Արցախի Բերձոր համայնքում կհիմնադրվի գյուղատնտեսական քոլեջ

Արցախի Հանրապետության կառավարության և ամերիկահայ բարերար Անուշավան Աբրահամյանի անվան կրթական հիմնադրամի միջև կնքվել է փոխըմբռնման հուշագիր, համաձայն որի՝ հիմնադրամը  Քաշաթաղի շրջանի Բերձոր համայնքում կհիմնադրի ժամանակակից նյութատեխնիկական բազայով հագեցած գյուղատնտեսական քոլեջ:

Հուշագիրը  ստորագրել են Արցախի Հանրապետության  կրթության, գիտության  և  սպորտի  նախարար  Նարինե  Աղաբալյանը  և  կրթական հիմնադրամի նախագահ, բարերար Անուշավան Աբրահամյանը: Համագործակցությունն իրագործվել է ՀՀ ԿԳ նախարարության աջակցությամբ: Նորաստեղծ քոլեջի շենքը տրամադրել է Քաշաթաղի վարչական շրջանը, իսկ վերանորոգումը, կահավարումն ու ժամանակակից ուսումնական և մասնագիտական լաբորատորիաներով հագեցումը կատարվելու է հիմնադրամի կողմից: Քոլեջում կներդրվի գյուղատնտեսական մինչև 8 մասնագիտություն,  կստեղծվի մինչև 50 աշխատատեղեր: Բացումը նախատեսվում է 2020 թվականին:

Կարևորելով հուշագիրը` ԱՀ ԿԳՍ նախարար Նարինե  Աղաբալյանը նշել է, որ  միջին որակավորմամբ մասնագետ- արհեստավորները պահանջված են Արցախի աշխատաշուկայում և ներդրվող մասնագիտությունների ընտրությունը կատարվել է` հաշվի առնելով գործատուների և աշխատաշուկայի առաջնահերթությունները. «Ստեղծելով նման  կրթական հաստատություն և  պատրաստելով  համապատասխան   մասնագետներ՝  մենք  կսկսենք  ավելի  արդյունավետ   օգտագործել   մեր  ունեցած  ռեսուրսները, որոնք  կնպաստեն  մեր երկրի  զարգացմանը:  Այս  ծրագիրը  մենք  կիրականացնենք   ՀՀ  կրթության  և  գիտության  ու  ԱՀ  գյուղատնտեսության  նախարարությունների  հետ  համագործակցությամբ»,-մասնավորապես  ասել է  Ն. Աղաբալյանը:

Բարերար Անուշավան Աբրահամյանը նշել է, որ հիմնադրամը  կրթական   ծրագրեր է իրականացնում հատկապես   միջին  մասնագիտական   և արհեստագործական  ուսումնական  հաստատություններում` նպատակ ունենալով աջակցել մարզերում ապրող   երիտասարդներին` մասնագիտություն և աշխատանք ունենալու հարցում :

«Հայաստանի  9  մարզերում  բացել ենք  արհեստագործական  ուսումնարաններ, որտեղ  ուսուցանվում են  վարսավիրական,   հասարակական  սնունդ  և  սապասարկում,  կար ու  ձև,  դիզայն, փայտամշակում,  շինարարական  հարդարման աշխատանքներ, համակարգիչների  վերանորոգում,  ռոբոտաշինություն,    ծրագրավորում, գինեգործություն, ոսկերչություն    և  այլն: Խորհրդակցելով  ԱՀ  ԿԳՍ  նախարարության    ներկայացուցիչների  հետ,  մենք՝  հիմնադրամի   ներկայացուցիչներս,  նկատել  ենք,  որ    Արցախում  գյուղատնտեսական մեծ  հնարավորություններ  կան, սակայն  մասնագետները  քիչ  են: Այդ պատճառով   որոշել  ենք  Բերձորում  ստեղծել  գյուղատնտեսական   քոլեջ, որտեղ կպատրաստվեն  անհրաժեշտ  մասնագետներ»,- իր խոսքում նշել է Ա. Աբրահամյանը՝    ընդգծելով, որ   իրենց  նպատակն  է`  մշտապես   օժանդակել  կրթական հաստատություններին  և  պայմանը` առանց  հիմնադրամի  թույլտվության   ուսումնական հաստատությունները  չօգտագործել   այլ  նպատակներով:

ՀՀ  կրթության և գիտության  նախարարության    նախնական  (արհեստագործական)   և   միջին  մասնագիտական   կրթության   վարչության   պետ  Արտակ  Աղբալյանի խոսքով` Բերձորում  գյուղատնտեսական  քոլեջ    հիմնելու  ծրագիրը   Արցախի  և  Հայաստանի  կրթական համագործակցության  հերթական գործնական արդյունքն է. «ՀՀ ԿԳՆ  կտրամադրի ներդրվող    մասնագիտությունների   բոլոր չափորոշիչները, ձեռնարկները, դասագրքերը: Կկազմակերպի դասախոսների վերապատրաստում, ինչպես նաև   ուսումնական ծրագրում կներդնենք  ձեռնարկատիրական մոդուլը, որը  մեր ծրագրային նորություններից է և  Հայաստանում  արդեն երկրորդ տարին է,   ինչ    իրականացվում  է: Այն  նպատակ   ունի   շրջանավարտներին  տալ ոչ  միայն  տեսական  և գործնական  գիտելիքներ, այլև  ձեռնարկատիրական հմտություններ»,-մասնավորապես  նշել է  Ա.  Աղբալյանը:

Հավելենք,  որ «Անուշավան Աբրահամյան» կրթական հիմնադրամը 2006 թվականից Հայաստանի  մարզերում միջին մասնագիտական կրթության ոլորտում բերագործական նպատակով ներդրումային ծրագրեր է իրականացնում:

Արցախում հիմնադրված քոլեջը «Անուշավան Աբրահամյան» կրթական հիմնադրամի կողմից հովանավորյալ տասներորդ միջին մասնագիտական կրթական հաստատությունն է : Տեղեկացնենք, որ բարերար Անուշավան Աբրահամյանին ընդունել է նաև Արցախի նախագահ Բակո Սահակյանը:

Տպել
306 դիտում

Նախկիններն իրականում շատ կեղտոտ ծուղակ հյուսեցին Սահմանադրության մեջ, հանգուցալուծումն ԱԺ տիրույթում է․ Ս․ Սաֆարյան

Դատական դեպարտամենտի ղեկավարն ինքն է ներկայացրել հաղորդում հանցագործության մասին. ԲԴԽ

Չեմ բացառում, որ կոալիցիոն կառավարություն ստեղծվի. Վրաստանի վարչապետ

Վենետիկի հանձնաժողովն անդրադարձել է ՀՀ Սահմանադրական դատարանի հետ կապված զարգացումներին

Բռնցքամարտիկ Բարեղամ Հարությունյանը դուրս եկավ ԵԽ 1/4 եզրափակիչ՝ հաղթելով բելառուսցի մրցակցին

Մինսկ-2019․ Գ. Հովհաննիսյանը հաղթեց թուրք բռնցքամարտիկին և դուրս եկավ 1/4 եզրափակիչ (լուսանկարներ)

Թուրքիայի ղեկավարությունը շարունակում է բացահայտորեն արհամարհել միջազգային հանրային կարծիքը. Մնացականյանը՝ ՄԱԿ-ում

Հայ զինվորի ու հրամանատարի ծառայությունն ու պայքարը իրենց զավակների, հայրենիքի ապահով և խաղաղ կյանքն է. կաթողիկոս

Երևանում հայ-վրացական միջկառավարական հանձնաժողովի նիստ կանցկացվի

Քննարկվել են Հայաստանի ու Վիետնամի միջեւ համագործակցության հեռանկարները

Գորիսում եւ Կապանում ցուցադրվել են սպառազինության և զինվորական տեխնիկայի նմուշներ

Մենք չենք կարող թույլ տալ Իրանին միջուկային զենք ունենալ. Թրամփ

Թբիլիսիում քամու հետևանքով երկաթյա կոնստրուկցիան ընկել է զբոսաշրջիկների վրա. կա 1 զոհ, 2 վիրավոր

Փրկարարները քաղաքացուն դուրս են բերել գետից եւ մոտեցրել շտապօգնության ավտոմեքենային

Ուժեղացված ծառայություն Շիրակում․ բաժիններ է բերվել 129 անձ, այդ թվում՝ «օրենքով գող». (տեսանյութ)

Ֆրանսիայի Շավիլ քաղաքում Շառլ Ազնավուրի անվան հրապարակ է բացվել

Ովքեր են պայքարում անկախ դատարանների դեմ եւ ինչու է դիմադրությունը կատաղի

ԵԽԽՎ-ում քննարկում են ՌԴ-ի ձայնի իրավունքի վերականգնումը. Վրաստանը, Ուկրաինան, Բրիտանիան ծայրահեղ քայլերի են պատրաստ

Նկարիչ Հենրիկ Ոսկանյանի անունով փողոց Երեւանում չի լինի. ավագանին մերժեց նախագիծը

Կանաչապատման աշխատանքների ընթացքը գոհացուցիչ չէ. Հայկ Մարության