Մի քանի հոգին չի կարող խոսել հարյուրավոր բարերարներ ունեցող համայնքի անունից. «Այբ» կրթական հիմնադրամ

04/06/2019 schedule17:16

Այսօր մամուլում «Այբ»-ի վերաբերյալ ապատեղեկատվություն է տարածվել: Այդ կապակցությամբ տեղեկացնում ենք, որ նեղ անձնական շահերով համախմբված մի քանի հոգին չի կարող խոսել հարյուրավոր բարերարներ ունեցող համայնքի անունից, հատկապես որ այս մի քանի հոգանոց խմբի որոշ ներկայացուցիչների գործունեության և էթիկական նորմերի պարբերական խախտման պատճառով խաթարվել էր առողջ երկխոսության հնարավորությունը համայնքում, ստեղծվել էին «Այբ»-ի աշխատանքները բնականոն կերպով առաջ տանելու խոչընդոտներ:

Այս մասին ասված է «Այբ» կրթական հիմնադրամի հոգաբարձուների խորհուրդի հայտարարության մեջ, որը ներկայացնում ենք ստորեւ.

««Այբ» համայնքի ներսում կառուցողական երկխոսությունը վերականգնելու և աշխատանքի քաղաքակիրթ կանոններ վերահաստատելու համար «Այբ» ակումբը համակարգային բարեփոխումներ իրականացնելու որոշում է կայացրել. բարեփոխումների քայլերից մեկը եղել է «Այբ» ակումբի ինքնալուծարումը:

«Այբ»-ի բոլոր կառույցները, համահիմնադիրները (8 հոգի), բացառությամբ մեկի, միասնական են այբական առաքելությունը շարունակելու և մեր երկրում կրթության վերափոխմանը ծառայելու հարցում։ Այսօր հենց այդ մեկի համահեղինակությամբ է մամուլում հայտնվել ապատեղեկատվություն՝ փորձելով «Այբ» ակումբի ինքնալուծարումը ներկայացնել որպես «փլուզում» և ապակողմնորոշել թե՛ հանրությանը և թե՛ պետությանը։

Պարզաբանենք։

Նախորդ տարեվերջին՝ դեկտեմբերի 23-ին, «Այբ» ակումբը, «Այբ»-ի (համայնքի) բարեփոխման և զարգացման նպատակով, կայացրել է ինքնալուծարման մասին որոշում՝ 26 «կողմ» ձայնով։ Ակումբի անդամները 36-ն են, քվեարկությանը մասնակցել են 28-ը։ Կանոնադրությամբ սահմանված կարգով՝ ինքնալուծարման որոշման համար անհրաժեշտ է ընդհանուր ձայների առնվազն 2/3-ը՝ 24 ձայն։ «Այբ» ակումբի ինքնալուծարման պարագայում «Այբ» կրթական հիմնադրամի հոգաբարձուների խորհրդին է վերապահվել «Այբ»-ի առաքելության շարունակականությունն ապահովելու գործառույթը։ Որոշման համաձայն՝ հիմնադրամի հոգաբարձուների խորհուրդն է ակումբի միակ իրավահաջորդը, հետևաբար որևէ այլ կողմ չի կարող հանդես գալ լուծարված «Այբ» ակումբի անունից։ Հիմնադրամի հոգաբարձուների խորհուրդը հավատարիմ է բոլորի համար լավագույն կրթություն ապահովելու «Այբ»-ի առաքելությանը։ «Այբ»-ի բոլոր կառույցները միշտ են եղել թափանցիկ ու օրինակելի և շարունակելու են մնալ այդպիսին։

Արդեն տևական ժամանակ է՝ հետևողականորեն փորձ է արվում վարկաբեկել «Այբ»-ի անունը՝ անանուն կերպով, առանց որևէ աղբյուրի կամ փաստի. այսօրվա հայտարարությունը որոշակիացնում է այդ փորձերի հեղինակներին։ Մենք հայտարարում ենք, որ «Այբ» կրթական հիմնադրամն ու դպրոցն իրագործում ու շարունակելու են իրագործել իրենց առջև կանոնադրությամբ դրված բոլոր նպատակները, և այսօրինակ փորձերը չունեն ո՛չ որևէ հիմք, ո՛չ էլ՝ հեռանկար։ «Այբ»-ի անունից անօրինական կերպով հնչեցվող տեսակետները, ինչպես նաև «Այբ»-ին ուղղված մեղադրանքները ապատեղեկատվություն են և կարող են ունենալ իրավական հետևանքներ։ Մեր առաքելությունը բոլորին լավագույն կրթությամբ ապահովելն է, «Այբ»-ն իր գործունեությամբ չի կարող սպասարկել առանձին նեղ շահերի։

Տարածված հայտարարությունը չի արտացոլում «Այբ» հիմնադրամի հոգաբարձուների խորհրդի, լայն համայնքի, համահիմնադիրների (բացառությամբ մեկի) տեսակետները և չունի «Այբ»-ի գործունեության բարեփոխման ծրագրի հետ որևէ առնչություն:

«Այբ»-ի ծրագրերին աջակցող բարերարների ճնշող մեծամասնությունը միասնական է և շարունակում է իր բարեգործական առաքելությունը կրթության ոլորտում»:

Տպել
1162 դիտում

Այսօր Կենտրոնական բանկը իրականացրել է 10 միլիոն դոլարի գնում. վարչապետ

20 խոշորացված համայնքի տրամադրվել են փոքր դրամաշնորհներ

Վերանորոգվել է Գուգարքի հրշեջ-փրկարարական ջոկատը, տեղադրվել է հուշաքար՝ նվիրված հրշեջ-փրկարար Սամվել Դևելյանի հիշատակին

Շնչառական վարակներով պայմանավորված բացակայությունների առումով կրթական հաստատություններում դրական շարժընթաց է դիտվում

Նորագավթի ՃՈ հենակետի մոտակայքում բախվել են «Opel Corsa»-ն եւ «Infinti FX35»-ը. տուժածները հոսպիտալացվել են

Արցախում դադարեցվել են հանրակրթական եւ նախադպրոցական ուսումնական հաստատությունների պարապմունքները

Ամբերդ ամրոց և Քարի լիճ տանող ավտոճանապարհները անորոշ ժամանակ փակ կլինեն. ԱԻՆ

Մասնավոր անձի հեռախոսային ձայնագրառումը կարող է որպես ապացույց համարվել. Վճռաբեկ դատարանը նախադեպային որոշում է ընդունել

Արարատ Միրզոյանի գլխավորած պատվիրակությունն այցելել է Դանիայի Արդյունաբերական կոնֆեդերացիա

ՀՀ վարչապետ Նիկոլ Փաշինյանն այսօր հարցազրույց կտա Հանրային հեռուստաընկերությանը

Երևանի կենդանաբանական այգում տուբերկուլյոզի հարուցիչներ չեն հայտնաբերվել. առաջիկա օրերին այգին կվերսկսի գործունեությունը

Ռուբինյանց փողոցի բնակարանում բռնկված բարդ հրդեհը մարվել է. ԱԻՆ (տեսանյութ)

Սուրեն Պապիկյանի անձնական կյանքի գաղտնիք համարվող տեղեկությունն ապօրինի հավաքելու, տարածելու համար քրգործ է հարուցվել

Ոստիկանները Դիլիջանի թիվ 2 դպրոցում խոշոր չափի գումարի յուրացման դեպք են բացահայտել (տեսանյութ)

Մայրության նպաստ կնշանակվի նաեւ ծննդօգնության պետական հավաստագիր չներկայացնելու դեպքում

ՀՀ հունահռոմեական ոճի ըմբշամարտի հավաքականում 77կգ քաշային կարգի պատճառով սկանդալը շարունակվում է

Թումանյանի բաժնի ոստիկանները ապօրինի ծառահատման դեպք են բացահայտել

Նիկոլ Փաշինյանը շնորհավորական ուղերձ է հղել Արցախի վերածննդի օրվա կապակցությամբ

Որոշ մարզերում ձյուն է տեղում, «Մեղրու սար» կոչվող հատվածում մառախուղ է. ԱԻՆ

ԱԺ-ում քննարկվել է հայ-թուրքական սահմանի երկայնքով տեղակայված գյուղատնտեսական նշանակության հողերի օգտագործման կարգը