Նախորդ իշխանություններին ձեռնտու չէր բացահայտումը. օդաչուի մայրը չի հավատում որդու «ինքնասպանությանը»

2014 թվականի դեկտեմբերին մահացած հայտնաբերած օդաչու Սուրեն Մարգարյանի մայրը՝ Կարինա Մարգարյանը, «ՀԺ»-ի միջոցով բաց նամակով դիմել է ՀՀ վարչապետ Նիկոլ Փաշինյանին, ՀՀ նախագահ Արմեն Սարգսյանին, ՀՀ գլխավոր դատախազ Արթուր Դավթյանին, ՀՀ քննչական կոմիտեի նախագահ Հայկ Գեւորգյանին, ՀՀ ոստիկանապետ Վալերի Օսիպյանին՝ պահանջելով գտնել որդու սպանողներին:

Կարինա Մարգարյանի բաց նամակը ներկայացնում ենք ստորեւ.

«2014 թվականի դեկտեմբերի 16-ին Հրազդան կիրճում, անհայտ մարդու տանը՝ խրճիթում, հրազենային վնասվածքով հայտնաբերվել է իմ որդի՝ Սուրեն Մարգարյանի դին: Հարուցված քրեական գործը շատ արագ քննվելու արդյունքում կարճվեց՝ իբր իմ որդին կատարել է ինքնասպանություն:

Փաստաբաններիս միջամտությամբ Երեւան քաղաքի դատախազ Արթուր Դավթյանը քրեական գործի կարճումը վերացրեց, նախաքննությունը իբր վերսկսվեց, սակայն որեւէ քննություն գործնականում չկատարվեց եւ 2016 թվականի ապրիլի 14-ին գործով վարույթը կասեցվեց՝ մեղավոր անձի հայտնի չլինելու հիմքով:

Թե ինքնասպանության գործով ինչ մեղավոր անձ են ման գալիս դա իրենց խնդիրն է, սակայն միանշանակ, պնդում եմ, որ իմ որդին սպանել են, իսկ նախորդ իշխանություններին ձեռնտու չէր հանցանքի բացահայտումը:

Զավեշտ է, որ 5 տարի քննչական կոմիտեն քննում է ինքնասպանության  գործ, երբ «անհասցե անձնավորության» տանը ինքնասպանություն է գործում մտավորական, ապահովված ընտանիքի որդի, ժառանգական օդաչուն: Ինքնասպանություն է գործել որսորդական հրացանից, աջ ձեռքով ինքն իրեն կրակելով, սակայն իմ որդին ձախլիկ էր (ընդ որում, այդ անհասցե անձնավորությունը քննիչի կողմից չքննված մնալով, դեպքից օրեր անց մահանում է):

Ավելին, իմ որդին «ինքնասպանություն» է գործել, որից հետո պառկել է մահճակալ, ծածկվել է վերմակով, հրացանը դրել է իր կողքին եւ «մահացել»:

Ես ոչինչ չեմ չափազանցնում, հենց գործի նյութերից հետեւում է, որ հրացանի վրա չկան իմ որդու մատնահետքերը, նրա մարմնի վրա կան ծակող-կտրող բազմաթիվ հետքեր, դաստակների վրա կան ձեռնաշղթաների հետքեր եւ գործի նյութերից հետեւում է, որ դեկտեմբերյան ցուրտ երեկոյան միջազգային ավիաուղիների օդաչու իմ որդին եկել էր լքված խրճիթ առանց վերարկուի եւ կոշիկների:

Խորը կսկիծով պետք է հայտնեմ նաեւ, որ կրակոցի հետեւանքով լրիվ դեֆորմացվել էր իմ որդու գլուխը, սակայն խրճիթում որեւէ բիոնյութ չի հայտնաբերվել:

Ու այս ամենով հանդերձ, հենց գործի նյութերով հիմնավորված է, որ դեպքին նախորդող ժամանակահատվածում իմ որդին ստացել է սպառնալիքներ: Այս պայմաններում Քննչական կոմիտեն եւ դատախազությունը կույր ձեւանալով շարունակում են քննել ինքնասպանության գործ եւ հեգնելով իմ ընտանիքին ու իմ որդու հիշատակը ինքնասպանության գործը կասեցնում՝ մեղավորի անհայտ լինելու հիմքով:

Պահանջում եմ գտնել մարդասպաններին եւ այն պաշտոնատար անձանց, որոնք այս տարիների ընթացքում այդպես էլ չտարբերեցին սպանությունը ինքնասպանությունից»:

Տպել
888 դիտում

Երևանում տեղի ունեցած խոշոր վթարից տուժած 2 երեխաները ստացել են առաջին բուժօգնություն եւ տուն են գնացել

30-ն անց աղջիկներին տանջող հարցերից է՝ «Տանը մնացի՞». Թամարա Պետրոսյանը նոր մոնո ներկայացմամբ հանդես կա

Ըմբշամարտի Աշխարհի առաջնություն. Արթուր Ալեքսանյանը հաղթեց թուրք ըմբիշին և դուրս եկավ 1/4

Հայ Առաքելական եկեղեցին այսօր նշում է Խաչվերացի տոնը

Ըմբշամարտի ԱԱ. Կարեն Ասլանյանը 10:1 հաշվով հաղթեց տաջիկ ըմբիշին ու դուրս եկավ 1/8

Երևանի Ծիծեռնակաբերդի խճուղում 4 մեքենա է բախվել. կա 7 տուժած, այդ թվում՝ երեխաներ

Երեւանում, Քասախ գյուղում և Կապան քաղաքում փրկարարները հայտնաբերել եւ տեղափոխել են օձերի

Բեզոարյան այծը հայտնվել է թակարդում եւ ոտքը կոտրել. Տեսչական մարմնի աշխատակիցները չեն կարողացել օգնել

Եթե զգամ, որ խորհրդականի կարիք կա՝ որոշում կկայացնեմ՝ դեռ չեմ կողմնորոշվում. ՀՌՀ խորհրդի նախագահ

Երեկ Շիրակի մարզի Բավրա գյուղից 12 կմ արևելք եւս մեկ երկրաշարժ է գրանցվել

Սեպտեմբերի 16-ին էլեկտրաէներգիայի մինչեւ 6-ժամյա անջատումներ կլինեն Երևանում և 8 մարզում

Մեղրիի բնակարաններից մեկում գազի արտահոսք է եղել՝ հրդեհի բռնկմամբ

Ըմբշամարտի աշխարհի առաջնություն. Արթուր Ալեքսանյանը 5:0 հաշվով հաղթանակ է տարել

«Մաեստրո Մանսուրյան-80». Գյումրիում կայացավ մեծ համերգ՝ կարեւոր առաքելությամբ

Չանկախություն. «Գազպրոմի» ֆորպոստը

Աղմկահարույց սպանության հետքերով. իրավապահները լռում են, որ շատ բան իմանան

«Հայամերիկյան» օպտիկական խաբկանք. անվճար վճարովի ակնոցներ

Արագած լեռան վրա արջի հարձակումից տուժած Լեհաստանի քաղաքացին մահացել է

Վարչապետն ընտանիքի հետ ներկա է գտնվել Սեւանի թերակղզում կազմակերպված ձկան փառատոնի բացմանը (լուսանկարներ)

Փաշինյանն ընդդեմ նախկինների. հաշիվն այսօր 10:3 է՝ հօգուտ Փաշինյանի․ Կարեն Անդրեասյան