ՊՎԾ պետի ժամանակավոր պաշտոնակատարը հերքում է, որ Կոտայքի թեմի առաջնորդն իր հայրն է, սակայն չի հերքում, որ բարեկամն է

Այն լուրը, որ հանդիպել եմ վարչապետի հետ, չգիտեմ, թե որտեղից է եւ ինչ աղբյուր ունի: Այս մասին այսօր կառավարության նիստից հետո լրագրողների հետ զրույցում ասաց ՀՀ պետական վերահսկողական ծառայության պետի ժամանակավոր պաշտոնակատար Արգիշտի Քյարամյանը:

Կրկին անդրադառնալով իր ունեցվածքի թեմային՝ Քյարամյանն ասաց.

«Հանրության առաջ հաշվետու լինելու հանգամանքը հավաստվում է նաեւ նրանով, որ ճեպազրույցից մեկ օր հետո ՊՎԾ ֆեյսբուքյան պաշտոնական էջում ես պարզաբանում ներկայացրեցի եւ այդ պարզաբանմամբ որոշակի առումով ֆիքսվեց հայտարարագրածս գումարների ծագումնաբանությունը»:

Քյարամյանը նշեց, որ ինքը դատախազությունում ծառայության է անցել 2016 թվականի հունիսին, արդեն 2017 թվականին ներկայացրել հայտարարգիր, որում ներառել է քննարկման առարկա դարձած իր ողջ ունեցվածքը՝ այդ թվում՝ շարժական եւ անշարժ գույք եւ դրամական միջոցներ։

«Հետագայում տարբեր պաշտոններ եմ զբաղեցրել այլ մարմիններում եւ հետագայում ներկայացված հայտարարագրերում որեւէ էական փոփոխություն տեղի չի ունեցել, այսինքն՝ ամենասկզբից ես հայտարարագրել եմ ողջ ունեցվածքն ու գույքը»,- ասաց Քյարամյանը։

Հարցին, թե ՀՀ վարչապետը սխալվե՞լ է, երբ ասել է, որ Քյարամյանը հաշվետու չի եղել, նա պատասխանեց, որ վարչապետի սխալ կամ ճիշտ լինելու հանագամանքն ինքը չի որոշում։

«Իմ կարծիքով, յուրաքանչյուր պաշտոնատար անձ հաշվետու է հասարակության առաջ, եւ այդ հաշվետվողականությունն առավելապես պետք է դրսեւորվի՝ հայտարարագիր ներկայացնելով։ Պաշտոնատար անձը պարտավոր է օգտվել այդ ինստիտուտից»,- ասաց ՊՎԾ ղեկավարի ժամանակավոր պաշտոնակատարը։

Լրագրողների ճշտող հարցին՝ փորձե՞լ է արդյոք վարչապետն իրենից ճշտել գումարների ծագումնաբանությունը, Քյարամյանը պատասխանեց, որ իր եւ վարչապետի միջեւ եղած խոսակցությունը հրապարակման ենթակա չէ։

«Վստահաբար կարելի է ֆիքսել, որ հայտարարագրածս ունեցվածքը չի ձեւավորվել աշխատանքային գործունեության ընթացքում»,- նշեց նա։

Անդրադառնալով իր կնոջ ունեցվածքին՝ Քյարամյանն ասաց. «Ես ամուսնացել եմ ավելի վաղ, քան որեւէ պետական պաշտոն եմ զբաղեցրել եւ կինս այդ գումարներն ավելի վաղ է ունեցել»:

Դիտարկմանը, թե քննարկվում էր, որ իր հայրը Կոտայքի թեմի առաջնորդն է եւ այդ անուն ազգանունով էլ միայն 1 մարդ կա, սակայն 2 կողմերն էլ հերքում են դա, Քյարամյանն արձագանքեց. «Լրագրողներից մեկը ինձ զանգահարեց եւ այդ հարցը տվեց, ես պատասխանեցի, որ չեմ ցանկանում մեկնաբանել՝ չնայած, որ կարող եմ հեշտությամբ հերքել: Շեշտը դրեցի այն հանգամանքի, որ յուրաքանչյուր անձ ունի ընտանեկան կյանքի գաղտնիության իրավունք: Որպեսզի կրկին ճիշտ ընկալված լինեմ՝ ես հերքում եմ այդ լուրերը: Բարեկամ լինելը չեմ հերքում: Ես իմ ընտանեկան կյանքի հետ կապված որեւէ հարցի այլեւս չեմ պատասխանելու եւ ես խնդրում եմ այս հարցի պատասխանը դիտել ընտանեկան կյանքի գաղտնիության սկզբունքի կարեւորության տեսանկյունից»:

Նշենք, որ մամուլում գրվել էր, որ Քյարամյանի հայրը Կոտայքի թեմի առաջնորդ Առաքել եպիսկոպոսն է (անձնագրով՝ Էլբեկ Քյարամյան), ում անուն ազգանունով ընդամենը 1 մարդ կա գրանցված կենտրոնական ընտրական հանձնաժողովի՝ ընտրողների ռեգիստրում:

Տպել
2847 դիտում

ՍԴ նախագահի պաշտոնին կեղծիքով տիրացած անձը թանկարժեք ընծա էր մատուցել վարչապետին. Ն. Փաշինյանի նոր գրառումը

Ախր հեչ հանդուրժելու բաներ չեն

Խոշոր ավտովթար Լոռու մարզում. բախվել է 3 մեքենա. մեկը կողաշրջվել է.կան վիրավորներ (լուսանկարներ)

Աջափնյակում մեկնարկել են ապօրինի կրպակների ապամոնտաժման աշխատանքները

Կարևոր է, որ Իսրայելն առաջնային դեր ունենա և ճանաչի Հայոց ցեղասպանությունը. Ա. Սարգսյանը հանդիպել է Իսրայելի նախագահին

Բանակի օրվա առիթով Սուրբ Պատարագ և պարգևաբաշխություն է տեղի ունեցել Մայր Աթոռ Սուրբ Էջմիածնում

«Արմատական ընդդիմություն»-ը գազո՞վ է աշխատում

Աղմուկ հայկական ուշուում. ֆեդերացիայի անդամները կարծում են՝ նախկին նախագահի օրոք ֆինանսական չարաշահումներ են եղել

ՀՀ ԱԳՆ-ն ցավակցել է Թուրքիային՝ ավերիչ երկրաշարժի կապակցությամբ

Վանաձորում մեքենան բախվել է էլեկտրասյանը, հետո՝ ծառին. կա 5 վիրավոր (լուսանկարներ)

Քծնում, շողոքորթում էր ինձ, հետո՝ Աննային, դիմում բացառապես «պարոն վարչապետ ջան»-ով. Ն. Փաշինյանը՝ Հ. Թովմասյանի մասին

Սպաներին հորդորում ենք զերծ մնալ շանտաժի կամ այլ հակաօրինական միջոցով իրավունքները պաշտպանելու փորձերից. Հովհաննիսյան

Եթե ՀՀ սահմանը հատող անձի մոտ առկա են վարակիչ հիվանդություններին բնորոշ ախտանշաններ, ուղեւորը մեկուսացվում է․ԱԱՏՄ

Արմեն Սարգսյանը շնորհավորական ուղերձ է հղել Հնդկաստանի նախագահին՝ Ազգային տոնի առթիվ

Արցախի նախագահի թեկնածուներն արձագանքել են Արցախի կարգավիճակի մասին Փաշինյանի խոսքերին

Առաջիկա օրերին ԵՊՀ-ում նիստ կհրավիրվի եւ կհայտարարվի ռեկտորի մրցույթ. թեկնածուին առաջադրվելիք պահանջները վերանայվում են

Ավելի լավ է այդ հարցն ուղղեք Սամվել Կարապետյանին. «Դալմա Գարդեն մոլի» շենքն ընդլայնում են

Առաջիկա 3 օրերին կտաքանա 8-10 աստիճանով, տեղումներ չեն սպասվում

Թուրքիայում գրանցված երկրաշարժի զոհերի թիվն աճել է. տուժել է մի քանի հազար մարդ (լուսանկարներ)

Արմավիրում սահմանային անցակետի փշալարերով արգելված վայր անցած 2 զինված քաղաքացի է հայտնաբերվել