Նախարարը հանձնարարել է խստորեն հետևել բնակիչների անվտանգությանը, Վանաձոր-Ալավերդի ավտոճանապարհի որակին և ժամկետներին

07/05/2019 schedule13:20

Վանաձոր-Ալավերդի-Վրաստանի սահման միջպետական նշանակության (Մ-6) ավտոճանապարհի վերականգնման և բարելավման ծրագրի 2-րդ փուլի (Թումանյան-Բագրատաշենի սահմանային անցակետ) շինարարական աշխատանքները վերսկսվել են։

ՀՀ տրանսպորտի, կապի և տեղեկատվական տեխնոլոգիաների նախարար Հակոբ Արշակյանը աշխատանքային շրջայց կատարեց շինարարական տեղամասերով, ծանոթացավ աշխատանքների ընթացքին, առկա խնդիրների լուծման ուղղությամբ կատարվող քայլերին։

Ալավերդի քաղաքի հատվածում աշխատանքային տեմպերի ձգձգման հետ կապված խնդիրներ էին առաջացել։ Նախարարի հանձնարարականով մի շարք միջոցառումներ են ձեռնարկվել դրանք լուծելու համար։ «Տրանսպորտային ծրագրերի իրականացման կազմակերպություն» ՊՈԱԿ-ի տնօրենի պաշտոնակատար Քրիստինե Ղալեչյանը նախարարին տեղեկացրեց, որ աշխատանքների ընթացքն էականորեն բարելավվել է, ինժեներական թիմը շատ արագ արձագանքում և փորձում է տեղում լուծել բոլոր հարցերը։

«Եղանակային պայմանների բարելավվելու դեպքում տեմպերն ավելի ենք ավելացնելու։ Ունենք նախագծային փոփոխությունների անհրաժեշտություն, որոնք զուգահեռաբար անում ենք։ Ինժեներական թիմում կատարել ենք անձնակազմի որոշակի փոփոխություն, ավելի ուժաղեցրել ենք,  ինչը բավականին արդյունավետ է աշխատում»,- նշեց Ղալեչյանը:

Շինարարության 1-ին հատվածն իրականացնող  «Հորիզոն 95» ընկերության շինտեղամասի պետ Կորյուն Հարությունյանը, ներկայացնելով աշխատանքների ընթացքը, նշեց, որ կատարում են ճանապարհի կողային շեպերի հարթեցման, հենասյուների տեղափոխման  աշխատանքներ, միաժամանակ պատրաստվում են ժայռապայթեցման աշխատանքներին։  Այս տեղամասը, ռելիեֆային առումով, ամենաբարդն է։ Մի քանի փուլով այստեղ անընդմեջ պայթեցումներ են արվում։ Շատ մեծ ուշադրություն է դարձվում անվտանգությանը, կանխարգելիչ միջոցառումներ են կատարվում, որպեսզի վնասներ չլինեն։

Նախարարը հանձնարարեց խիստ ուշադրություն դարձնել մի քանի սկզբունքների:

«Առաջինն անվտանգության խնդիրներն են, ճանապարհների վիճակից սկսած մինչև զգուշացնող նշանները: Երկրորդը ճանապարհների հարմարավետությունն է և բնակչությանը հնարավորին քիչ անհանգստություն պատճառելը: Երրորդը՝ մարդկանց հարմարավետությունը և էկոլոգիական հարցերը, որպեսզի փոշի չլինի, աղմուկ չլինի բնակելի հատվածներում: Եվ, իհարկե, ամենակարևորը, որ մենք հետ չընկնենք մեր պլաններից»,-ընդգծեց նախարարը:

Չնայած անհրաժեշտություն է առաջացել սկզբնական նախագծից դուրս մի շարք լրացուցիչ աշխատանքներ կատարել՝ շինարարության պատասխանատուները հավաստիացնում են, որ նախապես սահմանված ժամկետները կպահպանվեն:

«Առաջացել է լրացուցիչ աշխատանքների անհրաժեշտություն, որոնք նախագծով նախատեսված չեն եղել:  Ալավերդու 2 կամուրջները, կան նաև կոյուղագծեր, ջրագծեր, որոնք նախատեսված չեն եղել: Սակայն ծածկի հեռացումից հետո պարզվել է, որ վատ վիճակում են և պետք է փոխարինվեն։ Բոլորը  թե՛ ֆինանսական, թե՛  լրացուցիչ աշխատանքի տեսանկյունից ժամկետ են պահանջելու, բայց կփորձենք լրացուցիչ այդ աշխատանքն անելուց հետո էլ ժամկետները պահպանել՝ 2020թ-ի նոյեմբեր»,-նշեց նախարարի տեղակալ Բագրատ Բադալյանը:

Նախարարի ուշադրության կենտրոնում էր հատկապես Ալավերդի քաղաքով անցնող շինարարական տեղամասը, որտեղ մի շարք անհարմարությունների պատճառով բնակչության կողմից ստացվել էին ահազանգեր։

Ալավերդու  քաղաքապետ Սասուն Խեչումյանը նշեց, որ բնակիչները վրդովված են, քանի որ շինարարության պատճառով առաջացած փոշին,  փոսերը, ծանրաքաշ մեքենաների երթևեկի  վիբրացիան  վնասում են բնակիչների առողջությունն ու անվտանգությունը։  Խնդրի վերաբերյալ իր նկատառումները ներկայացրեց նաև Լոռու մարզից ԱԺ պատգամավոր Արեն Մկրտչյանը։

Այցի շրջանակներում նախարարը հանդիպում ունեցավ նաև ալավերդցիների հետ, որոնք պահանջում էին հստակ ժամկետներ՝ Ալավերդու հատվածի շինարարության ավարտի վերաբերյալ։

Հակոբ Արշակյանը բնակիչներին տեղեկացրեց, որ ստեղծված իրավիճակին  ծանոթ է և կտրուկ արձագանքել է։ Արդեն իսկ համապատասխան աշխատանքներ են իրականացվել։ Կատարվել է անձնակազմի փոփոխություն, փոխվել է նաև ինժեներական թիմի ղեկավարը, ինչի արդյունքում արձանագրվել է աշխատանքների նոր ընթացք։ Բացի այդ, հատուկ սարքերով ուսումնասիրվել են վիբրացիայի հետևանքները, մշակվել են միջոցառումներ։

Նախարարը բնակիչներին տեղեկացրեց նաև, որ շինարարի և նախարարության համապատասխան պատասխանատուների առաջ դրվել են  հստակ խնդիրներ.

«Հարմարավետություն, առողջություն, անվտանգություն, երկրորդը՝ ճանապարհների որակն է, և երրորդը՝ ժամկետները: Այս երեք առաջնահերթությունները պետք է պահվեն անվիճելիորեն»,-շեշտեց Հակոբ Արշակյանը:

Բնակիչները նախարարին խնդրեցին կարգավորել ևս մեկ խնդիր՝ ծանրաքաշ մեքենաների երթևեկը քաղաքի միջով։ Նրանք նշեցին, որ վարորդները գերադասում են տուգանվել, բայց երթևեկել Ալավերդու բարեկարգ փողոցներով՝ դրանով հավելյալ անհարմարություն պատճառելով բնակչությանը։

Նախարարը նշեց, որ այս ուղղությամբ ևս անհրաժեշտ քայլեր կիրականցվեն, պաշտոնական գրությամբ ևս մեկ անգամ կդիմի ճանապարհային ոստիկանությանը, որպեսզի արգելքը գործի, և որևէ ծանրաքաշ մեքենա քաղաքի միջով չանցնի։

Ամփոփելով հանդիման արդյունքները՝ նախարարը նշեց, որ եթե նոր կոմունիկացիոն գծեր ի հայտ չգան, ապա մինչև ամառվա վերջ՝ Ալավերդի քաղաքով անցնող  հատվածն ամբողջությամբ կվերակառուցվի:

Նշենք, որ շինարարության առաջին փուլով Վանաձորից մինչև Թումանյան կայարան 38.45 կմ հատվածում նախատեսված աշխատանքներն ավարտվել են, ճանապարհահատվածը հանձնվել է շահագործման:

Հիմնանորոգվող ավտոճանապարհի 2-րդ հատվածը, որի երկարությունը  51.74 կմ է, ընդգրկում է Թումանյան կայարանից մինչև Բագրատաշենի սահմանային անցակետ ընկած ճանապարհահատվածը։

Տպել
641 դիտում

Թուրքերի ռազմական օպերացիան Փայլանը որակել է որպես տեղահանություն և ցեղասպանության փորձ

Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց

Առաջին անգամ եմ նման տեսակետ լսում. Իվետա Մուկուչյանը՝ իր ու Բեյոնսեի տեսահոլովակների նմանության մասին

Վարչապետը հարգանքի տուրք է մատուցել երեկ գիշեր ծառայության ընթացքում սպանված ոստիկանին (տեսանյութ)

Նախորդ մեկ ամսում Երեւանում այրվել է 10 աղբաման. վերջին դեպքով քաղաքացին ինքնախոստովանական ցուցմունք է տվել

«Էրեբունի-Երևան 2801» տոնակատարության միջոցառումների կազմակերպման համար փակ կլինեն մի շարք փողոցներ

«ԱԺ-ն իրավասու չէ տվյալ հարցով դիմելու ՍԴ». հրապարակվել են Հրայր Թովմասյանի հարցով դիմումի մերժման հիմքերը

Գորան Բրեգովիչի երևանյան համերգը հետաձգվել է եւ կկայանա նոյեմբերի 24-ին. նա կժամանի նվագախմբով

ՀՖՖ ֆուտբոլի ակադեմիայում մարզումները մի քանի տարիքային խմբերի համար այսուհետ կլինեն վճարովի

Ոստիկանի սպանության մեջ կասկածվող անչափահասն ընդունել է մեղքը, ասել, որ անկեղծորեն զղջում է

Թրամփի նամակը ստանալուց հետո Էրդողանն այն աղբամանն է նետել. BBC

Ես չեմ կարող մեկնաբանել պարոն Ալիևի հայտարարությունը. Մարիա Զախարովա

«Կոշ» ՔԿՀ-ի մոտ քաղաքացիներ են բերման ենթարկվել. մեքենայում մարիխուանայի նմանվող զանգված է հայտնաբերվել. ՔԿԾ

Կոտայքի մարզպետը դիմել է մարզի դատախազին` Քասախ համայնքի ղեկավարի որոշման իրավաչափությունը պարզելու համար

Ոստիկանին սպանելու մեջ կասկածվող անչափահասը հակասոցիալական վարքով երեխաների դպրոցի սան է. նա 10 օր է՝ դասի չէր գնում

Ձորաղբյուրում երեկվանից այրվող տան հրդեհը այսօր դեռ չի մարվել. բնակչի կրած վնասը անցնում է 7 մլն դրամը (լուսանկարներ)

Պուտինի հրավերով Թուրքիայի նախագահը կմեկնի Ռուսաստանի Դաշնություն

Սեռական բնույթի ձայնագրություններ չհրապարակելու, արատավոր տեղեկություններ չտարածելու համար գումարներ է գանձել

Կապանում սողանքից փլուզված տան փլատակների տակից եւս մեկ դի է դուրս բերվել

Մայր Աթոռի և Ճապոնիայի դեսպանատան միջև ձևավորվել է սերտ գործակցություն. հանդիպում Գարեգին Բ-ի հետ