Անցումային արդարադատությունը մարդկանց անցումներում դատելը չէ․ Սուրեն Սահակյան

Անցումային արդարադատությունը մարդկանց անցումներում դատելը չէ, ինչպես փորձում են ներկայացնել նախկին քաղաքական համակարգի որոշ ներկայացուցիչներ։ Այս մասին այսօր ԱԺ-ում անցումային արդարադատության վերաբերյալ լսումների ժամանակ ասաց «Քաղաքացու որոշում» սոցիալ-դեմակրատական կուսակցության գործադիր մարմնի քարտուղար Սուրեն Սահակյանը։ Նրա խոսքով՝ այն համերաշխության, համակարգային փոփոխությունների մասին է․

«Որպես համակարգային այդպիսի մեծ փոփոխությունների մաս եմ տեսնում քաղաքական համակարգի փոփոխությունը։ Եվ որպես դրա գործիքներից մեկը՝ կուսակցությունների մասին օրենքը։ Շատ քիչ բացառություններով, կուսակցությունները հանդիսացել են առաջնորդի շահերը սպասարկող կառույցներ, իսկ կուսակցականները՝ առաջնորդի հաջողության դեպքում իրենց նեղ անձնական ու տնտեսական հարցերը կարգավորելու խնդրի շուրջ միավորված քաղաքացիների խմբեր»,- ասաց նա։

Սուրեն Սահակյանը նշեց, որ այսպիսի խմբերում գաղափարախոսություններն անցել են երկրորդ պլան, կուսակցության ընտրության չափորոշիչ է դարձել դրանում ներկայացված անհատների քանակը, տնտեսության վրա ունեցած լծակներն ու դրանց ազդեցության աստիճանը․

«Այսպիսի կուսակցությունները համալրվում էին որեւէ գաղափարախոսության ու կուսակցական ծրագրերի հետ ոչ մի առնչություն չունեցող անսկզբունք անհատներով։ Արդյոք այսպիսի արժեքներով առաջնորդվող կուսակցությունները կարո՞ղ են առողջ քաղաքական համակարգ ստեղծել։ Ընտրությունների վստահելի մեխանիզմների բացակայությամբ պայմանավորված՝ քաղաքականությունը դադարել է լինել քաղաքացիների կյանքն ավելի երջանիկ դարձնելու, տնտեսական ու սոցիալական զարգացմանն ուղղված գործունեություն, այլ վերածվել է տնտեսական կլանների համար քաղաքական տանիքների ստեղծման եւ դրանց միջեւ պատերազմների այնպիսի միջավայրի, որտեղ կարելի էր մտնել միայն հատուկ համազգեստով, որպեսզի մինչեւ հոգուդ խորքը չաղտոտվես»,- հավելեց Սուրեն Սահակյանը։

Նրա խոսքով՝ ժողովրդավարության բացակայությունը, ֆինանսավորման աղբյուների գաղտնիության պահպանման հնարավորությունները, որոշումների կայացման գաղտնի բնույթը, ստեղծել են պայմաններ, երբ կուսակցությունները կորցրել են իրենց սոցիալական գործառույթը։ Քաղաքականություն ու քաղաքական գործիչ տերմինները դարձել են ինքնին դատապարտելի երեւույթներ․

«Գործող բարքերը, քաղաքական մտածողության այս աստիճանը կարող են ցանկացած հանրության բարոյապես քայքայել, նրան գցել հուսահատության գիրկը։ Մենք պետք է փոխենք իրերի այս դրությունը։ Այն ոչ միայն քաղաքական ու օրենսդրական փոփոխություններ է ենթադրում, այլ նաեւ հանրային նոր հարաբերություններ, ժողովրդավարական արժեքների ու ավանդույթների սերմանում, քաղաքական մտքի վերափոխում։ Մենք հաստատակամ ենք այլկերպ ապրել եւ այս հարցում եւս համերաշխության պետք է հասնենք»,- նշեց նա՝ հավելելով, որ կուսակցությունները պետք է դառնան ավելի ժողովրդավար, որոշումների կայացման առումով ավելի թափանցիկ, կանխատեսելի, ավելի գաղափարական։ Իսկ քաղաքականություն պետք է հնարավոր լինի մտնել սպիտակ ձեռնոցներով՝ առանց դրանք կեղտոտելու համար վախի։

Տպել
3391 դիտում

«Հայամերիկյան» օպտիկական խաբկանք. անվճար վճարովի ակնոցներ

Արագած լեռան վրա արջի հարձակումից տուժած Լեհաստանի քաղաքացին մահացել է

Վարչապետն ընտանիքի հետ ներկա է գտնվել Սեւանի թերակղզում կազմակերպված ձկան փառատոնի բացմանը (լուսանկարներ)

Փաշինյանն ընդդեմ նախկինների. հաշիվն այսօր 10:3 է՝ հօգուտ Փաշինյանի․ Կարեն Անդրեասյան

ԱԺ նախագահն ընդունել է Ֆրանսիա-Հայաստան բարեկամական խմբի փոխնախագահի գլխավորած պատվիրակությանը

Երեւանում Ջերմուկի բնակիչների հետ համատեղ քայլերթ է իրականացվելու՝ ընդդեմ Ամուլսարի հանքի շահագործման

Թրամփը հայտնել է, որ ամերիկացի ուժայինները ոչնչացրել են «Ալ-Քաիդայի» հիմնադիր Բեն Լադենի որդուն

Սփյուռքի գլխավոր հանձնակատարը հանդիպել է «Էրմիտաժ» թանգարանի տնօրենի հետ

«Սեքյուրիթի դրիմ» ընկերության հիմնադիրը գրավի դիմաց ազատ է արձակվել

Արագած լեռան վրա Լեհաստանի Հանրապետության երկու քաղաքացի ենթարկվել է արջի հարձակման

ՀՀ ԱԳ նախարար Զոհրաբ Մնացականյանն ընդունել է Ֆրանսիայի Ազգային Ժողովի պատգամավորներին

Հենրիկ Նավասարդյանն ազատվել է Երեւանի քաղաքապետարանի տրանսպորտի վարչության պետի պաշտոնից

Մեր ժառանգությունը չի ճանաչում ժամանակային սահմաններ. ՀՀ ԱԳ նախարար

Նախարարությունը մշակել է ծայրահեղ աղքատ ընտանիքներին աջակցող որոշման նախագիծ

Բելգիայի փոխվարչապետ, արտաքին գործերի նախարար Դիդյե Ռեյնդերսը կասկածվում է կոռուպցիայի համար

Սեւանի զարգացման հետաքրքիր եւ լուրջ նախագծեր կան. Նիկոլ Փաշինյանը մասնակցում է Eco fish fest-ին՝ ձկան փառատոնին

Իջեւանում նախարար Սուրեն Պապիկյանը ներկայացրել է համայնքի ղեկավարի պաշտոնակատարին

Շուշիում «Օպել»-ի վարորդը վրաերթի է ենթարկել 6-ամյա երեխայի

Ի՞նչ պետք է իմանա ֆիզիկական անձը ԵԱՏՄ անդամ չհանդիսացող երկրից ավտոմեքենա ներկրելիս (տեսանյութ)

Անցնող շաբաթ ադրբեջանական կողմը հայ դիրքապահների ուղղությամբ արձակել է շուրջ 650 կրակոց