Լոռիում սողանքը գնալով ակտիվանում է. ամեն պահի կարող է փլուզում լինել (լուսանկարներ)

Լոռու մարզի Շամուտ բնակավայրից դեպի Աթան տանող բնակավայրի միակ ճանապարհը գտնվում է ակտիվ սողանքային գոտում: Այն առավել վտանգավոր է դարձել հատկապես 2018թ. վերջին՝ հողի ջրհագեցման հետևանքով: Սողանքը սպառնում է հանրապետական նշանակության ճանապարհի փակմանը և Աթան գյուղը սպասարկող բարձրավոլտ հոսանքագծի վնասմանը: Տարածքը կավային գրունտ է և ունի 100մ լայնություն, 200մ երկարություն և 40մ բարձրություն: Ճեղքերը գնալով մեծացել ու լայնացել են: Վերջին շրջանում հողի շերտի բացվածքն ավելի է մեծացել ու գնալով ավելի վտանգավոր է դառնում: Այստեղ ամեն րոպե կարող է մեծ փլուզում լինել: Բնակիչները խուճապի մեջ են: Ասում են, որ եթե փլուզում լինի, գյուղը կզրկվի միակ ճանապարհից ու էլեկտրականությունից, իսկ երթեւեկող վարորդներն արդեն իսկ վախով են մեքենան վարում. «Քաղաքի հետ կապող միակ ճանապարհն է, Աստված չանի նստվածք տա, դաժե անասունները չեն արածում, տարածք չեն մտնում, վտանգը զգում են… շատ վտանգավոր է, բա որ ու թափվի… սաղ մարդ չի մնա»:

Թումանյանի քաղաքապետ Լեւոն Ձավարյանը եւս փաստում է՝ իրավիճակը առավել քան լուրջ է: Քաղաքապետն ասում է, որ պարբերաբար տարբեր կառույցներից գալիս ուսումնասիրություններ ու չափագրումներ են անում: Ներկայումս մտածում են Շամուտից Աթան տանող այլընտրանքային ճանապարհի մասին:

Խնդրին տեղում ծանոթանալու համար օրեր առաջ սողանքային գոտի էին կրկին այցելել Լոռու մարզպետն ու Լոռու մարզային փրկարարական վարչության պետ Սերոբ Գաբրիելյանը:

Խնդրի լուծման նպատակով պետբյուջեից հատկացված միջոցներով այժմ իրականացվում են երկրաբանական հետազոտություններ:
Այցի շրջանակներում հանդիպում է եղել  նաև հետազոտություններն իրականացնող խմբի հետ, ովքեր ներկաներին նախնական տպավորությունն են հայտնել՝  սողանքը բավականին վտանգավոր է, չի բացառվում, որ դանդաղ շարժումները վերափոխվեն իմպուլսային շարժման, և փլուզում առաջանա: Հետևաբար շատ արագ տեմպերով հարկ է իրականացնել հակասողանքային միջոցառումներ:

Հիշեցնենք, որ խնդրին մոտ մեկ ամիս առաջ, կառավարության նիստում անդրադարձել էր նաեւ ՀՀ ԱԻՆ նախարար Ֆելիքս Ցոլակյանը. «Ակտիվացել են սողանքները. վեց կետով ակտիվ սողանքներ ունենք այսօր, Լոռվա մարզում շատ ակտիվ սողանք ունենք, որը սպառնում է անտառային շերտի հոսք դեպի ճանապարհ, մի գյուղի ճանապարհ կարող է փակվել»,- նշեց նախարարը՝ հավելելով, որ մոտ 600 հազար տոննա հողի մասին է խոսքը, որը կարող է լցվել ճանապարհին: Դրա մաքրելը շատ բարդ կլինի, մենք սրա մասին պետք է մտածենք»,- ասել էր ԱԻ նախարարը՝ նշելով, որ այլընտրանքային ճանապարհ կա, որի վիճակը վատ է: «Քարաթափումներն էլ են ակտիվացել, խնդիր կա»: Վարչապետ Նիկոլ Փաշինյանն արձագանքելով ասվածին, հանձնարարել էր արագ քայլեր ձեռնարկել:

Տպել
765 դիտում

Մխիթարյանը գոլ է խփում «Ռոմայում» նորամուտի խաղում (տեսանյութ)

Սլավիկ Գալստյանը դարձավ ըմբշամարտի աշխարհի առաջնության բրոնզե մեդալակիր

Հենրիխ Մխիթարյանը «Ռոմա»-ի մեկնարկային կազմում է

Վանաձորում 32-ամյա տղամադրու վրա կրակոցներ արձակած, նրան վիրավորած կասկածյալը հայտնաբերվել է

ՀՀ զբոսաշրջության կոմիտեն հորդորում է խուսափել մոտ օրերս դեպի Արագած վերելքներ իրականացնելուց

Արթուր Ալեքսանյանն ապահովեց Տոկիո-2020-ի ուղեգիրը. ըմբշամարտի աշխարհի առաջնություն

Շուշիում մկրտվել են Ապրիլյան պատերազմում զոհված հերոսների հարազատները

Նիկոլ Փաշինյանը ցավակցական հեռագիր է հղել Մեծի Տանն Կիլիկիո Կաթողիկոս Արամ Ա-ին՝ մոր մահվան կապակցությամբ

Մեկնարկեց մարդու իրավունքների երկրորդ փառատոնը․ միջոցառումներ կանցկացվեն նաև Վանաձորում․ լուսանկարներ

Վրաերթ Կոտայքի մարզում. տուժածը հիվանդանոցում մահացել է

Զինված հարձակում՝ Կյոկուշին ֆեդերացիայի նախագահի նկատմամբ. Արման Բաբաջանյանն ահազանգում է

Երևանում տեղադրվել են պլաստիկ շշերի համար նախատեսված 4 սորտավորման ամաններ

Երևանի Արցախի պողոտայի տներից մեկում հրդեհ է բռնկվել, տուժածներ չկան

ԱՀ պետնախարարը հանդիպել է «Հայոց պետականության անցյալը, ներկան ու ապագան» միջազգային գիտաժողովի մասնակիցներին

1 մլն արժողությամբ 1,5 մետրանոց հեռուստացույցը կարող է ազդեցություն ունենալ. որ դեպքերում են զրկվում նպաստից

Հայաստան է ժամանել Քուվեյթի շեյխուհի Հուսա Սաբահ Ալ-Սալեմ Ալ-Սաբահը

Արցախի հիվանդանոցը կդառնա համալսարանական հիվանդանոց

Ապօրինի ծառահատում և զենք-զինամթերքի հայտնաբերում․ Իջևանի ոստիկանների բացահայտումը

Երևանում տեղի ունեցած խոշոր վթարից տուժած 2 երեխաները ստացել են առաջին բուժօգնություն եւ տուն են գնացել

30-ն անց աղջիկներին տանջող հարցերից է՝ «Տանը մնացի՞». Թամարա Պետրոսյանը նոր մոնո ներկայացմամբ հանդես կա