Լոռու մարզում գնալով ավելանում են շան կծածի դեպքերը, վիճակը սարսափելի է. ոլորտի պատասխանատու

Լոռու մարզում գնալով շատանում են շան կծածի դեպքերը: Միայն մայիս ամսին մարզի ողջ տարածքում արձանագրվել է շան կծածի 50-ից ավել դեպք, որը նախորդ տարվա նույն ժամանակահատվածի համեմատ կտրուկ ավելացել է: Այս մասին ՀԺ-ի հետ զրույցում ասաց հիվանդությունների վերահսկման եւ կանխարգելման ազգային կենտրոնի Լոռու մարզային կենտրոնի տնօրեն Անժելա Հովհաննիսյանը՝ հավելելով, որ ամենաշատ դեպքերը հիմնականում արձանագրվում են մարզկենտրոն Վանաձորում. «Բոլոր դեպքերով անմիջապես կանխարգելիչ պատվաստումներ ենք կատարում, բարեբախտաբար, լուրջ հետեւանքներ չենք ունեցել»,-ասաց նա:

Ոլորտի պատասխանատուն խնդրի մասին պարբերաբար է ահազանգում համայնքների ղեկավարներին: Վերջին ահազանգը օրեր առաջ էր՝ մարզպետի գլխավորությամբ ու համայնքների ղեկավարների ներկայությամբ Անժելա Հովհաննիսյանը հայտարարեց, որ խնդիրը մարզում իսկապես լուրջ է, իսկ թափառող կենդանիների կողմից բնակչությանը պատճառվող վնասը՝ մեծ. «Սարսափելի վիճակ է դպրոցների շրջակայքում: Թափառող շները վխտում են, եւ դա բավականին մեծ վտանգ է: Կատաղություն հիվանդություն կա հանրապետությունում, դա մահացու հիվանդություն է, եթե շունը վարակված է դրանով: Կանխարգելիչ պատվաստումները կատարվում են, բայց դա նշանակություն չունի, քանի որ շները վխտում են, իսկ մեր մարզում ոչ մի միջոցառում չի իրականացվում: Մենք կատարում ենք համաճարակաբանական հսկողություն եւ կանխարգելում: Այն, ինչը կապված է պատվաստումների հետ՝ կատարվում է, բայց համայնքների հետ կապված նշված խնդիրները չեն լուծվում, եւ մենք ունենում ենք հիվանդացությունների դեպքեր, հատկապես ամռան ամիսներին»,-համայնքների ներկա ղեկավարներին հորդորել էր Հովհաննիսյանն ու պահանջել մտածել այս ուղղությամբ: Համայնքների ղեկավարները իրենք եւս փաստեցին՝ թափառող կենդանիների հարցը իսկապես լուրջ է, իրենց կողմից քայլեր կատարվում են, սակայն դա բավարար չէ: Ալավերդու քաղաքապետը նշեց, որ փորձել են անգամ ոստիկանության հետ համատեղ վնասազերծում իրականացնել:

Քարաձորի գյուղապետի ժամանակավոր պաշտոնակատարն էլ հայտարարեց, թե քաղաքային համայնքների շներին տանում եւ բաց են թողնում գյուղերում, ինչը բորբոքեց քաղաքապետերին. «Էդ գյուղի ժողովուրդն է շներին քաղաք բերում թողնում»:

Մարզպետ Անդրեյ Ղուկասյանը տեղեկացրեց, որ առաջարկություն են ներկայացրել, որը հաստատվելու դեպքում համայնքներից մեկական հոգի կվերապատրաստվի թափառող կենդանիներին քնեցնելու, ստերջացնելու եւ այլ հարցերում. «Սակայն կենդանիներին կրակելու միջոցով ոչնչացնելը էսօր անընդունելի տարբերակ է»,-ասաց մարզպետը, ինչը սակայն համայնքների ղեկավարների սրտով չէր:

Նկատենք, որ համայնքների բյուջեներից, հատկապես քաղաքային, թափառող կենդանիների վնասազերծման համար, ասել է թե՝ կրակելու միջոցով սպանելու, ամեն տարի մի քանի միլիոն դրամ գումար է հատկացվում, մինչդեռ թափառող կենդանիների թիվն այդպես էլ չի պակասում, իսկ ոլորտի պատասխանատուները շարունակում են բավարարվել միայն ահազանգելով կամ էլ բարձրացրած խնդրի առկայության հետ համաձայնվելով: Ավելին չի արվում:

Տպել
818 դիտում

Հայկ Մարությանը պաշտոնական այցով մեկնում է Սանկտ Պետերբուրգ

Պրոդյուսերը բացահայտում է սպորտային-հումորային նոր հաղորդման մանրամասները

Առողջապահության ապահովագրության համակարգն ուզում ենք հասցնել ներդնել 2021 թվականից․ Արսեն Թորոսյան

Ալավերդի ընթանալիս «06»-ը վթարի է ենթարկվել, 12-օրական երեխան տեղում մահացել է

Աշոտ Մելքոնյանն այսուհետեւ կարող է անարգել մտնել Վրաստան. խնդիրն առաջացել էր տեխնիկական սխալմունքի պատճառով

Հայաստանն ու Արցախը պատերազմ չեն ուզում, բայց պատերազմի սպառնալիքով որեւէ մեկը չի կարող մեզ վախեցնել․ Փաշինյան

Ջերմաստիճանի բարձրացումը հրդեհի պատճառ կարող է դառնալ. ԱԻՆ-ը զգուշացնում է

ԿԲ-ն պահուստավորել է 131 մլն դոլար, մինչեւ ԿԲ նախագահը հասել է բանկ՝ թիվը հասել է 154 մլն-ի․ վարչապետը՝ տուրիզմի մասին

Եթե մարդը մեղավոր է, պետք է պատժվի, եթե ոչ, ոչ. Սամվել Հարությունյանի հայրը դատարանից օբյեկտիվություն խնդրեց

Կայացել է Հյուսիս-Հարավ ճանապարհային միջանցքի, կայուն զարգացման ներդրումային ծրագրերի խորհրդի նիստը

Իմ ընդդիմադիր գործունեության ընթացքում դուք չեք գտնի մի նախադասություն, որ իշխանությունից որեւէ լծակ ուզենամ․ վարչապետ

Ի՞նչ կենսագրություն ունի արդարադատության նորանշանակ նախարար Ռուստամ Բադասյանը

Վերջին ամիսներին ջրային ոլորտում ճգնաժամային կառավարում է իրականացվում․ Սուրեն Պապիկյան

Բակո Սահակյանը և Արկադի Ղուկասյանը միջնորդության փոխարեն պետք է վկայություն ներկայացնեին. կարծում է մարտի 1-ի զոհի այրին

4680 դպրոցահասակ երեխա կհանգստանա ամառային ճամբարներում

Գյումրիում մաքսատուն կառուցելու ծրագիրն ընթացքի մեջ է, տարածքն արդեն ընտրվել է․ վարչապետ

Զենքն անզգուշությամբ մաքրելիս Ուկրաինայի Գերագույն ռադայի պատգամավորը մահացել է

Սարգսյանն առաջարկում է փակել հիմնադրամի հաշվին խաղադրույք կատարող Վարդանյանի էջը, վերջինս արձագանքել է (տեսանյութ)

Քաղսի համայնքի երեխաներն իրենց ձեռքով իրենց համար ֆուտբոլի դարպաս են սարքել (լուսանկարներ)

Մխիթարյանը մեղրամիսն անցկացնում է Մալդիվներում