Մենք շատ ուրախ ենք, որ Հայաստանի նոր կառավարության հետ շատ, շատ ամուր համագործակցություն ունենք. Էռնեկյան

Մենք շատ հաջողակ եղանք, որովհետեւ Հայաստանում մեծ զարգացումներ արձանագրեցինք: Կարծում ենք, որ շարունակելու ենք օժանդակել երկրի տնտեսությանը եւ զարգացնելու «Զվարթնոց» օդանավակայանը, որպեսզի ունենա ավելի լայն հնարավորություններ: Այս մասին այսօր լրագրողների հետ զրույցում ասաց «Կորպորասիոն Ամերիկա օդանավակայաններ» ընկերության գործադիր տնօրեն Մարտին Էռնեկյանը:

Էռնեկյանն ասաց, որ վերանայելու են նաեւ մյուս նախագծերը, որ ունեն Հայաստանում եւ նոր նախագծեր են ձեռնարկելու: Էռնեկյանն ասաց, որ մեծ խնդիրների եւ խոչընդոտների չեն հանդիպում այստեղ. «Մենք շատ ուրախ ենք, որ Հայաստանի նոր կառավարության հետ շատ, շատ ամուր համագործակցություն ունենք: Նոր կառավարության հետ մենք աշխատելու ենք, որպեսզի սահմանենք նոր ներդրումների համար առաջնահերթությունները»:

Էռնեկյանը նշեց, որ տեղյակ են «Զվարթնոց» օդանավակայանի հին ուղեւորային համալիրի կարեւորության մասին, մշակութային առանձնահատկությունների մասին եւ իրենք աշխատելու են, որպեսզի հնարավորություններ ստեղծվի՝ դա պահպանելու համար:  

Հարցին՝ ՀՀ վարչապետն ասաց, որ Շիրակի օդանավակայանը պետք է զարգացնել, որպեսզի ուղեւորափոխադրումները զարգանան, այդ ուղղությամբ աշխատանքներ տարվո՞ւմ են, Էռնեկյանը պատասխանեց. «Մենք համագործակցում ենք Շիրակ օդանավակայանի ճարտարապետների հետ եւ արդեն գրեթե պատրաստ ենք սկսել վերանորոգման աշխատանքները՝ իրենց հետ համագործակցելով»:

Նշենք, որ Երեւանում ընթանում է «Կորպորասիոն Ամերիկա օդանավակայանների» ղեկավարության գագաթնաժողովը: Միջոցառմանը մասնակցում են Հայաստանի, Արգենտինայի, Բրազիլիայի, Էկվադորի, Իտալիայի, Պերուի եւ Ուրուգվայի օդանավակայանների 120 ղեկավար անձինք եւ աշխատակիցներ՝  Օդանավակայանների միջազգային խորհրդի ղեկավար մարմնի նախագահ, «Կորպորասիոն Ամերիկա օդանավակայաններ» ընկերության գործադիր տնօրեն Մարտին Էռնեկյանի գլխավորությամբ:

Միջոցառման ընթացքում օդանավակայանների ներկայացուցիչները ներկայացնում են ավիացիոն ոլորտի իրենց լավագույն փորձը, նվաճումները, քննարկում ոլորտի առջեւ կանգնած մարտահրավերները: 2014 թվականին Արգենտինայում մեկնարկած նման ձեւաչափով հանդիպումները կրում են շարունակական բնույթ եւ միտված են աշխատանքներում առավել բարձր արդյունքի ապահովմանը: Վերջին անգամ հանդիպումը տեղի էր ունեցել 2016 թվականին Բրազիլիայում: Այս տարի Հայաստանն է հանդես գալիս որպես հյուրընկալող երկիր:

Տպել
980 դիտում

Կարմիր բաճկոն հագնելու շուրջ վիճաբանության ժամանակ 1 անձ սպանվել էր, ևս 2-ը ստացել էին հրազենային վնասվածքներ

Մի շարք շենքերի կապիտալ վերանորոգման համար ԿԳՄՍ նախարարությանը 444 մլն դրամ կհատկացվի

Հայկ Հարությունյանի ինքնասպանության գործով վկան մի քանի օրով է լքել Հայաստանը. բազմաթիվ ապացույցներ են ձեռք բերվել

«Պետք է երաշխավորենք, որ այս գումարը դառնալու է բարձր որակի ենթակառուցվածք». 10 մլն եվրոյի դրամաշնորհ՝ գյուղոլորտին

Նայում ես ու աչքերիդ չես հավատում. Նիկոլ Փաշինյան

Կառավարությունն Արթուր Ալեքսանյանի անվան մարզադպրոցին 23.9 մլն դրամ կտրամադրի

Այսօր ՀՀԿ կենտրոնական գրասենյակ է այցելել ՀՔԾ քննիչը. Աշոտյան

Ուսանողները փուչիկ են պայթեցրել, խեղդվում են. արտակարգ իրավիճակ Երեւանի բժշկական քոլեջում

Այս փոփոխությունը իր հետեւից բերելու է լուրջ տեղաշարժեր ավիացիոն շուկայում. վարչապետ

Մենք շատ լուրջ արտակարգ իրավիճակ ունենք Սյունիքի մարզում. պոչամբարից աղտոտված ջրերը հոսել են դեպի Ողջի գետ. վարչապետ

Երեկ 50 հրդեհ ենք ունեցել hանրապետությունում. Ֆելիքս Ցոլակյան

Նաիրա Ճնգրյանը նշանակվեց ֆինանսական համակարգի հաշտարարի գրասենյակի հոգաբարձուների խորհրդի անդամ

Հիվանդանոցում մնացած վերջին աշակերտն ապաքինվել է

Մեկնարկել է ՀՀ կառավարության հերթական նիստը. օրակարգում ներառված է 22 հարց

Քաջարանի կոմբինատը ջրօգտագործման նոր հայտ է ներկայացրել․ ի՞նչ է սպասվում Սյունիքի գետերին. ՀԲՃ

Տավուշի մարզում ծառահատումները դեռեւս շարունակվում են. հայտնաբերվել է 304 հատ կտրված ծառ

Մարտի 1-ի գործով նախկին քաղբանտարկյալ Դավիթ Մաթեւոսյանը կդիմի Վճռաբեկ՝ արդարացման պահանջով

Կապանում սողանքի հետևանքով փլուզվել է երկհարկանի բնակելի շինություն. ներսում քաղաքացիներ կան

Ապօրինի թմրաշրջանառության շղթա է բացահայտվել (տեսանյութ)

Կախեք դրանց. տեսարանների սպասելիս