Կառավարության սուբվենցիոն ծրագրերի մրցույթները համայնքների կողմից դանդաղում են

Կառավարության 2019թ-ի հունվարի 31-ի թիվ 62 N որոշմամբ սահմանված կարգով` մարզի 25 համայնքներից 60 ծրագրային հայտ է ներկայացվել տարածքային կառավարման եւ զարգացման նախարարություն, որտեղ առաջին փուլով մերժվել է 2 ծրագիր՝ Լերմոնտովոյի գերեզմանատան ցանկապատման եւ Լեռնավանի եկեղեցու բակի բարելավման ծրագրերը: Այս մասին հայտարարեց Լոռու մարզպետարանի աշխատակազմի զարգացման ծրագրերի, զբոսաշրջության եւ վերլուծության բաժնի պետ Հասմիկ Մկրտչյանը՝ մարզի համայնքների հետ մարզպետի կողմից անցկացվող ընդլայնված խորհրդակցության ժամանակ:

Հավանության արժանացած 58 ծրագրային հայտերից 2-րդ փուլով տարածքային կառավարման եւ զարգացման նախարարության կողմից դրական եզրակացություն է ստացել 54 փաթեթ, սահմանված կարգով մինչեւ մայիսի 25-ը 54 ծրագրային փաթեթները ներկայացվել են  նախարարություն: 4 ծրագրային հայտ դուրս է մնացել՝ Վանաձորի փողոցների լուսավորություն, Սարամեջի խմելու ջրի ծրագիրը, Գյուլագարակի դասարանները եւ Ջրաշենի ճանապարհների ասֆալտապատման ծրագրերը:

54 ծրագրային հայտերի ընդհանուր արժեքը կազմում է 2 մլրդ 286 մլն դրամ, որից համայնքների ներդումը` 1 մլրդ 59 մլն, իսկ պետական աջակցությունը` շուրջ 1մլրդ 166 մլն դրամ գումար: 4 ծրագրերում այլ ներդրողներ կան:

Բաժնի պետը հայտնեց, որ միջկառավարական հանձնաժողովը սկսել է ծրագրերի ամփոփման փուլը, արդյունքների վերաբերյալ պարբերաբար տեղեկացնում են համայնքներին. «Այս պահին ունենք հաստատված 11 ծրագրեր, որից 3-ը հաստատվել են պայմանով՝ միջգերատեսչական հանձնաժողովի դիտողությունները պետք է հաշվի առնեն ու ներառեն նախահաշվային փաստաթղթերում: Սահմանվելու է խիստ հսկողություն վերոհիշյալ աշխատանքների իրականացման համար»,-ասաց բաժնի պետն ու առաջարկեց մինչեւ գնման գործընթացը համաձայնեցնեն մարզպետարանի հետ:

Իսկ այն համայնքները, որոնց ծրագրերը դիտողություն կամ նկատառումներ չեն ստացել հանձնաժողովի կողմից, Հասմիկ Մկրտչյանը համայնքների ղեկավարներին հորդորեց հնարավորինս արագ կազմակերպել մրցութային գործընթացները:

Լոռու մարզպետ Անդրեյ Ղուկասյանը բաժնի պետից հետաքրքրվեց՝ վերջնական հավանության արժանացած 11 ծրագրերից քանի՞սն են արդեն իսկ մրցույթ հայտարարել. «Մրցույթ է հայտարարվել Լեռնապատի ծրագրով, պետք է կայանար նաեւ Լոռի բերդ համայնքի մրցույթը, մյուս համայնքների վերաբերյալ տեղեկություններ չկան»,-պատասխանեց Հասմիկ Մկրտչյանը:

Անդրեյ Ղուկասյանը հետաքրքրվեց, թե ինչն է խնդիրը: Վանաձորի քաղաքապետ Մամիկոն Ասլանյանը որպես պատճառ նշեց գնման գործընթացի հետ կապված ձգձգումները: Մարզի ղեկավարը պահանջեց մրցույթների հայտարարությունները ուղղարկել նաեւ մարզպետարան՝ պաշտոնական էջերով տարածելու նպատակով. «Ունենք ժամանակային խնդիր, էնպես չստացվի, որ ծրագրերի մի մասն անցնեն մյուս տարվա մեջ: Պետք է հնարավորինս արագ անել եւ այս տարի ավարտել բոլոր 54 ծրագրերը»:

Տպել
398 դիտում

Նախկիններն իրականում շատ կեղտոտ ծուղակ հյուսեցին Սահմանադրության մեջ, հանգուցալուծումն ԱԺ տիրույթում է․ Ս․ Սաֆարյան

Դատական դեպարտամենտի ղեկավարն ինքն է ներկայացրել հաղորդում հանցագործության մասին. ԲԴԽ

Չեմ բացառում, որ կոալիցիոն կառավարություն ստեղծվի. Վրաստանի վարչապետ

Վենետիկի հանձնաժողովն անդրադարձել է ՀՀ Սահմանադրական դատարանի հետ կապված զարգացումներին

Բռնցքամարտիկ Բարեղամ Հարությունյանը դուրս եկավ ԵԽ 1/4 եզրափակիչ՝ հաղթելով բելառուսցի մրցակցին

Մինսկ-2019․ Գ. Հովհաննիսյանը հաղթեց թուրք բռնցքամարտիկին և դուրս եկավ 1/4 եզրափակիչ (լուսանկարներ)

Թուրքիայի ղեկավարությունը շարունակում է բացահայտորեն արհամարհել միջազգային հանրային կարծիքը. Մնացականյանը՝ ՄԱԿ-ում

Հայ զինվորի ու հրամանատարի ծառայությունն ու պայքարը իրենց զավակների, հայրենիքի ապահով և խաղաղ կյանքն է. կաթողիկոս

Երևանում հայ-վրացական միջկառավարական հանձնաժողովի նիստ կանցկացվի

Քննարկվել են Հայաստանի ու Վիետնամի միջեւ համագործակցության հեռանկարները

Գորիսում եւ Կապանում ցուցադրվել են սպառազինության և զինվորական տեխնիկայի նմուշներ

Մենք չենք կարող թույլ տալ Իրանին միջուկային զենք ունենալ. Թրամփ

Թբիլիսիում քամու հետևանքով երկաթյա կոնստրուկցիան ընկել է զբոսաշրջիկների վրա. կա 1 զոհ, 2 վիրավոր

Փրկարարները քաղաքացուն դուրս են բերել գետից եւ մոտեցրել շտապօգնության ավտոմեքենային

Ուժեղացված ծառայություն Շիրակում․ բաժիններ է բերվել 129 անձ, այդ թվում՝ «օրենքով գող». (տեսանյութ)

Ֆրանսիայի Շավիլ քաղաքում Շառլ Ազնավուրի անվան հրապարակ է բացվել

Ովքեր են պայքարում անկախ դատարանների դեմ եւ ինչու է դիմադրությունը կատաղի

ԵԽԽՎ-ում քննարկում են ՌԴ-ի ձայնի իրավունքի վերականգնումը. Վրաստանը, Ուկրաինան, Բրիտանիան ծայրահեղ քայլերի են պատրաստ

Նկարիչ Հենրիկ Ոսկանյանի անունով փողոց Երեւանում չի լինի. ավագանին մերժեց նախագիծը

Կանաչապատման աշխատանքների ընթացքը գոհացուցիչ չէ. Հայկ Մարության