Շատ վատ է, եթե մարդը տեսախցիկի մեջ կա, երկու օր չենք կարողանում հայտնաբերել. վարչապետը զայրացավ

Կառավարության այսօրվա նիստում անդրադարձ եղավ Մյասնիկյանի արձանին։

ՀՀ արտակարգ իրավիճակների նախարար Ֆելիքս Ցոլակյանն ասաց, որ սալիկների հետ կապված խնդիր կա, ԱԻՆ-ի աշխատակիցները գնացել, ուսումնասիրել են։

«Դա պատկանում է Մշակույթի նախարարությանը, նախարարության հետ կապվեցինք, ասեցինք, որ եթե մեր աշխատողները բարձրանան թափեն, արճիճով է ամրացված, ամբողջությամբ կթափվի»,- ասաց նախարարը։ Ցոլակյանի խոսքով՝ պետք է ուսումնասիրություն կատարվի ու հարցը լուծվի։

«Հայտնի այգու բացման օրը, երբ շրջայցի էինք, Վարդանյան եղբայրներն ինձ տեղեկացրին, որ իրենք առաջարկել են այգու հետ նաեւ այդ արձանը նորոգեն, բայց ասվել է, որ դա մշակութային արժեք է, ես էլ ասացի՝ մշակութային արժեք է, թողեք հանգիստ քանդվի, պետք չէ նորոգել, հանկարծ չկպնեք, մենք արդեն սովոր ենք, որ մշակութային արժեքը պետք է ավերակ լինի»,- նշեց ՀՀ վարչապետ Նիկոլ Փաշինյանը:

Վարչապետի խոսքով, երբ տեսել է, որ քարեր են կախված, ասել է, որ տեսականորեն վտանգ կա, պետք է ինչ-որ քայլեր ձեռնարկել։

«Դրանից հետո ես անցնում եմ ու ինչ եմ տեսնում, տեսնում եմ, որ բերել են էդ արձանը ժապավենով փաթաթել են, ընդ որում, էն հայտնի շաբաթօրյակի օրը, երբ Սոս Սարգսյանի թատրոնը պիտի բացվեր, ես այդ օրը Երեւանի քաղաքապետին ու մյուս պատասխանատուներին ասացի, որ ճանապարհը, օրինակ, փակում են, ինչ-որ բան են կապում, ինչո՞ւ պետք է էդ փակելը արվի 73 թվի արտադրած ցելոֆանի ժամապենով՝ 25 տեղից կապած»,- ասաց վարչապետը:

Նրա խոսքով՝ պետք է ժապավենը հանվի ու ամեն ինչ արվի պատշաճ. «Չի կարելի գնալ աղբանոցից հանել օգտագործած ժապավեն, բերել փաթաթել։ Էսօր էլ իմացա, որ էդ այգում արդեն ջարդուփշուրի պրոցես է սկսվել, ի՞նչ է տեղի ունենում, պարոն Մովսիսյան»,- դիմելով փոխոստիկանապետ Վարդան Մովսիսյանին՝ ասաց վարչապետը։

Մովսիսյանն ասաց, թե տեղյակ չեն՝ ով է կապել ժապավենը, բայց աշխատանք են իրականացնում՝ պարզելու, թե ջարդողն ով է եղել:

«Տեսախցիկներ կան, չէ՞»,- հետաքրքրվեց վարչապետը։ Ի պատասխան Մովսիսյանն ասաց. «Համացանցում կա, անձը երեւում է»:

«Մինչեւ հիմա հայտնաբերված չէ՞»,- հարցրեց վարչապետը: Փոխոստիկանապետը բացասական պատասխան տվեց:

Վարչապետի հարցին, թե քանի՞ օր է անցել, Մովսիսյանը պատասխանեց՝ 2 օր:

«Շատ վատ է, եթե մարդը տեսախցիկի մեջ կա, երկու օր չենք կարողանում հայտնաբերել, բա որ տեսախցիկի մեջ չլիներ, քանի՞ օր չենք կարա հայտնաբերենք»,- զայրացավ վարչապետը՝ հրահանգելով՝ արագ հայտնաբերել։

Անդրադառնալով դարձյալ ժապավենին՝ վարչապետն ասաց.

«Էդ ժապավենը, ամոթ ա, էդ այգին Երեւանի նորաբաց ժամանակակից այգին է, ու մարդը գալիս, տեսնում է՝ ժապավենով փաթաթած արձանը դիմացը, ես չեմ հասկանում, էդ մարդիկ քթածակ չունե՞ն»:

Վարչապետը կոչ արեց հարցը լուծել. «Ինձ համար տարբերություն չկա՝ ով է, լուծեք էդ հարցը»:

Տպել
8806 դիտում

Ջաջուռ գյուղում այրվել է մոտ 40 հա խոտածածկույթ, գյուղի 13 բնակիչ մասնակցել է հրդեհաշիջման աշխատանքներին

Անբարոյականությունը՝ քաղաքական պայքարի անվան տակ

Ֆրանսիան ու Գերմանիան առաջարկում են Թեհրանի միջուկային գործարքի շուրջ նոր բանակցություններ սկսել

Զորամասերից մեկի մարտավարական դաշտում անցկացվել է մարտական պատրաստության պարապմունք

«Airbus» ընկերության ներկայացուցիչները Հայաստանում կծանոթանան համագործակցության հնարավորություններին

Սպանված ոստիկան Տիգրան Առաքելյանի հոգեհանգիստը տեղի կունենա վաղը՝ Ոստիկանության ակադեմիայում

Դատական գործընթաց ենք սկսում՝ ատենախոսությանս շուրջ ստեղծված կեղծ աղմուկի եւ մեղադրանքների համար. Հայրապետյան

Շարունակվում են գերատեսչությունների բյուջետային հատկացումների հայտերի ուղղությամբ քննարկումները

Գնահատման կեղծ եզրակացությամբ պետական սեփականության գույքը մի քանի անգամ ցածր գնով օտարելու դեպքով քրգործ է հարուցվել

«Բարեփոխելով աշխարհը» կինոյի և հաղորդումների փառատոնի հատուկ մրցանակը շնորհվել է Արմեն Սարգսյանին

Վարչապետն ընդունել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցչին

ԱԳ նախարար Զոհրաբ Մնացականյանը հանդիպել է ԵՄ հատուկ ներկայացուցիչ Տոյվո Կլաարի հետ

Հայոց լեզու, գրականություն և պատմություն առարկաների դասավանդումը բուհերում այլևս պարտադիր չի՞ լինի. ԿԳՄՍ-ն պարզաբանում է

Թուրքիան խոստանում է պատասխանել Թրամփի պատժամիջոցներին, ԱՄՆ-ը նշում՝ չեն ցանկանում փչացնել հարաբերությունները

Արմեն Գրիգորյանը ընդունել է Արցախի արտաքին գործերի նախարար Մասիս Մայիլյանին

Հայաստանը Ռուսաստանում գրանցել է ապրանքների ներմուծման ռեկերդային՝ 22% ցուցանիշ

Շուտով Երեւանից Միլան հնարավոր կլինի մեկնել 28 եվրոյով, Երեւանից Բեռլին՝ 40 եվրո 99 ցենտով. տոմսերն արդեն վաճառքում են

ՀՀ ոստիկանապետի ժ/պ-ի հրամաններով զոհված ու վիրավորված ոստիկանները պարգևատրվեցին

Մխիթարյանը շարք կվերադառնա մոտ 1 շաբաթից

Ցեղասպանության թեմայով Թուրքիայի նախագահի հայտարարությունները մեկնաբանության արժանի չեն. ՀՀ ԱԳՆ