Հայ եւ ռուս փրկարարների եղբայրությունը կոփվել է Սպիտակում. ՌԴ Դաշնային խորհրդի կոմիտեի փոխնախագահը ԱԻՆ-ում

ՀՀ արտակարգ իրավիճակների փոխնախարար Արա Նազարյանը մայիսի 14-ին ընդունել է ՌԴ Դաշնային Խորհրդի  պատվիրակությանը՝ ԴԽ պաշտպանության եւ անվտանգության կոմիտեի նախագահի տեղակալ Սերգեյ Արենինի գլխավորությամբ:

Պատվիրակության կազմում ընդգրկված են սենատորներ Ֆրանց Կլինցևիչը, Վյաչեսլավ Մարխաևը և ՌԴ օրենսդիր վերին պալատը ներկայացնող մի շարք այլ անձինք: Հայկական կողմը հանդիպմանը ներկայացնում էին Արա Նազարյանը, ԱԻ փոխնախարար Արկադի Բալյանը, Արտակարգ իրավիճակների քաղաքականության մշակման և միջազգային համագործակցության վարչության միջազգային համագործակցության առաջին բաժին պետ Աղվան Սարգսյանը:

Հանդիպման նպատակն էր քննարկել արտակարգ իրավիճակների բնագավառում հայ-ռուսական համագործակցության հեռանկարները: Ողջունելով հյուրերին՝ փոխնախարար Արա Նազարյանը նշել է, որ ՀՀ և ՌԴ ԱԻ նախարարությունները համագործակցում են երկու երկրների կառավարությունների միջև ստորագրված արդյունաբերական վթարների, տարերային աղետների կանխման և դրանց հետևանքների վերացման բնագավառում համագործակցության մասին համաձայնագրերի և տարբեր միջազգային կառույցների շրջանակներում (ՀԱՊԿ, ԱՊՀ, ՄԱԿ, ԵԱՏՄ): Առանձին ուշադրություն է դարձվում հայ փրկարարների ուսուցման կազմակերպման գործընթացին, պարբերաբար անցկացվում են համատեղ հատուկ տակտիկական և ուսուցողական վարժանքներ:

Արա Նազարյանի խոսքով՝ հայ-ռուսական համագործակցությունը համընթաց զարգանում է նաև սեյսմիկ պաշտպանության, լեռնափրկարարական աշխատանքների իրականացման, անտառային հրդեհների դեմ պայքարի, երկրաշարժերից պաշտպանվելու և դրանց հետևանքների վերացման ոլորտներում:

Այս առումով, ԱԻ փոխնախարարը նշել է, որ 2017թ. «Խոսրովի անտառ» արգելոցը պատուհասած հրդեհը հաջողվեց մարել ռուսական կողմի տրամադրած ինքնաթիռի օժանդակությամբ: Արա Նազարյանի խոսքով՝ ինքնաթիռի ռուսաստանցի անձնակազմը հրդեհաշիջման արդյունավետության համար ստիպված էր թռիչքներ իրականացնել չափազանց ցածր և վտանգավոր բարձրության վրա, որի համար օդանավի անձնակազմը պարգևատրվել է ԱԻՆ շքանշաններով:

Սերգեյ Արենինը, շնորհակալություն հայտնելով հայկական կողմին ջերմ ընդունելության համար, նշել է, որ արտակարգ իրավիճակների արձագանքման և կանխարգելման ոլորտում հայ-ռուսական հարաբերությունների հիմքում ընկած է բազմամյա երկկողմ փոխշահավետ համագործակցությունը և ամուր իրավական բազան, ինչը թույլ է տալիս երկու երկրների ԱԻ նախարարություններին իրականացնել համատեղ և արդունավետ աշխատանք:

Որպես արտակարգ իրավիճակների արձագանքման և կանխարգելման ոլորտում հայ-ռուսական համագործակցության հետագա զարգացման գրավական՝ Սերգեյ Արենինը մատնանշել է 2015թ. հայ-ռուսական հումանիտար արձագանքման կենտրոնի ստեղծումը և ծավալած բազմակողմանի գործունեությունը:

Արա Նազարյանը, նույնպես կարևորելով հումանիտար կենտրոնի գործունեությունը, առաձնացրել է Սիրիային և Իրանին ցուցաբերված մարդասիրական օգնության առաքելությունները: Սերգեյ Արենինը, վկայակոչելով Սպիտակի ավերիչ երկրաշարժը, նշել է, որ հենց այստեղ՝ Հայաստանում, երկրաշարժի հետևանքների վերացման գործընթացի ժամանակ դրվեցին ԽՍՀՄ, ապա նաև ԱՊՀ անկախ երկրների փրկարարական և լեռնափրկարարական ծառայությունների ստեղծման հիմքերը:

«Հենց այդ ժամանակ է կոփվել մեր փրկարարների եղբայրությունը, ինչն իրենցհնարավորություն է տալիս լուծել անգամ ամենաբարդ խնդիրները»,- նշեց Սերգեյ Արենինը: Հանդիպումից հետո հյուրերն այցելել են ԱԻՆ Ճգնաժամային կառավարման ազգային կենտրոն (ՃԿԱԿ): Այցելության ընթացքում կենտրոնի պետ, փ/ծ գնդապետ Հովհաննես Խանգելդյանը մանրամասն ներկայացրել է ՃԿԱԿ առաքելությունը, գործունեությունը և գործառույթները:

Տպել
242 դիտում

Հրդեհվել է Սպիտակ քաղաքի զինկոմիսարիատի տանիքը

Հավատարիմ եմ եղել իմ կանանց ու դավաճանել եմ սիրուհիներիս. հայտնի մտքեր Ազնավուրից

Չենք բողոքարկի որոշումը, քանի դեռ դատարանը չի հանդիսանում խախտված իրավունքը վերականգնող մարմին. Սանասարյան

Մայիսի 27-ին դատավորների արտահերթ ժողով է հրավիրվել

Բյուջեի 62 մլրդ դրամ ավելցուկի մի մասով զինվորների և ուսուցիչների աշխատավարձը կբարձրանա. ինչպես ծախսել մնացածը

Շիրակի մարզից ԱՆ ուղղաթիռով հիվանդ է տեղափոխվել Երեւան

Չենք փորձել մեղավորներ փնտրել այլ ակումբներում. «Արարատ-Արմենիան» պատասխանում է

Ազարը, Ժիրուն հայ են. «Արսենալի» երկրպագուները ծաղրում են Ադրբեջանի պատճառով ստեղծված իրավիճակը

ԵՄ -ն 2019-ին ՀՀ-ին տրամադրվող աջակցությունը ավելացրել է 25 մլն եվրոյով. հանդիպում կառավարությունում

Կրթության եւ գիտության նախարարը բողոքող ուսանողներին հրավիրել է նախարարություն. մինչ վերադարձը բուհի դռները չեն բացվի

Դուք հայրենասիրության վառ օրինակ եք. վարչապետը շնորհավորել է Կոմանդոսին՝ ծննդյան 80-ամյակի առթիվ

5 աղբատար նոր մեքենաները սկսել են աղբի հավաքումը. եւս 20 մեքենա ու մի քանի հազար աղբաման ձեռք կբերվի

ԱԺ «Իմ քայլը» խմբակցությունը հյուրընկալել է ՄԹ պաշտպանության հետազոտությունների արքայական քոլեջի ունկնդիրներին

Թյորբորն Յագլանդը հաստատել է ԵԽ-ի լիակատար աջակցությունը ՀՀ բարեփոխումների օրակարգին

ՀՀ մարմնամարզիկները կարեւորագույն ստուգատեսներից առաջ փորձնական մրցումների կմասնակցեն

Նորընտիր ռեկտորը խոստացավ հրաժարականի պահանջին պատասխանել վաղը. ուսանողները հայտարարեցին՝ մինչ այդ բոլորը կմնան շենքում

Բակո Սահակյանը խորհրդակցություն է անցկացրել

60 տարի բեմում լինելու, վիրահատության եւ երաժշտական դադարի մասին պատմում է Ռոզի Արմենը. նա Հայաստանում է

Երաշխիք չունեմ, որ կեսից չեն փոշմանի ու հետ վերցնի. քաղաքապետարանը «Կանազ»-ի շենքը տրամադրելու ռիսկեր է տեսնում

Ազնավուրին ե՛ւ ճանաչում եմ, ե՛ւ չէ, մեր հանդիպումներն այդպես էլ չստացվեցին. Ռոզի Արմեն