Ես կուզեմ՝ Քոչարյանը հստակ հայտարարի, որ տեղյակ չէ 2000-անոց զինված զորաբանակը ինչպես է մայրաքաղաք մտել. Վահե Գրիգորյան

Ռոբերտ Քոչարյանի պաշտպանների կողմից դատավորին ներկայացված ինքնաբացարկի միջնորդությունը չեմ կարծում, որ հիմնավոր էր:

Այս մասին այսօր Ռոբերտ Քոչարյանի խափանման միջոցով գործի քննության ավարտին լրագրողների հետ զրույցում ասաց Մարտի 1-ի գործով տուժողների իրավահաջորդների ներկայացուցիչ Վահե Գրիգորյանը: Դատավոր Դավիթ Գրիգորյանը նիստի ընթացքում չթույլատրեց նրան պաշտպանական կողմի ներկայացրած ինքնաբացարկի միջնորդության վերաբերյալ դիրքորշում հայտնել՝ նշելով, որ ըստ ՍԴ որոշման՝ տուժող կողմը դիրքորոշում հայտնել չի կարող: Գրիգորյանն ասաց, որ դատարանի այս կարծիքը չի կիսում:

Նա ասաց, որ այսօր ավելի շատ ակնկալում էր բովանդակային փաստարկներ։

«Ցավում են, որ դրանք չհնչեցին։ Ես չեմ կարծում, որ դրանք փաստաբանների բացթողումներն էին», - ասաց նա։

Նախաքննության ավարտին նյութերի ծանոթացման ընթացքում Վահե Գրիգորյանը նշել է, որ նյութերի այն հատվածը, որն ուսումնասիրել է, շոկային էին: Այսօր մեր հարցին, թե կարո՞ղ է շոկային նյութերից մեկ օրինակ ներկայացնել, Գրիգորյանը պատասխանեց, որ այդ բոլոր նյութերի մասին ոչ միայն խոսելու են, այլեւ այդ նյութերը հետազոտվելու են հրապարակային դատաքննության ընթացքում։

«Քանի դեռ դատարանը չի որոշել նյութերի հետազոտման կարգի շրջանակներում ո՛ր նյութերն են գաղտնիացվելու, իսկ որոնք՝ չէ, ես ձեռնպահ կմնամ որեւէ տեղեկություն հայտնել այնպիսի նյութերի մասին, որոնք, շատ հնարավոր է, ռազմական կամ պետական գաղտնիքի նկատառումներով կգաղտնիացվեն եւ դռնփակ դատական նիստերում կքննարկվեն: Ամեն դեպքում, ես վստահեցնում եմ, որ դրանք դեռ երբեւէ մամուլում չեն շրջանառվել», - ասաց Վահե Գրիգորյանը՝ հավելելով, որ երբ հայտարարել է, որ դրանք շոկային են, շատ մեղմ է գտնվել։

Խոսելով 0038 գաղտնի հրամանից՝ փաստաբանը նշեց, որ այդ հրամանից տեղյակ լինելը կամ չլինելը դաշտ է նետվել քարոզչամիջոցների կողմից՝ իբրեւ ամբաստանյալ Ռոբերտ Քոչարյանին առաջադրված մեղադրանքի հիմնական սյուն։

«Դա այդպես չէ, հիշե՛ք, 0038 հրամանին նույնիսկ եթե որեւէ մեկը ծանոթ չի եղել... մենք չենք խոսում հրամանին ծանոթ լինելու մասին, որին, շատ հնարավոր է, որ մարդը ծանոթ չլիներ։ Խոսքը դրա մասին չէ, խոսքը վերաբերում է ՀՀ մայրաքաղաք հսկայածավալ զորամիավորումներ տեղափոխելուն, խոսքը վերաբերվում է նրանց հրազեն գործադրելուն, մահաբեր ուժ գործադրելուն, խոսքը վերաբերում է բոլոր այն գործողություններին, որոնք կատարվել են, որոնց մասին ամբաստանյալ Քոչարյանը չէր կարող իմանալ։ Ես կուզեմ, որպեսզի նա հստակ հայկական դատարանում հայտարարի, որ ինքը տեղյակ չի եղել, որ մոտ երկու հազար սպայական ու ենթասպայական կազմ ունեցող, բարձր պատրաստվածություն ունեցող, ամբողջությամբ զինված զորաբանակ է բերվել Երեւանի կենտրոն, տեղակայվել կենտրոնում եւ դրա արվարձաններում», - ասաց նա։

Նա ընդգծեց՝ կուզի լսել, որ Քոչարյանը հստակ կհայտարարի՝ ինքը չի վերահսկել իրավիճակը, որ ո՛չ ոստիկանապետը, ո՛չ մյուս հատուկ ծառայություններն իրեն չեն զեկուցել մահաբեր ուժի գործադրման մասին եւ որ նրանց ոչ ոք չի զեկուցել մարդկանց սպանությունների պատճառերի մասին. «Ու, առհասարակ, հարյուրավոր զինծառայողների, քաղաքացիական անձանց ստացած տարբեր աստիճանի մարմնական վնասվածքների մասին։ Նա պիտի դա հստակ հայտարարի», - ասաց Վահե Գրիգորյանը:

Տպել
2306 դիտում

Ինչու են վաղը փակվելու դատարանների մուտքերը եւ ինչպիսին է լինելու ընթացքը. վարչապետը մանրամասնում է (տեսանյութ)

Արմավիրում Opel-ը բախվել է կայանված Nissan-ին, վերջինն էլ վրաերթի է ենթարկել 3 հոգու

Գիզայի պայթյունից նախնական տվյալով ՀՀ քաղաքացիներ չեն տուժել. ԱԳՆ

Վաղը 08.30-ից արգելափակում ենք հանրապետության բոլոր դատարանների ելքերն ու մուտքերը. վարչապետ

13-ամյա աղջկա հղիությանն առնչվող տեսանյութը հեռացվել է ամբողջությամբ. ՄԻՊ

Ժամը 12.00-ին կհայտարարեմ Հայկական հեղափոխության՝ երկրորդ, ամենակարեւոր փուլի մեկնարկը. վարչապետ

ՀՀ վարչապետը վաղը կարեւոր հայտարարություն է անելու դատաիրավական համակարգի վերաբերյալ

Ուկրաինայի նախագահի երդմնակալությանը կմասնակցի Տիգրան Ավինյանի գլխավորած պատվիրակությունը

Օպերայի եւ բալետի թատրոնում ռումբի մասին ահազանգը կեղծ է եղել. մարդկանց տարհանել են, տեղազննում իրականացրել

Ջերմաստիճանը 4-5 աստիճանով կնվազի, առաջիկա օրերին անձրեւներ են սպասվում

Նախարար Բաթոյանն անդրադարձել է 13-ամյա երեխայի հղիությանն ու կոչ արել այլեւս չտարածել տեսանյութը

Օպերայի և բալետի ազգային ակադեմիական թատրոնի շենքում ռումբի առկայության մասին ահազանգ է եղել

Արմեն Գրիգորյանը Լոս Անջելեսում մասնակցեց «Ինովեյթ Արմենիա» ամենամյա 4-րդ փառատոնին

Վարչապետն այցելել է ՊՆ կենտրոնական կլինիկական զինվորական հոսպիտալ (լուսանկարներ)

Հանգիստ եղեք, ոչինչ չի մոռացվել, ոչ մեկը չի խուսափի արդարադատությունից. Սիմոնյանը՝ Քոչարյանի դատավարության մասին

Կապանի 28-ամյա բնակչուհին որոնվում է որպես անհետ կորած

Գյումրու մարզադպրոցում ապօրինություններ են բացահայտվել․ յուրացվել է մոտ 17 մլն դրամ

Ինքնաթիռում 3 ժամ տեւած ոչ ֆորմալ հանդիպում են ունեցել ՀՀ եւ ՌԴ ներկայացուցիչները. Ալեն Սիմոնյան

Վթար Երևան-Սևան ավտոճանապարհին.մեկ մարդ զոհվել է, մյուսի վիճակը միջին ծանրության է

Շիրակի մարզում իրականացվել է հատուկ «Ջութակ» օպերացիան. կան բերման ենթարկվածներ