Ես խնդրել եմ մարդկանց՝ իրենց անհատական առողջական խնդիրների հարցով դիմել առողջապահության նախարարություն. Հակոբյան

27/05/2019 schedule14:25

Եկեք սպասենք իրադարձությունների զարգացմանը, եկեք տեսնենք, թե հիմնադրամին նվիրատվություն արած տարբեր մարդիկ տարբեր իրավիճակներում ինչ կստանան, ինչից կազատվեն, ինչից չեն ազատվի: Այս մասին այսօր կայացած ասուլիսում ասաց «Իմ քայլը» եւ «Ժպիտների քաղաք» հիմնադրամների հոգաբարձուների խորհրդի նախագահ, ՀՀ վարչապետի տիկին Աննա Հակոբյանը՝ անդրադառնալով հարցին, թե նշվում է, որ օլիգարխները անցյալում կամ ապագայի գործած մեղքերի թողության համար են այդ գումարները տալիս, ինչպե՞ս եղավ, որ նրանք որոշեցին նվիրատվություն անել: Լրագրողը հետաքրքրվեց նաեւ՝ վերջերս ֆեյսբուքում լուսանկար տեղադրվեց, որտեղ դիմել են հիմնադրամին՝ օգնելու համար եւ պաշտոնական պատասխան է ստացվել, որ չեն կարող օգնել եւ թող դիմեն «Ծառուկյան» հիմնադրամին:

«Չեմ ուզում համոզել որեւէ մեկին, ուղղակի ասում եմ՝ եթե խոսքը արժեք ունի, եթե վստահության որեւէ նշույլ կա, ասում եմ, որ ձեր ասածը իրականության հետ որեւէ կապ չի կարող ունենալ, երբեւէ չի եղել եւ չի կարող լինել նման բան: Չեմ ուզում այդ կարգի խոսակցության մեջ մտնել, որովհետեւ դա մեր անելիքը չէ: Մենք ասում ենք՝ մենք անում ենք այս աշխատանքը, բաց ենք բոլորի առաջ: Մենք չենք ուզում ինչ-որ մարդկանց ասել՝ գիտեք, դուք ինչ-որ մեկի ճաշակին կամ քիմքին այդքան էլ հաճելի չեք, դրա համար դուք նվիրատվություն մի արեք, մեր գործեք, մի նպաստեք: Մենք բոլորին ենք կոչ անում նվիրատվություն անել: Այդպիսի քննարկումների եւ տարանջատման մեջ, թե ումից ենք ուզում, պարզ չի, որ մենք բոլորից ենք ուզում նվիրատվություն, բոլորին ենք ձեռք մեկնում համագործակցության: Որովհետեւ հավատում ենք մեր ծրագրերին, հավանում ենք մեր ծրագրերը, գտնում ենք, որ այն, ինչ անում ենք, անում ենք ի նպաստ մարդկանց, ի նպաստ Հայաստանի եւ դրա համար մեզ համար ընտրություն չկա նվիրատուների միջեւ: Քանի որ մենք վստահ ենք նրանում, ինչում դուք դեռ վստահ չեք, բայց կվստահանաք անխոս՝ շատ կարճ ժամանակ անց:

Ինչ վերաբերվում է այդ դիմումներին, այո, լինում է, բայց ես նախորդ ասուլիսի ժամանակ հայտարարել եմ, խնդրել եմ մարդկանց՝ առանձին առողջական խնդիրներով հիմնադրամին չդիմել: Ես ներողություն եմ խնդրել, նորից եմ ներողություն խնդրում, որ մենք չենք կարողանում այդ առանձին դիմումները հասցեագրել եւ արձագանքել այդ դիմումներին, որովհետեւ դրանք շատ մեծ թիվ են կազմում, շատ մեծ ռեսուրս են պահանջում: Մենք չենք հոգում առանձին առողջական խնդիրներ եւ չենք հոգում նույնիսկ «Ժպիտների քաղաք» հիմնադրամի շրջանակներում առանձին հիվանդ մարդկանց արտասահման տանելու եւ բուժվելու գումարի ծախսը: Որովհետեւ, եթե մենք դա անենք, էլ ուրիշ որեւէ բանով չենք զբաղվի. այդքան շատ դիմում ենք ստանում եւ այդքան մեծ գումար է: 1 հիվանդ երեխային արտասահման տանելը եւ բուժումը կարող է լինել մինչեւ 400 հազար դոլար, 150 հազար դոլար, 50 հազար դոլար: Շատ մեծ գումարներ են, ինչով մենք այստեղ 150 հոգու կարող ենք օգնել բուժվել: Այսինքն, մենք ծանր ընտրության առաջ ենք կանգնած, բայց ըստ էության ընտրություն էլ չունենք: Երբ մեր միջոցներն այնքան մեծ կլինեն, որ մեր անելիքները անելուց դուրս հավելյալ բյուջե կունենանք, կսկսենք նաեւ մարդկանց այդ ճանապարհով օգնել, բայց առայժմ չենք կարող: Եւ նման դիմումները մերժելու պատճառը դա է: Ես խնդրել եմ մարդկանց՝ իրենց անհատական առողջական խնդիրների հարցով դիմել առողջապահության նախարարություն: Ինչու ենք մենք տվյալ պարագայում այդ մասնավոր դեպքում ուղղորդել դեպի «Ծառուկյան» հիմնադրամ, որովհետեւ մենք առաջին օրից ասել ենք, որ մեր հիմնադրամը ոչ միայն իր եւ շահառուի հարաբերություններ է սահմանել, մենք փորձում ենք դառնալ կամուրջ տարբեր կազմակերպությունների եւ տարբեր հնարավորությունների ու այդ ռեսուրսի կարիքն ունեցողների միջեւ: Ոչ միայն այս դեպքում, մենք շատ ժամանակ ունենում ենք կրթաթոշակի դիմում: Ինչքան կարողանում ենք, մենք ենք արձագանքում, ինչքան չենք կարողանում... որեւէ մեկին պարզապես չենք մերժում: Առնվազն ցույց ենք տալիս այն ճանապարհները, որոնք իրենց կարող են օգնել ստանալ այդ գումարը:

Ունենք այդպիսի հիմնադրամների բազա, մեր ավելի հեռահար նպատակն է՝ հիմնադրամների քարտեզ ունենալը, որպեսզի մարդիկ ուղղակի կապ ունենան իրար հետ, հիմնադրամներն իրար մեջ իմանան՝ ով, որտեղ ինչ է անում, շահառուներն իմանան՝ ում ինչի համար դիմեն: Այդ դաշտը շատ մեծ է եւ կապ չունեն իրար հետ, բայց փորձում ենք մենք դա անել: Առայժմ էլեկտրոնային պլատֆորմ չենք ստեղծել՝ դա ժամանակ կխլի, բայց մենք մեր ռեսուրսը օգտագործում ենք եւ կարողանում ենք կապ հանդիսանալ ու մարդկանց ուղղորդել տարբեր հարցերով»,- ասաց Հակոբյանը:

Տպել
412 դիտում

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

Ամուլսարի շահագործմանը փայլուն եմ վերաբերվում. Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին

Հայաստանի ազատ ոճի ըմբիշները ձեռնունայն կվերադառնան Աշխարհի առաջնությունից

Ադրբեջանում գտնվող Ղազարյանները պետք է վերադարձվեն Հայաստանին. Զոհրաբ Մնացականյան

Ծանրամարտի Աշխարհի առաջնություն. Իզաբելա Յայլյանը 6-րդն է B խմբում

Վարչապետը շնորհավորական ուղերձ է հղել Մալթայի վարչապետին Անկախության օրվա կապակցությամբ

Գյումրիում տոնը շարունակվում է (լուսանկարներ)

ՀՀ վարչապետի գլխավորած պատվիրակությունը Գյումրիից մեկնել է ԱՄՆ

Ամենօրյա պայքար հանուն անկախության

Իմ դեմ կեղծ ցուցմունք են տվել. Վայոց ձորի մարզպետը՝ իր օգնականի մասնակցությամբ միջադեպի մասին

Քաջարան-Մեղրի ավտոճանապարհին մառախուղ է՝ տեսանելիությունը 1-2 մետր

Միայն հարգանքից ելնելով է առաջարկվել Վանեցյանի եւ Օսիպյանի ազատումը ձևակերպել հրաժարականի դիմումներով. ԱԺ նախագահ

«Մուլտի Գրուպ» կոնցեռնի տնօրենին մեղադրանք է առաջադրվել նաև առանձնապես խոշոր չափի փողերի լվացման համար. ՔԿ

Մենք ունենք 2 պետություն, բայց 1 հայրենիք եւ մեր նպատակը 1 պետություն, 1 հայրենիք ունենալն է. Դավիթ Բաբայան

Հայաստան է ժամանել Բելառուսի Զինված ուժերի գլխավոր շտաբի պետը

Ես Արցախ եմ հրավիրելու այս բոլոր մրցանակակիրներին և նորից մեծարելու եմ նրանց. Բակո Սահակյան