Երեւանի քաղաքապետարանի մոտ 350 աշխատակից բնապահպանական թեմաներով վերապատրաստում է անցնում

Բնապահպանության նախարարությունը, ՄԱԿ-ի Զարգացման ծրագրի (ՄԱԶԾ) հայաստանյան գրասենյակի և ՀՀ պետական կառավարման ակադեմիայի հետ  կազմակերպել էր «Գլոբալ բնապահպանական օգուտների ստեղծում շահագրգիռ կողմերի էկոլոգիական կրթության և իրազեկության բարձրացման միջոցով» ծրագրի շրջանակներում հանրային և քաղաքացիական ծառայողների բնապահպանական թեմաներով դասընթացների մեկնարկի միջոցառում:

Այս մասին տեղեկացրեցին ՀՀ բնապահպանության նախարարության տեղեկատվության և հասարակայնության հետ կապերի բաժնից, դասընթացների առաջին փուլով նախատեսվում է վերապատրաստել Երևանի քաղաքապետարանի մոտ 350 աշխատակցի։ Դա իրականացնելու է ՀՀ պետական կառավարման ակադեմիան՝ ծրագրի հետ համագործակցությամբ։

Միջոցառմանը մասնակցել են բնապահպանության նախարարի առաջին տեղակալ Իրինա Ղափլանյանը, Երևանի քաղաքապետի առաջին տեղակալ Հրաչյա Սարգսյանը,  ՀՀ տարածքային կառավարման և զարգացման նախարարի տեղակալ Լիլիա Շուշանյանը, Հայաստանում ՄԱԶԾ մշտական ներկայացուցիչ Դմիտրի Մարիյասինը, ՀՀ պետական կառավարման ակադեմիայի ռեկտոր Արսեն Լոքյանը, պետական և գիտական այլ մարմինների ներկայացուցիչներ։

Ողջույնի խոսքում կարևորելով նախարարության համակարգման ներքո իրականացվող ծրագրի շրջանակներում բնական ռեսուրսների կառավարման գործընթացում որոշում ընդունողների կարողությունների հզորացմանը միտված միջոցառումները՝ բնապահպանության նախարարի առաջին տեղակալ Իրինա Ղափլանյանը  շեշտել է, որ դրանք նպատակաուղղված են մարդկային կենսական պահանջների և բնական միջավայրի միջև հավասարակշռության ապահովմանը։ 

«Ապրելով քաղաքում, երբեմն մոռանում ենք, որ քաղաքը դա բարդ էկոհամակարգ է, որը կայուն չէ և օժտված չէ այն ինքնակարգավորման հատկություններով, որոնցով օժտված են բնական է կոհամակարգերը։ Ներկայում ամեն օր արդիական է դառնում «կանաչ» քաղաքի տեսլականը, որի իրականացման դեպքում, մենք կկարողանանք ապահովել այդ կարևոր ինքնակարգավորման համակարգերը՝ լինի դա կանաչ տարածքների ստեղծումը, օդի աղտոտվածության նվազեցումը, տրանսպորտի օպտիմալացումը ու էլեկտրատրանսպորտի ներմուծումը, կամ աղբի տեսակավորումն ու կայուն կառավարումը։ Երևանն արդեն ունենալով «Խելացի քաղաք», «Կանաչ քաղաք»  հաստատված հայեցակարգերը, քայլ առ քայլ պետք է իրականացնի դրանցում մշակված միջոցառումները, և այս ծրագիրն ավելի կմոտեցնի «կանաչ» և «խելացի» Երևանի տեսլականի և հայեցակարգի իրականացմանը»,- ընդգծել է փոխնախարարը՝ կարևորելով մեկնարկային դասընթացները երևանի քաղաքապետարանի աշխատակիցների հետ անցկացնելու փաստը։

Հայաստանում ՄԱԶԾ մշտական ներկայացուցիչ Դմիտրի Մարիյասինը և մյուս ելույթ ունեցողներն առաջնային են համարել բնապահպանությունը ու առկա խնդիրների լուծման վերաբերյալ իրազեկվածության բարձրացումը։

Վերապատրաստումը կանցկացվի «Գլոբալ բնապահպանական օգուտների ստեղծում շահագրգիռ կողմերի էկոլոգիական կրթության և իրազեկության բարձրացման միջոցով» ծրագրի շրջանակներում Հայաստանի ամերիկյան համալսարանի Յակոբեան բնապահպանական կենտրոնի կողմից մշակված  11 մոդուլներով՝ կայուն քաղաքների, վերականգնվող էներգետիկայի, էներգախնայողության, շրջանաձև տնտեսության, բնապահպանական կառավարման, պատասխանատու սպառման և այլ թեմաների վերաբերյալ:

Տպել
411 դիտում

Հայաստանը շուրջ 300 մլն դոլար պարտք է Ռուսաստանին. ամենամեծ պարտքն ունի Բելառուսը

Ռուսաստանցիների համար Հայաստանն ամենապահանջված տուրիստական ուղղությունն է. հետազոտություն

«Քոնթուրգլոբալ հիդրոկասկադ» ՓԲԸ-ն հայտարարում է մրցույթ

Պատգամավորը շրջանառության մեջ է դրել նախագիծ, որով յուրաքանչյուր քաղաքացի կարող է լինել երթեւեկությունը վերահսկող մարմին

Չինարին այլևս չի կարող գնդակոծվել. Հայաստան մտնող գազամուղի անվտանգությունը ևս ապահովված է. Միրզոյան

Դանակով բազմաթիվ հարվածներ է հասցրել 46-ամյա տղամարդուն. բացահայտվել է Լոռիում տեղի ունեցած սպանությունը

Էջմիածնում մոտ 32 հեկտար ցորենի հնձած արտ է այրվել

ՊՆ-ը չի ուզում շատ բարձրաձայնել. դիրքերի բարելավումը մշտական գործընթաց է. Արծրուն Հովհաննիսյան

Միջադեպ Հյուսիսային պողոտայում` Վահագն Չախալյանի մասնակցությամբ. նրան եւ մի քանի հոգու բերման են ենթարկել (տեսանյութ)

Ջերմուկցիները գալիս են Երեւան. սպասվում է թեժ քննարկում

Հատվել է 1462 հատ տարբեր տեսակի և տրամագծերի ծառ. մեղադրանք է առաջադրվել 16 անձի, մեկ անձ հետախուզվում է

Մեկնարկել է Ամուլսարի շահագործման դեմ ջերմուկցիների ավտոերթը դեպի Երեւան

Lոռու մարզպետարանի պաշտոնյան սպանվել է դանակի 17 հարվածով. նոր մանրամասներ (լուսանկարներ)

Հրդեհ՝ Շիրակի մարզում. այրվել է անասնագոմ եւ պահեստավորած անասնակեր

Նռնակ՝ իր պայթուցիչով, 37 հատ տարբեր տրամաչափի փամփուշտներ. կինը զինամթերք է հանձնել

«Թումանյան» կայարանից Օձունի խաչմերուկ ճանապարհը ժամանակավոր փակ է լինելու. ժայռը կպայթեցնեն

«Լիդիան Արմենիա»-ն ներկայացրել է բնապահպանական փորձաքննության եզրակացության առաջարկների մասին պատասխաններ

Շոգը չի նահանջելու նաև այս շաբաթ. ջերմաստիճանը կտատանվի +40-ի սահմաններում. Սուրենյան

Արեգնադեմ գյուղում տնակ է հրդեհվել, ապա պայթել գազի բալոն․ 1 հոգի այրվածքներով հոսպիտալացվել է

Գրանցվել է խոտածածկ տարածքներում բռնկված 48 հրդեհ` ներգրավելով 58 մարտական հաշվարկ, 3 օպերատիվ խումբ