Ես կարծում եմ՝ ներդրումներ կան եւ տնտեսությունը զարգանում է ու դրա մասին խոսում են թվերը. փոխվարչապետ

Շատ բաղադրիչներ կան, որոնք նշանակություն ունեն գազի գնի վերջնական ձեւավորման հետ կապված: Այս մասին այսօր ԱԺ-ում լրագրողների հետ զրույցում ասաց փոխվարչապետ Մհեր Գրիգորյանը՝ անդրադառնալով հարցին, թե՝ կարո՞ղ ենք ակնկալել, որ գազի սակագինը չի բարձրանա:

Գրիգորյանը ասաց, որ ցանկացած հանդիպման ընթացքում այդ հարցը քննարկվում է, բայց դեռեւս չի կարող ասել, որ ունեն վերջնական պայմանավորվածություններ:

«Այդ պայմանավորվածությունները այս փուլում չէին էլ կարող ամփոփվել, քանի որ բանակցությունների մի հատվածը վերաբերում է մարժային, այսինքն՝ տարիֆի ձեւավորմանը ՀՀ տարածքում «Գազպրոմ Արմենիայի» կողմից, եւ սահմանին գազի գնին, որը մեկ այլ բանակցությունների առարկա է: Շարժվում ենք այդ ուղղությամբ, հուսանք, որ հնարավոր կլինի անել այնպես, որպեսզի տարիֆը չբարձրացվի»,- նշեց փոխվարչապետը:

Հարցին՝ աշխատանքային խումբն արդեն 6 ամիս աշխատում է, ի՞նչ արդյունքներ են գրանցվել, հնարավո՞ր է կրճատել «Գազպրոմ Արմենիա»-ի ծախսերը, Գրիգորյանը պատասխանեց. «Հարցին դետալիզացված չեմ պատասխանի, բայց կան բազմաթիվ ծախսեր, որոնց շուրջ նախնական պայմանավորվածություն կա եւ դրանք պետք է նվազեցվեն «Գազպրոմ Արմենիա»-ի օպտիմիզացիայի հաշվին»:

Անդրադառնալով հարցին, թե արդյո՞ք ընկերության ծախսերն ուռճացված են եղել, փոխվարչապետն ասաց, որ ծախսեր շատ եղել են, չբացառեց, որ ուռճացված էլ են եղել, սակայն չի ցանկանում մանրամասն ներկայացնել. «Բանակցությունները կունենան վերջնական տեսք ու դուք դրա մասին կիմանաք»:

Խոսելով այն քննադատությունների մասին, թե գազի սակագինը պահպանվել է «Գազպրոմ Արմենիա»-ի աշխատակիցների կրճատման արդյունքում, Գրիգորյանը նախ հարցով պատասխանեց. «Իսկ դուք ունե՞ք տեղեկատվություն, որ աշխատակիցնե՞ր են արդեն իսկ կրճատվել: Չկա որեւէ բիզնես կամ ձեռնարկություն, որ կրճատման գործընթացներով պարբերաբար չանցնի: Դա հրամայականն է այսօրվա: Բնականաբար, որքան տեխնոլոգիաները զարգանում են, այնքան կրճատման խնդիրը, ցավոք սրտի, արդիական է դառնում: Այլ տարբերակ չկա: Կրճատումների եւ գազի սակագինը չբարձրացնելու մեջ ես կապ չէի արձանագրի»:

Անդրադառնալով իր հրաժարականի մասին մամուլի հրապարակումներին՝ Գրիգորյանն ասաց. «Անկեղծ ասած՝ ես բամբասանքներ չեմ մեկնաբանելու: Եթե դուք ունեք ավելի կոնկրետ ինչ-որ թեզ այդ հարցի շուրջ՝ կարող ենք քննարկել, բայց բամբասանքների մասին չեմ խոսելու»:

Դիտարկմանը, թե ընդդիմադիրներն ասում են, որ ներդրումներ չկան, ծավալը շատ քիչ է եւ նման տեմպով տնտեսություն չի զարգանալու, Գրիգորյանն արձագանքեց. «Ես կարծում եմ՝ ներդրումներ կան եւ տնտեսությունը զարգանում է ու դրա մասին խոսում են թվերը: Չե՞ք կարծում, որ այդպես է»:

Գրիգորյանը նշեց, որ ներդրումներ իրականացնելու գործընթացը երկար գործընթաց է. «Ինչ ներդրումների մասին խոսք կա այս պահին դուք գիտեք, որ մենք կառավարությունում այդ հարցը պարբերաբար քննարկում ենք: Կա շատ որոշակի շրջանակ պոտենցիալ ներդրողների եւ կան շատ որոշակի գաղափարներ, որոնց շուրջ մարդիկ աշխատում են եւ կարծում եմ՝ մոտ ժամանակներում կամփոփվեն»:

Տպել
10254 դիտում

Արմեն Սարգսյանը շնորհավորել է Ամենայն Հայոց Կաթողիկոսին՝ ծննդյան տարեդարձի առթիվ

Ամուսինը հրացանը մաքրելիս անզգուշաբար կրակել է կնոջ վրա. վերջինս տեղափոխվել է հիվանդանոց

Սարդարապատ և Նոր Արմավիր համայնքները կապող ճանապարհահատվածում մեկնարկել են ասֆալտապատման աշխատանքներ

ՀՀ բռնցքամարտի հավաքականը չի մասնակցի Երիտասարդների ԵԱ-ին՝ ԿԳՄՍՆ-ի անգործության կամ կոնկրետ հրահանգի պատճառով. Գեւորգյան

ՀՊՏՀ ռեկտորի ժամանակավոր պաշտոնակատար Ռուբեն Հայրապետյանը կթողնի զբաղեցրած պաշտոնը. նախարար

Դավադրությունների մասին խոսակցություններն անհիմն են. Քանանյան

Գերանդիով մարմնական վնասվածքներ է պատճառել 35-ամյա համագյուղացին. վեջինս մահացել է

Հեղափոխությունից հետո ՀՀ-ԵՄ հարաբերությունները նշանակալի օրակարգ ունեն. Նիկոլ Փաշինյան

Փաշինյան Նիկոլ, գալի՞ս ես անարդարությունը վերացնելու, եթե ոչ, ուրեմն շարունակում ես Սերժի մեղադրանքը․ Արմեն Բիլյան

Վանաձորի մի շարք թաղամասեր առավոտից հոսանքազրկված են. էլցանցից կոնկրետ պատճառ չեն նշում

Ucom-ի առաջին կորպորատիվ պարտատոմսերը թույլատրվել են առևտրի AMX ֆոնդային բորսայում

Երգչուհի Գայա Արզումանյանը գրանցված աշխատող է եւ հարկեր է վճարում. պրոդյուսեր

Սամվել Կարապետյանի եղբորորդու հետ կոնֆլիկտ ունեցած գործարարը դատի է տվել մի շարք լրատվամիջոցների

Oպերայի նախկին տնօրեն Կոնստանտին Օրբելյանի ներկայացրած հաղորդման հիման վրա քրեական գործի հարուցումը մերժվել է

Դավիթ Սանասարյանի գործով նախաքննության ավարտ է հայտարարվել. մեղադրանքի ձեւակերպումների մեջ փոփոխություններ են եղել

ՀՀ քաղաքացին դիմել է Դավիթ Անանյանին եւ իր մասնաբաժինը խնդրել զբոսաշրջիկների ծախսած գումարից. Փաշինյան

Մայր Աթոռի միաբանությունն ու պաշտոնեությունը շնորհավորեցին Ամենայն Հայոց Կաթողիկոսին ծննդյան տարեդարձի առիթով

Զարգացման շոկային տեմպեր. ՀՀ և Չինաստանի վարչապետերը մեծամասշտաբ համագործակցության պայմանավորվածությունների են հասել

Արտերկրում ելույթ ունեցող 13 ֆուտբոլիստ հրավիրվել է ազգային հավաքական

Ամուլսարի նախագիծը պե՞տք է անցնի նոր ՇՄԱԳ. վարչապետն ասում է՝ ինչու է «Էլարդի» եզրակացությունն ուղարկել ուսումնասիրելու