Առաջին թեմատիկ այգին բացվել է Հացիկում (լուսանկարներ)

Շիրակի մարզի Հացիկ համայնքում`«Ջինիշյան» հիշատակի հիմնադրամի «Ակտիվ երիտասարդները փոփոխության համար 2018-2019» ծրագրի «Թեմատիկ այգի» նախագծի շրջանակներում կատարվեց այգու բացում, որի ստեղծման համար հիմնականում օգտագործվել է երկրորդային օգտագործման հումք:

Ծրագրի պատասխանատուների խոսքով, իրենց նպատակն է բարձրացնել բնակչության տեղեկացվածությունը աղտոտվածության վնասակար ազդեցության մասին, եւ հանդես գալ խնդրի լուծման առաջարկություններով:

«Քանի որ Հացիկ գյուղը Գյումրիից ընդամենը 5կմ է հեռու, բայց անմխիթար ճանապարհների պատճառով կարծես մեկուսացված լինի քաղաքից, չկա նաեւ խաղահրապարակ, իսկ դպրոցն ունի վերանորոգման կարիք, եւ միայն այս տարի են կատարվում շինաշխատանքներ, այդ պատճառով ընտրվեց քաղաքին մոտ, բայց խնդիրներ ունեցող այս համայնքը:

Մինչ այգու բացումը, մենք հանդիպումներ եւ սեմինարներ ենք անցկացրել Հացիկ գյուղի աշակերտների հետ, ներկայացրել ենք պլաստիկ իրերի վնասակար ազդեցության մասին, ապա աշակերտների եւ երիտասարդ կամավորների հետ շաբաթօրյակներ են կազմակերպվել մարզի մի շարք տարածքներում, որտեղից հավաքված աղբը՝ պլաստիկ շշերը, ոչ թե ոչնչացրել ենք, այլ վերամշակել ու դպրոցի հարեւանությամբ գտնվող տարածքում հիմնել ենք այգի՝ տեղադրելով պլաստիկ շշերից աղբամաններ, նստարաններ, մեքենայի չօգտագործվող անիվներից` ճոճոնակներ եւ այլն,»-պատմում է ծրագրի պատասխանատու Լենա Հովհաննիսյանը:

Այգու բացման ընթացքում երիտասարդներն ուսուցողական խաղեր եւ ոչ ֆորմալ դասընթաց էին կազմակերպել աշակերտների համար՝ նախանշելով, որ այգին հատուկ բնապահպանական նպատակ ունի, որտեղ անընդմեջ դասընթացներ ու գործնական աշխատանքներ են կատարվելու:

Այգու ստեղծման գործում ներդրած ջանքերի համար շնորհակալագրեր ստացան ծրագրի կամավորները, դպրոցի տնօրինությունն ու համայնքի վարչական ներկայացուցիչը:

Լենա Հովհաննիսյանը նշեց, որ ծրագիրը կրելու է շարունակական բնույթ։

«Մենք ուզում ենք, որ ծրագրի կամավոր աշակերտները, երիտասարդները շարունակեն այս աշխատանքը, քանի որ ծրագրի նպատակը ընդամենը կանաչ տարածք ստեղծելը չէ, այլ բնապահպանական գրագիտությունը բարձրացնելը»,- եզրափակոց Հովհաննիսյանը։

Ռիմա Կարճիկյան

Տպել
1083 դիտում

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

Ամուլսարի շահագործմանը փայլուն եմ վերաբերվում. Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին

Հայաստանի ազատ ոճի ըմբիշները ձեռնունայն կվերադառնան Աշխարհի առաջնությունից

Ադրբեջանում գտնվող Ղազարյանները պետք է վերադարձվեն Հայաստանին. Զոհրաբ Մնացականյան

Ծանրամարտի Աշխարհի առաջնություն. Իզաբելա Յայլյանը 6-րդն է B խմբում

Վարչապետը շնորհավորական ուղերձ է հղել Մալթայի վարչապետին Անկախության օրվա կապակցությամբ

Գյումրիում տոնը շարունակվում է (լուսանկարներ)

ՀՀ վարչապետի գլխավորած պատվիրակությունը Գյումրիից մեկնել է ԱՄՆ

Ամենօրյա պայքար հանուն անկախության

Իմ դեմ կեղծ ցուցմունք են տվել. Վայոց ձորի մարզպետը՝ իր օգնականի մասնակցությամբ միջադեպի մասին

Քաջարան-Մեղրի ավտոճանապարհին մառախուղ է՝ տեսանելիությունը 1-2 մետր

Միայն հարգանքից ելնելով է առաջարկվել Վանեցյանի եւ Օսիպյանի ազատումը ձևակերպել հրաժարականի դիմումներով. ԱԺ նախագահ

«Մուլտի Գրուպ» կոնցեռնի տնօրենին մեղադրանք է առաջադրվել նաև առանձնապես խոշոր չափի փողերի լվացման համար. ՔԿ

Մենք ունենք 2 պետություն, բայց 1 հայրենիք եւ մեր նպատակը 1 պետություն, 1 հայրենիք ունենալն է. Դավիթ Բաբայան

Հայաստան է ժամանել Բելառուսի Զինված ուժերի գլխավոր շտաբի պետը

Ես Արցախ եմ հրավիրելու այս բոլոր մրցանակակիրներին և նորից մեծարելու եմ նրանց. Բակո Սահակյան