«Միսս տիեզերք Արմենիան» կանցկացվի Գյումրիում. մանրամասներ գեղեցկության այս տարվա մրցույթներից

«Միսս Արմենիա համահայկական մշակութային հիմնադրամը» մեծացնում է աշխարհագրությունը: Այս տարի գեղեցկության մրցույթներից մեկի՝ «Միսս տիեզերք Արմենիա 2019»-ի եզրափակիչը կանցկացվի հուլիսի 9-ին Գյումրիում՝ Սեւ բերդում: Այս մասին այսօր՝ մայիսի 22-ին, լրագրողների հետ հանդիպման ժամանակ հայտարարեցին կազմակերպիչները:

«Չենք ուզում, որ ներգրավվածությունը լինի միայն Երեւանում: Ցանկացանք տեղափոխել Գյումրի՝ 2-րդ քաղաք, եւ այնտեղ նույնպես տոնի վերածել: Եվ քանի որ Սեւ բերդն էլ պատմամշակութային վայր է, որոշեցինք, որ շատ ճիշտ կլինի, քանի որ, երբ «Միսս տիեզերք» ուղարկենք հոլովակները, ցուցադրված կլինի նաեւ մեր մշակութային շատ կարեւոր վայրերից մեկը»,- ասաց «Միսս Արմենիա» նախագծի ղեկավար Ռուբինա Գրիգորյանը:

Մյուս մրցույթի՝ «Միսս աշխարհ Արմենիայի» եզրափակիչը լինելու է Երեւանում՝ Օպերայի եւ բալետի ազգային ակադեմիական թատրոնում, հուլիսի 15-ին: Ընդհանուր առմամբ այս տարի «Միսս աշխարհ Արմենիան» ու «Միսս տիեզերք Արմենիան» անցկացվելու են նոր ձեւաչափով: Լինելու է փառատոն, որը տեւելու է հուլիսի 1-15-ը: Կլինեն տաղանդի, սպորտի, ինտելեկտի եւ նորաձեւության առանձին մրցույթներ: «Միսս տիեզերք Արմենիայում» կլինի նաեւ լողազգեստի փուլ, ինչը պարտադիր չէ «Միսս աշխարհ Արմենիայում»: Ինչպես նշեց «Միսս Արմենիա» հիմնադրամի նախագահ Գոհար Հարությունյանը, այս եւ այլ կանոնները՝ այդ թվում մասնակիցներին վերաբերող չափանիշները, իրենք վերցնում են միջազգային մրցույթներից:

«Առաջնորդվում ենք միջազգային չափանիշներով: Մեզ տրված է հրահանգ, որպեսզի լինի տարիքայի սահմանափակում՝ «Միսս տիեզերքի» համար 18-28, «Միսս աշխարհի» համար՝ 16-26 տարեկան: Աղջիկները պետք է լինեն չամուսնացած, քանի որ սա չամուսնացածների՝ միսսերի մրցույթ է, ամուսնացածների համար ուրիշ մրցույթներ են գործում: Բավարար է, որպեսզի լինի փոքր միջոցառում»,- ասաց Գոհարը:

Նա նաեւ ընդգծեց, որ այն չափանիշները, որոնց մասին համացանցում հաճախ խոսում են, օրինակ, 90/60/90, առաջնային չեն միջազգային ասպարեզում: Նշեց, որ հիմնական շեշտը դրվում է ներքին գեղեցկության վրա: Հատուկ անդրադարձավ պլաստիկ վիրահատություններին՝ շեշտելով, որ միջազգային մրցութները դրանք չեն արգելում:

«Ի՞նչ են մեզ պարտադրում. կա տարիքային սահամանփակում, ընտանեկան կարգավիճակը... վիրահատությունը դրանց մեջ չի մտնում, կարելի է վիրահատվել, ամբողջությամբ կարելի է վիրահատվել: Եթե երկիրը որոշել է, որ այդպիսի թեկնածու է առաջադրելու, իրենք դեմ չեն, սակայն «Միսս աշխարհն» էլ, «Միսս տիեզերքն» էլ պահանջում են մանկության լուսանկարներ, եւ իհարկե գնահատվում է բնական գեղեցկությունը»,- ասաց նա:

Վերջին տարիներին Հայաստանում շատանում են գեղեցկության մրցույթները: Այդ պատճառով Գոհար Հարությունյանը ցանկանում է պարզաբանել, թե որն է իր ու մյուսների մրցույթների տարբերությունը: Ընդգծում է, որ միայն իրենք ունեն միջազգային հեղինակավոր 2 իրադարձություններին մասնակից ուղարկելու իրավունք:

«Աշխարհում ընդունված ամենակարեւոր մրցույթներին՝ «Միսս աշխարհին» ու «Միսս տիեզերքին», թեկնածու առաջադրելու բացառիկ իրավունքը պատկանում է «Միսս Արմենիա համահայկական մշակութային հիմնադրամին»,- ասում է նա:

Միջազգային մրցույթների համար շատ կարեւոր է ոլորտի մասսայականացումը: Նրանք հատուկ միջոցներ են ձեռնարկում դրան նպաստելու համար, ու դա հատկապես անում են այն երկրներում, որտեղ դրանք վարկանիշ չունեն: Օրինակ, «Միսս տիեզերքն» այս տարի գրանտ է տրամադրել, որպեսզի հայաստանյան մրցույթի ֆինալիստներն ԱՄՆ Վիրջինիա նահանգի Հոլինս համալսարանում անվճար ուսման հնարավորություն ստանան:

«1 մլն 300 հազար դոլարի գրանտ է»,- տեղեկացրեց Գոհար Հարությունյանը:

«Միսս Արմենիա» հիմնադրամն էլ իր հերթին է միջոցներ ձեռնարկում այդ ուղղությամբ: Ինչպես Գոհարը տեղեկացրեց, այս տարի ՀՀ-ն ներկայացուցիչ է ունենալու նաեւ «Միստր աշխարհ» մրցույթում: Մասնակցելու է Գրիգոր Վարդանյանը, որը բժիշկ է՝ արյունաբան, բուժում է լեյկոզ ունեցող երեխաներին:

Հայաստանյան գեղեցկության մրցույթների ընձեռնած հանրավորություններից խոսեց 2018 թ. «Միսս աշխարհ Արմենաիայի» հաղթող Արենա Զեյնալյանը, որը ՀՀ-ն «Միսս աշխարհ 2018»-ում ներկայացնելու իրավունք էր ստացել: Արենան Իրանից է: Նա պատմեց, որ ընդամենը 2 ամսով էր եկել Հայաստան, սակայն մոտ 1 տարի է՝ մնացել է: Նախաձեռնել է զարդերի իր բիզնեսը, շարունակում է զբաղվել մոդելինգով: Կարեւորում է, որ մրցույթի շնորհիվ կարողացել է բարեգորխական միջոցառումերի մասնակցել: Շեշտում է, որ իր համար առաջնային է փորձառությունը եւ այն, որ ընկերներ է ձեռք բերել:

«Միայն հաղթանակով չէ, այդ ճանապարհը, որ մարդն անցնում է, ընկերները, որ գտնում է, շրջապատը շատ կարեւոր են: Ինձ համար շատ կարեւոր էր մասնակցությունը եւ այդ քաջությունը, որը գտա ու մասնակցեցի: Հայաստանում չէի ապրում, շատ դժվար ճանապարհ եմ անցել, մինչեւ հասել եմ այստեղ: Մրցույթից 2 ամիս առաջ կորցրել եմ իմ հայրիկին, բայց քաջ գտնվեցի եւ մասնացեցի: Շատ շնորհակալ եմ հիմնադրամին: «Միսս աշխարհին» մասնակցելը շատ հետաքրքիր էր, ինչ երկրից խոսք է լինում, այնտեղ ունեմ ընկերուհի, եւ դա մեծ ձեռքբերում է, շատ թանկ արժե, նման առիթ չեք կարող ուրիշ տեղում գտնել»,- ասաց նա՝ աղջիկներին խորհուրդ տալով համարձակ լինել ու մասնակցել:

Մրցույթներին մասնակցելու հայտեր ներկայացնելու ժամանակ դեռ կա: Դրանք ընդունվում են մինչեւ հունիսի 15-ը:

Տպել
613 դիտում

Մալաթիայում տեղի ունեցած հրդեհի հետևանքով ևս 1 տուժած տեղափոխվում է «Աստղիկ» Բ/Կ

«Մալաթիա մոլ»-ի հրդեհը դեռ չի մարվել. նախնական վարկածով՝ կրակը բռնկվել է «ՎԵԳԱ»-ի պահեստում

Մալաթիայի հրդեհի հետեւանքով տուժած քաղաքացիները ծխահարվել են, 6 անձ է տուժել. ԱՆ խոսնակ

Մալաթիայի խոշոր հրդեհի հետևանքով 4 անձ տեղափոխվել է «Աստղիկ» Բ/Կ, 2-ը՝ Ճառագայթային բժշկության կենտրոն

Խոշոր հրդեհ «Մալաթիա մոլ»-ի շենքում. բարձրացվել է բարդության «Թիվ 3» կանչ, կան տուժածներ (տեսանյութ). ԹԱՐՄԱՑՎՈՂ

Շոգ, առանց տեղումների եղանակը կպահպանվի առաջիկա օրերին. եղանակն այս շաբաթ

ՃՏՊ Կրասնոդարի երկրամասի Ռ-217 ավտոճանապարհին. զոհերն ու տուժածները հայեր են (լուսանկարներ)

Դատարկ ապարների լցակույտի տարածքի ուսումնասիրությունները ոչ լիարժեք են. Ամուլսարում ուրանի և թորիումի առկայության մասին

Երևանում և Ագարակ գյուղում փրկարարները բռնել են 1 շահմար, 1 սահնօձ և 1 գյուրզա

«ԳեոՊրոՄայնինգ» ընկերությունը աջակցեց մանկական քաղցկեղի կենտրոնին (լուսանկարներ, տեսանյութ)

Ստեփանակերտում 16-ամյա երեխայի նկատմամբ բռնության դեպքը կանխվել է

Արցախում՝ Ամարասի դաշտում, տղամարդու դի է հայտնաբերվել. հավանաբար մահացել է ցուլի հարվածից

Ստեփանակերտի ջրամատակարարման խնդիրը լուծման փուլում է. Բակո Սահակյանը ծանոթացել է աշխատանքներին

Սասունիկ-Էջմիածին ճանապարհին «ԶԻԼ»-ը դուրս է եկել ճանապարհից ու կողաշրջվել

Երևանում 2 երիտասարդի վեճն ավարտվել է դանակահարությամբ ու կրակոցներով. կան տուժածներ

ՌԴ-ում ՀՀ դեսպանությունը մանրամասներ է ներկայացրել Կրասնոդարի երկրամասում հայերի մասնակցությամբ վթարի մասին

ԱՄՆ վարչակազմը որոշել է վերականգնել արտաքին օգնության ծրագրերը, այդ թվում` ՀՀ-ի համար օժանդակությունը

Կառավարությունը շուրջ 11 միլիարդ դրամի հարկային արտոնություն է տրամադրել 3 ընկերությունների

Մենք ի զորու ենք նոր որակ հաղորդել. Փաշինյանը շնորհավորել է Զելիսնկիին՝ Ուկրաինայի Անկախության օրվա առթիվ

Շուտով կառավարության օրակարգում կլինի հանրաքվեի ինստիտուտը, որով հնարավոր կլինի 50+1 քվեարկությամբ ազատել համայնքապետին