Գործարքը կայացել է 11 մլն դոլարով

03/09/2010 schedule12:48

Իշխանական շրջանակներում պնդում են, թե Երիցյանից այդ բիզնեսը գնել է ԼՂՀ նախկին նախագահ, Սերժ Սարգսյանի հատուկ հանձնարարություններով դեսպան Արկադի Ղուկասյանի նախկին կինը ոմն Սիլվայի հետ, որը Սերժ Սարգսյանի շրջապատից է: Երեկ մեզ հաջողվեց ճշտել գործարքի մանրամասները: Իրավաբանորեն Երիցյանի բիզնեսի նոր սեփականատերը Սիլվա Համբարձումյանն է (նկարում): Վերջինս մեր հանդիպման ընթացքում ասաց, որ Երիցյանի հացի գործարանները գնել է ՎՏԲ բանկից, որտեղ դրանք գրավ էին դրված: Բուն գործարանները, ըստ Համբարձումյանի, ՎՏԲ-ում գրավի են դրված եղել 3.5 միլիոն դոլարով: Բացի այդ, Երիցյանը իր գործարանների համար սարքավորումներ է պատվիրած եղել Չեխիայից 6 միլիոն 511 հազար եվրո արժողությամբ. այս պարտքը եւս փոխանցվել է Սիլվա Համբարձումյանին: Այսպիսով, գործարքը կայացել է 3.5 միլիոն դոլարով եւ 6.5 միլիոն եվրոյով, այսինքն, մոտ 11 միլիոն 800 հազար դոլարով: Սիլվա Համբարձումյանը, սակայն, երեկ մեզ հետ զրույցում պնդում էր, թե Ղուկասյանի կինը սույն գործարքի հետ որեւէ կապ չունի, ինքը Երիցյանի այս բիզնեսի միանձնյա սեփականատերն է եւ այն գնել է իր փողերով: Իսկ գործարանը, ըստ նրա, առաջարկել է գնել ՎՏԲ-ն, որի «վիպ» հաճախորդն է ինքը: «Վերջին ժամանակները Երիցյանը չի կարողացել մարել տոկոսը, մայր գումարը, եւ ՎՏԲ-ն վաճառեց ինձ: Իհարկե, Երիցյանին կանչել են, ես չեմ խլել, կանչել ենք, Մհեր Գրիգորյանն է եղել` ՎՏԲ-ի նախագահի տեղակալը, իր մոտ է եղել այս խոսակցությունը, ասել է` մենք վաճառում ենք, դուք վաճառո՞ւմ եք, Երիցյանն ասել է` հա, ինչ անեմ, վաճառեմ, որ գոնե ձեզ պրոբլեմներ չլինեն: Ու վաճառվել է»,- ասում էր Սիլվա Համբարձումյանը: Պարզվեց նաեւ, որ գրավի տակ է «Երիցյան եւ որդիներ» խանութը` «Բիբլոս» եւ «Պրոմեթեյ» բանկերում: Այս մասին երեկ մեզ հայտնեց Սիլվա Համբարձումյանը` դժվարանալով ասել, թե որքան գումարով է խանութը գրավ դրված: «Ես հարցրել եմ խանութի մասին, որովհետեւ մի կտոր կուզենայի գնել, բայց Երիցյանն ասաց` չենք վաճառում, վարձակալությամբ ենք հանձնել, փակում ենք պարտքերը»,- ասաց Համբարձումյանը: Փաստորեն, սրանով հաստատվում են այն տեղեկությունները, որ Երիցյանը մինչեւ կոկորդը թաղված պարտքերի մեջ: Ավելին, պարզվում է, այս ընթացքում Երիցյանին նաեւ խայտառակ նվաստացումների են ենթարկել: Նրա այլեւս նախկին բիզնեսի նոր սեփականատերը երեկ մեզ պատմում էր, որ հացի գործարանների համար Չեխիայից բերված սարքավորումները ամիսներով պահվել են մաքսատանը եւ չեն մաքսազերծվել: Դրանք կարողացել է մաքսազերծել Համբարձումյանը` բիզնեսի գործարքը կայանալուց հետո, եւ, ըստ ամենայնի, այսօր սույն սարքավորումները մաքսատնից դուրս կբերվեն: Ինքը` Երիցյանը, անգամ հայց է պատրաստել այս սարքավորումների համար, բայց դատարանում, ինչպես պատմում էր Համբարձումյանը, հրաժարվել են հայցն ընդունել: Ալբերտ Երիցյանի հետ երեկ մեզ չհաջողվեց զրուցել. նրա հեռախոսն անհասանելի էր. ըստ որոշ տեղեկությունների` նա գտնվում է Անթալիայում: Նշենք, որ Արաբկիրի նախկին թաղապետի որդին` Ռոբերտ Երիցյանը, որն աշխատում էր ՊԵԿ-ում, մեղադրվում է ՊԵԿ նախագահ Գագիկ Խաչատրյանի դեմ 2009-ի մայիսի 23-ին մահափորձ կատարելու մեջ եւ ավելի քան 1 տարի գտնվում է հետախուզման մեջ: Ենթադրվում է, որ հաջողակ գործարար համարվող ՀՀԿ-ական Երիցյանի բոլոր անհաջողությունները սկսվել են այստեղից: Հիշեցնենք, Ալբերտ Երիցյանը Արաբկիրի թաղապետ դարձավ 2008-ի սեպտեմբերի 14-ին. դրա համար, ինչպես նշվում էր այն ժամանակ մամուլում, նա ծախսեց մի քանի միլիոն դոլար: Արդեն 2009-ի մայիսի 30-ին կայացած Երեւանի ավագանու ընտրություններից հետո Երեւանի քաղաքապետ Գագիկ Բեգլարյանը Երիցյանին չնշանակեց Արաբկիր վարչական շրջանի ղեկավար: Մի խոսքով, Երիցյանի հետ տեղի ունեցածը դասական օրինակ է, թե ինչպես գործող իշխանություններն անգամ իրենց մերձավորին կարող են կատարյալ «բոմժ» սարքել: Հիշեցնենք, որ այս ընթացքում Ալբերտ Երիցյանը հասցրել է վաճառել նաեւ իր «Աթենք» մսամթերքի կոմբինատը եւ այլ բիզնեսներ: Ինչ վերաբերվում է Երիցյանի հացի գործարանների նոր սեփականատիրոջը. նա ամուսնացած չէ, ապրում է մենակ, Ամիրյան 3 հասցեում եւ ինչպես երեկ էր պատմում, բիզնեսներ ունի Դուբայում, Բելգիայում եւ այլուր, մայրը Գավառից է, հայրը` Սյունիքից: Սիլվա Համբարձումյանը, որ մինչեւ 90 թվականն աշխատել է կոմունալ նախարարությունում, որպես ֆինվարչության պետ, 90-ից բիզնեսի մեջ է, մետաղի հանք ունի Սյունիքում, ժամանակին նրա «Սիլվի շաքար» ընկերությունը զբաղվել է շաքարավազի ներկրմամբ, հիմա կապ ունի շաքարի բիզնեսով զբաղվող բրազիլական խոշոր կազմակերպության հետ: Նշենք, որ Երիցյանից գնած հացի գործարանը նա անվանափոխել է «Կալաչ»: Արդեն երկուշաբթի օրվանից խանութներում «Երիցյան եւ որդիներ» անվանմամբ հաց չի մատակարարվի, փոխարենը կլինի «Կալաչ»: Համբարձումյանը մեզ տեղեկացրեց նաեւ, որ Երիցյանի նախկին տնօրեններն արդեն իր մոտ չեն աշխատում եւ ինքը բերելու է իր «թիմին»: Հիշեցնենք, Երիցյանի մի գործարանը Գրիբոյեդով փողոցի վրա էր, մյուսը` Փափազյան, մեկն էլ գտնվում է Ավանում` Աճառյան փողոցի վրա: Այս գործարանն այժմ վերանորոգվում է եւ այնտեղ, ինչպես նոր սեփականատերն ասաց, հետագայում կլինի մսամթերի բիզնես` կարտադրվեն կիսաֆաբրիկատներ` հնդկահավ, բուժինինա եւ այլն: Մեր նկատառմանը, որ Հայաստանում հնարավոր չէ նման խոշոր բիզնես ունենալ առանց «տանիքի», Համբարձումյանը պնդում էր. «Ես «տանիք» չունեմ»:

Տպել
1416 դիտում

Լրագրողական իմ ողջ գործունեության ընթացքում միշտ վախեցել եմ, որ իմ որեւէ բառ հիմք չտա, որ որեւէ մեկը ծիծաղի իմ գրածի վրա

Արարատի մարզում մի շարք ճանապարհներ կբարեկարգվեն

Ինձ ոչ մեկ չի կարող զանգել եւ նման տոնով հետս խոսել. Վանեցյան

Գագիկ Խաչատրյանը ԱԱԾ չի հրավիրվել. Վանեցյան

Արա Մինասյանն ու Լեւոն Սարգսյանն օրինական ճանապարհով հատել են ՀՀ սահմանը. Արթուր Վանեցյան

1 մլն դրամ չի մուտքագվրել պետբյուջե․ ոստիկանները բացահայտել են Մուսալեռ համայնքի ղեկավարի ապօրինությունները (տեսանյութ)

Լուրջ քննադատությանը շատ լուրջ եմ վերաբերվում եւ լուրջ հետեւություններ եմ անում․ Աննա Հակոբյան

Եկեղեցին պետք է լսի զոհերին․ համաժողով Վատիկանում՝ նվիրված հոգևորականների շրջանում սեռական բռնությունների խնդիրներին

Կիեւի եւ Երեւանի հարաբերությունները դինամիկ կզարգանան․ դեսպան

Ալեքսանդր Սարգսյանը պետությանը փոխանցել է 18,5 մլն դոլար, իսկ 11,5 մլն դոլար գանձվել է կոնկրետ ակտերով. ԱԱԾ տնօրեն

Պատրաստվում ենք «Իմ քայլը» հիմնադրամի համար մատչելի տարածք գտնել, որովհետեւ խնայում ենք մեզ վստահված ամեն լումա

Սպառնալիքները միշտ կան. Վանեցյանն իր եւ Փաշինյանի ընտանիքներին ուղղված սպառնալիքների մասին

Մեզ որեւէ բան չի կաշկանդում. ԱԱԾ տնօրենը` Տեր-Պետրոսյանի կառավարման տարիների հետ կապված ստուգումներ իրականացնելու մասին

Ես տեղեկություն չունեմ, որ տարբեր գերատեսչությունների պարգեւավճարների մի մասն ուղղվել է «Իմ քայլը» հիմնադրամին

Դատի տալը ցանկացած քաղաքացու սահմանադրական իրավունքն է. Վանեցյան

Շատ տարբեր իրադարձություններ են արյունաբանական կենտրոնի բացումն ու երկու կենտրոնների միավորումը․ Աննա Հակոբյան

«Իմ քայլը» բարեգործական հիմնադրամի իրականացրած եւ իրականացվելիք ծրագրերը․ ներկայացնում է Աննա Հակոբյանը

Առնվազն զուգարանների հարցը մի քանի մեծ ավտոկայաններում պետք է լուծվի. Աշոտ Մնացականյան

9 մլն պարտք Արցախի հյուրանոցին. 2015-ին նկարահանված Եվա ֆիլմի գումարը հայկական կողմը մինչեւ օրս չի վճարել

«Ժպիտների քաղաք» հիմնադրամը քաղցկեղով հիվանդ 100 երեխաների բուժման համար գործունեության 5 ամիսներին ծախսել է 70 մլն դրամ