Բնակիչները սովոր են բոլոր թերացումներն ու բացերը բարդել քաղաքապետարանի վրա. Դիանա Գասպարյան

Էջմիածին քաղաքի Արամ Մանուկյան 1-ին թաղամասում մարտ ամսից սկսված կոյուղագծի անցկացման աշխատանքները դեռեւս չեն ավարտվել, բնակիչները հույս էլ չունեն, թե կավարտվեն: Նախատեսված է կառուցել 4500 մետր երկարությամբ կոյուղագիծ: Էջմիածնի զարգացման ծրագրի հիմքում դնելով քաղաքի համաչափ զարգացման եւ ծայրամասերի բարեկարգման առաջնահերթությունը, համայնքի առաջարկությամբ կոյուղագծի անցկացման հարցը ներառվել էր մարզում հրատապ լուծում պահանջող խնդիրների շարքում եւ հաստատվել Կառավարության կողմից:

«Քանդեցին, բերեցին խողովակներ գցեցին ու աշխատանքները դադարեցրեցին, մեծ բաց փոսերով մնում է այստեղ ու արդեն սկսել է անտանելի հոտ գալ»,-«Հայկական ժամանակ»-ի հետ զրույցում ասացին Արամ Մանուկյան 1 հասցեի բնակիչները: Նրանց խոսքով՝ աշխատանքները դադարեցվել են, երբ պարզվել է, որ նախագծում սխալ են արել՝ տեղանքի ու գծագրի միջեւ անհամապատասխանություն կա: Մեր զրույցում նրանք նշեցին, որ քաղաքապետը խուսափում է որեւէ հստակ բան ասելուց, թե վերջն ինչ են անելու:

«Ծրագիրը կազմվել է Էջմիածնի համայնքապետարանի պատվերով, ջրմուղն էլ չի ընդունում, քանի որ սխալ ծրագիր են արել: Դեռեւս հայտնի էլ չէ, թե ինչքան գումար են ծախսել այդ սխալ պրոյեկտի վրա: Աշխատանքները նախատեսված էր ավարտել 2 ամսում, հիմա էլ ասում են՝ մինչեւ օգոստոս»,-դժգոհեցին բնակիչները:

Համաձայն Հայաստանի տարածքային զարգացման հիմնադրամի եւ Էջմիածին համայնքի միջեւ կնքված համաձայնագրի՝ Էջմիածնի Արամ Մանուկյան 1-ին թաղամասում մեկնարկել են կոյուղագծի կառուցման աշխատանքները: Էջմիածնի քաղաքապետ Դիանա Գասպարյանը «Հայկական ժամանակ»-ի հետ զրույցում նշեց, որ մրցույթի պատվիրատուն քաղաքապետարանը չէ եւ դրա ընթացքի հետ կապված որեւէ միջամտություն չի կարող անել:

«Մրցույթն ունի պատվիրատու, սակայն մենք էլ անընդհատ բանակցում ենք հիմնադրամի հետ, որպեսզի խնդիրն արագ լուծում ստանա: Մենք միայն պետք է տրամադրեինք մեր համաֆինանասավորման չափը, որը վաղուց արել ենք»,-ասաց Գասպարյանը:

Վերջինիս խոսքով՝ տարածքի վերանորոգումը նշված է որպես հրատապություն պահանջող խնդիր, քանի որ տասնամյակներ շարունակ տարածքը կոյուղագիծ առհասարակ չի ունեցել եւ հրատապության շրջանակներում կառավարության աջակցությամբ ծրագիրը պետք է իրականացվի:

Ծրագիրն իրականացվում է համայնքի՝ 20%-ի չափով համաֆինանսավորմամբ, որ կազմում է 17 միլիոն 600 հազար ՀՀ դրամ: Էջմիածնի քաղաքապետը եւս փաստեց, որ շինարարության ընթացքում նախագծից շեղում է եղել, այժմ նախագիծը կարծես թե վերջնականացվել է եւ մոտ օրերես աշխատանքները կվերսկսվեն: Դիանա Գասպարյանը նշեց, որ պայմանագրի ժամկետ չի խախտվել, պարզապես նախագիծը համաձայնեցնելու փուլում թեթեւ խնդիր է առաջացել:

«Մինչեւ օգոստոս ամիս ժամանակ ունի շինարարական ընկերությունը, այդ իմաստով ժամկետ չի խախտվել: Նախագծով նախատեսված խորությունը շինարարական ընկերությունը չէր կարողանում ապահովել որոշակի պատճառներով, եւ աշխատանքները դադարեցվել էին: Ուղիղ պատասխանատու չլինելով այդ գործընթացին՝ մենք միջնորդի դեր ենք կատարել, որպեսզի այդ համաձայնությունը ձեռք բերվի: Հենց այսօր շինարարական կազմակերպության հետ խոսել ենք եւ հնարավոր է, որ մինչեւ օրվա վերջ արդեն տեխնիկա մտնի թաղամաս ու աշխատանքները վերսկսի»,-ասաց Դիանա Գասպարյանը:

Էջմիածնի քաղաքապետը նկատեց, որ բնակիչները սովոր են բոլոր թերացումներն ու բացերը բարդել քաղաքապետարանի վրա, սակայն այս դեպքում թերացումն իրենցը չէ, եւ այս ամբողջ ընթացքում Էջմիածնի քաղաքապետարանը բացառապես միջնորդի դեր է խաղացել ու ամեն ինչ արել, որպեսզի հնարավորինս արագ հարցը կարգավորվի:

Տպել
41533 դիտում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները

Վրաստան մուտքն արգելող որոշումը շարունակվում է ուժի մեջ մնալ. Ստեփանծմինդա-Լարսը բաց է միայն բեռնատարների համար

Իջևան-Բերդ ավտոճանապարհին մեքենան բախվել է էլեկտրասյանը․ տուժածներ չկան

ԵՊՀ հայ բանասիրության ֆակուլտետն իր անվստահությունն է հայտնել ծրագրերի և չափորոշիչների աշխատանքային խմբին

Հրշեջ-փրկարարները մարել են 7 հա տարածքում բռնկված հրդեհները

Վանաձորի բժշկական կենտրոն է դիմել 5 քաղաքացի՝ «սնկից թունավորում» նախնական ախտորոշմամբ

Երևանի Աղբյուր Սերոբի թիվ 1 շենքի բնակարաններից մեկում հայտնաբերվել է բնակչի դին