Չենք կարող միաժամանակ լուծել ե՛ւ բարձր տնտեսական աճի խնդիրը, ե՛ւ բարձրացնել աշխատավարձերը, թոշակները․ Միքայել Ղուկասյան

30/04/2019 schedule23:20

Ազգային ժողովում Հարկային օրենսգրքի փոփոխությունների թեմայով խորհրդարանական լսումերի ժամանակ այսօր ելույթ ունեցավ անհատ ձեռնարկատեր Միքայել Ղուկասյանը։

Նա ասաց, որ, իր կարծիքով, ցանկացած քննարկման տրամաբանությունը պետք է լինի հետեւյալը․ ո՞րն է այդ փոփոխության նպատակը, արդյոք այն արդարացվա՞ծ է․

«Տվյալ դեպքում փոփոխությունների նպատակը նախագծում նշված է՝ ներդրումային գրավչության ավելացումը, օտարերկրյա ներդրումների, արտահանման խթանումը եւ այլն։ Կարծում եմ՝ ոչ ոք չի վիճի, որ այդ նպատակներն արդարացված են եւ դրական ազդեցություն կունենան Հայաստանի տնտեսության վրա, ինչի ազդեցությունը կզգանք բոլորս։ Հիմա արդյոք այս նախագծով առաջարկվող կետերը նպաստո՞ւմ են նշված նպատակների իրականացմանը։ Իմ կարծիքով՝ նպաստում են, որովհետեւ տրամաբանական է՝ հարկերի նվազեցումը բիզնեսի զարգացման ու ներդրումների համար դրական խթան է»,-ասաց Ղուկասյանը՝ անցնելով հաջորդ հարցին․

«Արդյոք ներկայացված այս տարբերակը լավագո՞ւյնն է, որ կարելի է իրագործել մեր ունեցած հնարավորություններով։ Այդ մասով վստահ չեմ, բայց նախագծի հեղինակները պնդում են, որ մի քանի տարբերակներ են քննարկել ու եկել այս որոշմանը։ Ու նաեւ նախագծի հիմնավորման մեջ կան որոշակի կանխատեսումներ, որ նախագծի կիրառման արդյունքում միջնաժամկետ հատվածում ՀՆԱ-ի լրացուցիչ աճը մոտավորապես կլինի 0,8%: Այսինքն՝ եթե ներկայիս ՀՆԱ-ով չափենք՝ կլինի մոտ 48 մլրդ դրամ։ Նաեւ նախատեսվում է, որ կունենանք զբաղվածության կրճատում եւ սպառման աճ»։

Միքայել Ղուկասյանի խոսքով՝  հիմնական քննադատությունն այն է, որ ասում են՝ համահարթ դրույքաչափի դեպքում սոցիալական բեւեռվածության խնդիրը չի փոքրանում, հարուստներն ավելի են հարստանալու, աղքատները մնալու են աղքատ կամ ավելի են աղքատանալու․

«Փաստացի դրվում է ուրիշ նպատակ՝ բնակչության եկամուտների աճի ապահովում կամ սոցիալական որոշակի խնդիրների լուծում։ Նախագծի հիմնական տրամաբանությունն, իմ պատկերացմամբ, հետեւյալն է․ ապահովել բարձր տնտեսական աճ, որի շնորհիվ հետագայում հնարավոր կլինի լուծել մնացած խնդիրները։ Եվ հիմա մենք չենք կարող միաժամանակ լուծել եւ՛ բարձր տնտեսական աճի խնդիրը, եւ՛ բարձրացնել աշխատավարձերը, թոշակները, լուծել այլ խնդիրներ։ Եթե նման տարբերակ հնարավոր լիներ, բոլոր կառավարություններն այդպես կանեին, ու բոլորը լավ կապրեին։ Պետք է ընտրել որոշակի առաջնահերթություն ու որոշակի տրամաբանություն, որ էս-էս քայլերի արդյունքում էս խնդիրները չեն լուծվի, բայց մենք կլուծենք էս խնդիրը, որի արդյունքում մի քանի տարի հետո կունենանք արդյունքներ»,-ասաց Ղուկասյանը՝ ընդգծելով, որ, իր համոզմամբ, այս նախագիծը մտնում է այդ տրամաբանության մեջ, ու քննադատություններն այդ առումով փոքր-ինչ սխալ են։ 

Տպել
990 դիտում

Աշտարակի ոստիկանները հանգստի գոտուց բերման են ենթարկել երիտասարդների և հայտնաբերել թմրամիջոց (տեսանյութ)

Պաշտպանն այց է իրականացրել «Փրկություն» հաշմանդամ երեխաների և երիտասարդների կենտրոն

Սամվել Կարապետյանի եղբորորդին չի ընդունում մեղադրանքը. նա եւ Վահե Պարազյանը առերեսվել են

Մասիսի գերեզմանատան մոտակայքում ցորենի արտ է այրվում. դեպքի վայր է մեկնել 7 հրշեջ մեքենա

Դավիթ Տոնոյանն ընդունել է ՀՀ-ում ԱՄՆ դեսպանին

ԿԳՄՍ նախարարությունում քննարկվել է բարձրագույն կրթության 3-րդ աստիճանի որակի ապահովումը

Մի քանի ժամ տեւած բողոքի ակցիայից հետո ցուցարարները բացել են Հայաստան-Վրաստան միջպետական ճանապարհը

Սյունիքի մարզի Ծավ համայնքին կից անտառում հրդեհ է բռնկվել. սահմանել են հերթապահություն

Վենետիկի հանձնաժողովը բեղմնավոր է գնահատում ՀՀ իշխանությունների հետ գործակցությունը. հայտարարություն

ԵԽ փորձագիտական խումբը կաջակցի ազգային երիտասարդական ռազմավարության վերանայմանը

Երևանում հեռուստաաշտարակի հարևանությամբ կողաշրջվել է ցեմենտ տեղափոխող բեռնատարը

Գյումրու շուկայում ՍԱՏՄ-ն առանց փորձաքննության մսեղիք է հայտնաբերել (լուսանկարներ)

ԱԱԾ տնօրենի հանձնարարականով աշխատանքային խորհրդակցություն է անցկացվել

«Լուսավոր Հայաստան» խմբակցության քարտուղար Գեւորգ Գորգիսյանին դատի են տվել

«Բանանցի» երկրպագուները նայելու ոչինչ չունեին. խայտառակ պարտություն կրեց, դուրս մնաց ԵԼ-ից

Հուլիսի 4-ից ուռուցքաբանական հիվանդությունների ճառագայթային թերապիայի մասով կատարվել են փոփոխություններ

Այն, ինչ հիմա տեղի է ունենում Հայաստանում, պայքար է հին ու նոր համակարգերի, ապագան կերտելու հին ու նոր մեթոդների միջեւ

2021 թվականին ԱՊՀ զբոսաշրջության խորհրդի նիստը կանցկացվի Հայաստանում

Շորթում կատարելու համար մեղադրվող լրագրողը 2 մլն դրամ գրավի դիմաց ազատ կարձակվի

Հուլիսի 18-ին կառավարությունը կքննարկի Մարտի 1-ի ժամանակ տուժածներին որպես աջակցություն տրամադրվող գումարի չափը