Հայաստանի ԱԳ փոխնախարարն ընդունեց ԵԱՀԿ գործող նախագահի Կովկասի հարցերով հատուկ ներկայացուցչին

03/06/2019 schedule19:21

Հունիսի 3-ին Հայաստանի արտգործնախարարի տեղակալ Արտակ Ապիտոնյանն ընդունեց ԵԱՀԿ գործող նախագահի Հարավային Կովկասի հարցերով հատուկ ներկայացուցիչ Ռուդոլֆ Միխալկային (Rudolf Michalka)։

Իր ողջույնի խոսքում  Արտակ Ապիտոնյանը բարձր գնահատեց ԵԱՀԿ Սլովակիայի նախագահության երկխոսությունը Հայաստանի հետ, ինչի վկայությունն են դեսպան Միխալկայի կանոնավոր այցելությունները Հայաստան և մասնակցությունը ԵԱՀԿ շրջանակներում համագործակցությանը վերաբերող միջոցառումներին։

Ռուդոլֆ Միխալկան ներկայացրեց Հարավային Կովկասի հարցերով հատուկ ներկայացուցչի պաշտոնում իր գործունեությունը և ծրագրերը: Կողմերը մտքեր փոխանակեցին Հայաստանի և ԵԱՀԿ միջև համագործակցության առկա վիճակի և զարգացման հեռանկարների ու այդ հարցում Հարավային Կովկասի հարցերով հատուկ ներկայացուցչի գրասենյակի հնարավոր դերակատարության շուրջ:

Փոխնախարար Ապիտոնյանը ներկայացրեց ԼՂ հակամարտության կարգավորման հարցում Հայաստանի դիրքորոշումը՝ վերահաստատելով հայկական կողմի հանձնառությունը Մինսկի խմբի համանախագահության շրջանակներում հակամարտության բացառապես խաղաղ կարգավորման հարցում։ Նա ընդգծեց, որ Հայաստանը մեծապես կարևորում է խաղաղության համար նպաստավոր միջավայրի ձևավորումը և այդ համատեքստում մտահոգություն հայտնեց վերջերս Ադրբեջանի ռազմական սադրանքի հետևանքով իրավիճակի սրման և Արցախի պաշտպանության բանակի զինծառայողի սպանության, ինչպես նաև Ադրբեջանի խորհրդարանում հնչեցված բռնության ու այլատյացության կոչերի առնչությամբ։

Կողմերն անդրադարձան ԵԱՀԿ շրջանակներում վստահության ամրապնդման միջոցառումներին, այդ թվում՝ հասարակությունների միջև շփումների հարցին։ Փոխնախարար Ապիտոնյանն ընդգծեց, որ հանրությունների միջև շփումները հավելյալ արժեք կարող են ունենալ, եթե լինեն ներառական՝ ընդգրկելով նաև Արցախի հասարակության ներկայացուցիչներին։

Տպել
395 դիտում

Առաջին ազատումը՝ Վալերի Օսիպյանի հրաժարականից հետո. 7-րդ վարչության պետն ազատվել է աշխատանքից

Վայոց ձորի մարզի որոշ դպրոցներում իրավիճակի թեժացման փորձերը մտահոգիչ ենք համարում. ԿԳՄՍՆ

Ամուլսարի պաշտպանության համար Երեւանում մեկնարկել է հանրահավաք

Նիկոլ Փաշինյանն ու Լիբանանի ազգային պաշտպանության նախարարը քննարկել են պաշտպանության ոլորտի փոխգործակցության հարցեր

Ադրբեջանցիները թող պատրաստվեն ջախջախվելու՝ սա իսկական առիթ է. Լեւոն Շիրինյան

Ես ոչ մի ծանր բան չեմ արել, զինվորական եմ եղել, նշված հրամաններն էլ ես չեմ գրել․ Սեյրան Օհանյան

ԵՄ-ն շարունակելու է լայն աջակցության ցուցաբերել Հայաստանին. Եվրոպական հանձնաժողովի ներկայացուցիչը՝ Տ. Ավինյանին

Հայ ծանրորդները վաղվանից սկսում են պայքարն աշխարհի առաջնությունում

Երրորդմասցի Լյովիկի եւ նրա ընկերների սպանության գործով Գաստիկի, Ծըգլի եւ Տլեի պատիժը խստացվեց. 18-ից դարձավ 21

Ես հիմա ո՞ւմ գնամ-խնդրեմ՝ երաշխավորի․ դատարանը Սեյրան Օհանյանին թույլատրեց բուժման նպատակով բացակայել երկրից

ԱԱԾ տնօրենը հայտարարություն է արել իր հրամանատարի դեմ, այդ պահին նա դեռ ԱԱԾ ղեկավարն էր. Արտակ Գալստյան

Հայտարարություն մրցույթի մասին

QR վճարումներ Հայբիզնեսբանկի մոբայլ բանկինգի հավելվածում

Գրեմիի մրցանակակիր Jamiroquai խումբ, Բրեգովիչ, Եվգենի Պետրոսյան. մշակութային աշունը Երեւանում

Բացահայտվել է բնակարանային գողությունների շարք. երկու անձի մեղադրանք է առաջադրվել

Հայաստանում է Լիբանանի պաշտպանության նախարարի գլխավորած պատվիրակությունը

Հարգելի՛ դատավոր, Դուք «դռների տակ վնգստացող դատավորների» ցուցակո՞ւմ եք․ Ռոբերտ Քոչարյանի պաշտպան

Նյու Յորքում կբացվի անվանի հայ լուսանկարիչ Արա Գյուլերի ցուցահանդեսը

«Ռոմա»-ի երկրպագուները երգ են նվիրել Մխիթարյանին (ձայնագրություն)

Յուրի Ջորկաեֆը նշանակվել է ՖԻՖԱ-ի հիմնադրամի գլխավոր տնօրեն. նա հոկտեմբերի 6-ից 9-ը կայցելի Հայաստան