Ռոբերտ Քոչարյանը պնդեց, որ դատարան գան եւ հարցաքննվեն ՍԴ նախկին դատավորները

Երեւան քաղաքի ընդհանուր իրավասության դատարանում Ռոբերտ Քոչարյանի խափանման միջոցի գործով նիստի ժամանակ պաշտպան Քոչարյանի պաշտպաններից Հայկ Ալումյանը միջնորդեց դատարան հրավիրել եւ հարցաքննվել Սահմանադրական դատարանի դատավորներին:

Երեկ Ալումյանը պատասխանելով մեր հարցին, թե ինչու է դատակոչել ՍԴ դատավորներին եւ նրանք ինչ առնչություն ունեն Քոչարյանի մեղադրանքի հետ, պատասխանել էր. «Պարոն Քոչարյանի մեղադրանքի մեջ, ի թիվս այլի, կա դրույթ, որ այդ ժամանակ ճնշում է եղել Սահմանադրական դատարանի դատավորի նկատմամբ: Ընդ որում, չի մասնավորեցվում՝ ինչպե՞ս է եղել ճնշումը, ո՞ր դատավորի նկատմամբ, եւ ՍԴ բոլոր դատավորներից անհասկանալի սկզբունքով ընտրվել է երկու դատավոր, երկուսն էլ հերքել են իրենց նկատմամբ ճնշումը։ Մենք միջնորդել ենք եւ դատարանում պատրաստվում ենք պնդել, որ պետք է հրավիրվեն ՍԴ մյուս դատավորները, որ հասկանանք՝ ի՞նչ ճնշումներ են եղել եւ ինչպե՞ս են դրանք արտահայտվել»։

Այսօր դատարանում Ալումյանն ասաց, որ միջնորդում են դատարան հրավիրել եւ հարցաքննել այն ժամանակ ՍԴ դատարանի նախագահ Գագիկ Հարությունյանին, Հրանտ Նազարյանին, Վալերի Պողոսյանին. Ալումյանի կողմից վկայակոչած մյուս դատավորների անունները լսելի չէր:

Պաշտպաններից Ռուբեն Սահակյանն էլ ասաց, որ քրեական գործում չեն գտել որեւէ ցուցմունք, որը կհիմնավորի այն մեղադրանքը, որն առաջադրված է Սահմանադրական դատարանի անդամների նկատմամբ գործադրված ճնշումներին: Ըստ նրա՝ առանց այդպիսի ցուցմունքների բացառվում է, որ վարույթն իրականացնող մարմինը, դատախազությունը թույլ տային, որ գործը հասներ դատարան եւ մեղադրանք առաջադրվեր այդ բովանդակությամբ: «Սա նշանակում է, որ կան ՍԴ անդամներ, որոնք հարցաքննվել են»,- ասաց Սահակյանը:

Վկաներին հարցաքննելու վերաբերյալ դիրքորոշում հայտնեց նաեւ Ռոբերտ Քոչարյանը՝ պնդելով, որպեսզի դատավորները գան եւ հարցաքննվեն: Ըստ նրա՝ կային մարդիկ, որոնք պետք է հարցաքննվեին դեռ նախաքննության ժամանակ, մինչդեռ ըստ նրա՝ ուղղորդված քննություն է իրականացվել եւ կան մարդիկ, որոնց դիտմամբ ժամանակին չեն հարցաքննել:

«Ես սա ուղղակի դիտում եմ որպես գիտակցված, մտածված, կողմնակալ մոտեցում ամբողջ քննության ընթացքում, եւ քանի որ գործին ծանոթ եմ, կասեմ, որ ամբողջ գործի էությունը, գործի վարույթն իրականացվել է հենց այս ճանապարհով: Նույնիսկ մարդիկ հարցաքննվում են, երբ որ տեսնում են իրենց ուզած պատասխանը չկա, շատ կարճ են կապում, ուղղակի հաջող հարցեր չեն տալիս, չեն շարունակում, սա է գործի էությունը: Ես գտնում եմ, որ այդ մարդիկ պետք է գան եւ այստեղ հարցաքննվեն», - ասաց նա:

Դատավորը, սակայն, մերժեց միջնորդությունը, միաժամանակ նշելով, որ քննության այլ փուլում կարող է անդրադառնալ այս միջնորդությանը:

Տպել
1568 դիտում

Դուք եղել եք անցած խորհրդարաններում ու ի՞նչ եք արել, որ չլինեն այդպիսի դպրոցներ. Արփի Դավոյանը՝ Նաիրա Զոհրաբյանին

Վարչապետի որոշմամբ Բարձր տեխնոլոգիական արդյունաբերության նախարարության գլխավոր քարտուղար է նշանակվել

Սերժ Սարգսյանի եղբորորդին՝ Նարեկ Սարգսյանը, կարտահանձնվի Հայաստանին. դատախազության միջնորդությունը բավարարվել է

Ատոմ Ջանջուղազյանն ընդունել է ԱՄՀ հայաստանյան առաքելության ղեկավարին

Նոյեմբերի 29-ի դրությամբ Հայաստանում ստեղծվել կամ ստվերից դուրս է բերվել 81.534 նոր աշխատատեղ. վարչապետ

Իմ պաշտոնավարման ընթացքում նման դեպք չի եղել. Տիգրան Մուկուչյանը՝ Թլիկում ինքն իրեն պարտված գյուղապետի մասին

«Ռեստարտի» գործով նիստը սկսվեց եւ հետաձգվեց

Ադրբեջանական կուտակումներ ԵԽԽՎ Իրավական հարցերի և մարդու իրավունքների հանձնաժողովում. Մարուքյան

Ամենայն Հայոց Կաթողիկոսն ընդունել է Հայաստանում Ռումինիայի նորանշանակ դեսպանին

Ադրբեջանի ԱԳՆ-ն հայտարարել է Վրաստանի հետ սահմանների ճշգրտման հարցում տարաձայնությունների մասին

Ապրիլյան քննիչ հանձնաժողովի ժամկետը երկարաձգվեց, ծխելը սահմանափակող եւ մի շարք այլ օրինագծեր 1-ին ընթերցմամբ ընդունվեցին

Վահե Դանիելյանը նշանակվել է ՀՀ արդարադատության նախարարի տեղակալ

Ռուսաստանին թույլ կտան մասնակցել ֆուտբոլի Եվրոպայի առաջնությանը, աշխարհի առաջնության մասին հստակություն չկա

Արմեն Սարգսյանը շնորհավորել է Միխայիլ Պիոտրովսկուն` ծննդյան 75-ամյակի առթիվ

Դեսպան Նազարյանն իր հավատարմագրերն է հանձնել Պորտուգալիայի նախագահին

Մահացել է Մոսկվայի նախկին քաղաքապետ Յուրի Լուժկովը

Հարկատուները համաձայն չեն լինի, որ չաշխատող դատավորներին այդքան աշխատավարձ տան իրենց վճարած գումարներով. Պետրոսյան

ՀՀ նախագահի նստավայրում տեղի է ունեցել դատավորների երդման արարողություն

Հանցավորության ինդեքսում Հայաստանը վերջին երկու տարիների ընթացքում գրանցել է 11 հորիզոնականով աճ. Ա. Գրիգորյան

«Վհուկների մուրճը». Ա. Միրզոյանը «Բարգավաճ Հայաստանին» կոչ արեց չտրվել հին խաղերին, «Լուսավոր Հայաստանին»՝ գտնել իրենց