այդ մարդիկ վայելեն էդ հեղափոխության պտուղները։ Սա հիպոթեզ է»,-ասաց ՔՈ ՍԴԿ մամուլի խոսնակը։

Դիմելով ֆինանսների փոխնախարար Արման Պողոսյանին, որն էլ լսումների ժամանակ ներկայացնում էր Հարկային օրենսգրքի փոփոխությունների փաթեթը, Միքայել Նահապետյանը նկատեց, որ փոխնախարարն ԱԺ ամբիոնից խոսում էր, որ քաղաքական պատասխանատվության խնդիր չկա․

«Քաղաքական պատասխանատվությունը ստանձնված է, մենք իրար հանդեպ արդար ենք։ Պիտի խնդրեմ Ձեր եզրափակիչ ելույթում այդպես արդար ու քաղաքական պատասխանատվությունը կրելով՝ պարզ պատասխանեք մի հարցի։ Այսօր մենք ժամերով խոսում ենք, մինչդեռ քաղաքացիներին երկու րոպեանոց տեքստ է հետաքրքիր։ Շատ լավ է՝ բարձր եկամուտ ունեցող քաղաքացիների համար լավ պայմաններ ենք ստեղծում։ Որեւէ մեկը դեմ չէ, որ քաղաքացին մի մակարդակ ավելի բարձր սոցիալական պայմաններում ապրի, բայց այն 400 հազար մարդկանց, որոնք ստանում են 150 եւ դրանից ցածր աշխատավարձ, մի հարց է հետաքրքիր՝ ի վերջո, այս փոփոխությունների ընդունման պայմաններում իրենց համար կյանքը լավանալու՞ է, թե՞ վատանալու։ Եվ եթե ժամանակավորապես վատանալու է, հետո լավանա, ապա այդ ժամանակավորապեսն ինչքա՞ն ժամանակ է։ Այս հարցին մի պարզ պատասխան է պետք»։

Միքայել Նահապետյանի պնդմամբ՝ շեշտը դնելով փոքրաթիվ խոշոր ձեռնարկությունների վրա՝ պետությունը կախվածության մեջ է հայտնվում այդ ձեռնարկություններից․

«Ու սա տնտեսագիտական հայտնի գրքերից մեջբերում չէ, այլ մի իրողություն, որին անցած շաբաթ ականատես եղաք այս դահլիճում ցեմենտի հարցով, քսան օր առաջ գյուղմթերքի արտահանման հարցով։ Մինչդեռ երբ մենք խոսում ենք տնտեսական հեղափոխության մասին, մենք առաջինը խոսում ենք այդ խոշոր ձեռնարկատերերի կողմից պետությանը հայտարարվող պատերազմներում քաղաքացուն խաղաքարտ դառնալուց զերծ պահելու մասին, քաղաքացուն ազատագրելու, նրան դուխ տալու մասին»։

Նահապետյանն անդրադարձավ նաեւ Պետեկամուտների կոմիտեի նախագահ Դավիթ Անանյանի խոսքին․

«Պարոն Անանյանն ասում է՝ էստեղ մենք 18 տարբերակ ենք քննարկել, վերջում հանգել ենք նրան, որ սա ամենալավն է։ Հավաքվել եք ձեզ համար, կառավարության սենյակներում քննարկել եք, որոշել եք՝ որն է ամենալավ տարբերակը, վերջում եկել եք այդ մի տարբերակով, փորձագետները ձեզ հարցեր են տալիս, շատ կարեւոր հարցերի հաշվով ազդեցության գնահատականներ չկան։ Ընդ որում՝ այստեղ ձեզ առանձնապես չեմ մեղադրում․ ընդհանուր փորձը երբ ուսումնասիրում ես, համահարթը ամբողջ աշխարհում հիմնվում է ինչ-որ «ազնիվ խոսք»-երի վրա։ Յուրատեսակ ալքիմիա է տնտեսագիտության մեջ։

Իմ ձեռքի տակ քվեարկության կոճակ չկա, քաղաքացին ինձ այդպիսի մանդատ չի տվել։ Ստացվել է այնպես, որ բոլորի համար կարեւոր այս հարցի շուրջ դուք՝ քչերդ եք որոշելու հարգելի պատգամավորներ։ Ես, չդավաճանելով ուղիղ ժողովրդավարության հանդեպ իմ անմնացորդ հավատը եւ հույս ունենալով, որ մի օր մենք այսպիսի համընդհանուր կարեւորության հարցերն այդ մեթոդով կորոշենք, հարգում եմ սահմանադրական ձեր այդ իրավունքը՝ լիբերալ ե՞ք, համահա՞րթ եք ուզում, դրա՞ն եք հավատում՝ դա արեք։ Բայց գոնե չհարկվող շեմեր սահմանեք, ծախսերի գծով նվազեցումներ սահմանեք կրթության, պարենի համար, որ մարդիկ գոնե մինչեւ հաջորդ ընտրություններ դիմանան, տեսնեն՝ ինչ է լինելու»,-ասաց ՔՈ ՍԴԿ մամուլի խոսնակ Միքայել Նահապետյանը՝ շեշտելով, որ խնդիրը ի վերջո համահարթի ու պրոգրեսիվի մեջ չէ, այլ՝ խնդիրը ստեղծվող արդյունքի արդար վերաբաշխման մեջ է․

«Եվ ես հույս ունեմ, որ սա պտիչկայի համար քննարկում չէ, այլ իսկապես այստեղ հնչող հարցերի վերաբերյալ դիրքորոշումներում փոփոխություններ կունենանք»։

Տպել
910 դիտում

Աշտարակի ոստիկանները հանգստի գոտուց բերման են ենթարկել երիտասարդների և հայտնաբերել թմրամիջոց (տեսանյութ)

Պաշտպանն այց է իրականացրել «Փրկություն» հաշմանդամ երեխաների և երիտասարդների կենտրոն

Սամվել Կարապետյանի եղբորորդին չի ընդունում մեղադրանքը. նա եւ Վահե Պարազյանը առերեսվել են

Մասիսի գերեզմանատան մոտակայքում ցորենի արտ է այրվում. դեպքի վայր է մեկնել 7 հրշեջ մեքենա

Դավիթ Տոնոյանն ընդունել է ՀՀ-ում ԱՄՆ դեսպանին

ԿԳՄՍ նախարարությունում քննարկվել է բարձրագույն կրթության 3-րդ աստիճանի որակի ապահովումը

Մի քանի ժամ տեւած բողոքի ակցիայից հետո ցուցարարները բացել են Հայաստան-Վրաստան միջպետական ճանապարհը

Սյունիքի մարզի Ծավ համայնքին կից անտառում հրդեհ է բռնկվել. սահմանել են հերթապահություն

Վենետիկի հանձնաժողովը բեղմնավոր է գնահատում ՀՀ իշխանությունների հետ գործակցությունը. հայտարարություն

ԵԽ փորձագիտական խումբը կաջակցի ազգային երիտասարդական ռազմավարության վերանայմանը

Երևանում հեռուստաաշտարակի հարևանությամբ կողաշրջվել է ցեմենտ տեղափոխող բեռնատարը

Գյումրու շուկայում ՍԱՏՄ-ն առանց փորձաքննության մսեղիք է հայտնաբերել (լուսանկարներ)

ԱԱԾ տնօրենի հանձնարարականով աշխատանքային խորհրդակցություն է անցկացվել

«Լուսավոր Հայաստան» խմբակցության քարտուղար Գեւորգ Գորգիսյանին դատի են տվել

«Բանանցի» երկրպագուները նայելու ոչինչ չունեին. խայտառակ պարտություն կրեց, դուրս մնաց ԵԼ-ից

Հուլիսի 4-ից ուռուցքաբանական հիվանդությունների ճառագայթային թերապիայի մասով կատարվել են փոփոխություններ

Այն, ինչ հիմա տեղի է ունենում Հայաստանում, պայքար է հին ու նոր համակարգերի, ապագան կերտելու հին ու նոր մեթոդների միջեւ

2021 թվականին ԱՊՀ զբոսաշրջության խորհրդի նիստը կանցկացվի Հայաստանում

Շորթում կատարելու համար մեղադրվող լրագրողը 2 մլն դրամ գրավի դիմաց ազատ կարձակվի

Հուլիսի 18-ին կառավարությունը կքննարկի Մարտի 1-ի ժամանակ տուժածներին որպես աջակցություն տրամադրվող գումարի չափը