Քրեաօլիգարխիայի կարկառուն ներկայացուցիչ պատգամավորը ցանկանում է Աբովյանում հարցերը լուծել միայն գողականո՞վ․ մարզպետ

Աբովյանի ընտրությունների արդյունքները պետք է գնահատել մի քանի հարթություններում․ առաջինը՝ գլոբալ քաղաքական տեսակետից դա Հայաստանի հաղթանակն էր, քանի որ իրեն ընդդիմադիր հռչակած իր հովանավորյալ թեկնածուով հաղթանակ տոնեց, ինչը բնորոշ չէր մինչհեղափոխական Հայաստանին, երբ կառավարող ուժը գերխնդիր էր դնում տոտալ վերահսկողության տակ առնել բոլոր համայնքները։ Այս մասին այսօր ԱԺ-ում լրագրողների հետ զրույցում ասաց Կոտայքի մարզպետ Ռոմանոս Պետրոսյանը։

Երկրորդ հարթությունը, ըստ Պետրոսյանի, ռեգիոնալ քաղաքականությունն է, եւ այդ առումով «Քաղաքացիական պայմանագրի» քաղաքական թիմի տեսակետից արձանագրել են դե յուրե պարտություն․

«Դա մեր թիմի՝ լոկալ քաղաքական իմաստով պարտությունն էր, որը պայմանավորված էր քաղաքացու քվեով, բայց այդ պարտության մեջ ակնհայտ է արժանապատիվ քաղաքացու պարտությունը։ Ինչ ասել է՝ արժանապատիվ քաղաքացու պարտություն․ եթե մեր թիմը քարոզարշավը կազմակերպել է բացառապես բարոյական եւ ազնիվ քաղաքական դիսկուրսի դաշտում, ապա հաղթող թեկնածուն եւ ԲՀԿ-ն այդ հաղթանակին հասնելու համար բազմաթիվ փորձեր են կատարել՝ կիրառելով հին գործիքակազմեր, քրեաօլիգարխիկ գործիքակազմեր, որոնցից մեկն էլ մեր հանձնաժողովի անդամի բարձրաձայնման արդյունքում ես վեր հանեցի, եւ իրավապահները զբաղվում են»։

Կոտայքի մարզպետը քրեաօլիգարխիայի հետ կապված փաստ է ներկայացնում այն, որ քաղաքապետի թեկնածուն եւ իր շտաբը, ըստ իրեն, կառավարվում էր Գագիկ Ծառուկյանի մերձավոր շրջապատի գործիչների կողմից․

«Գագիկ Ծառուկյանի թիկնազորը տեղամասերի շրջակայքերում էր, եւ Աբովյանի ավագանու եթե ոչ ամբողջ, ապա գերակշիռ մասը նույնիսկ ենթաշտաբերի պետեր էին»,- նկատեց Ռոմանոս Պետրոսյանը։

Անդրադառնալով ԱԺ ԲՀԿ խմբակցության պատգամավոր, Գագիկ Ծառուկյանի թիկնազորի նախկին պետ Էդուարդ Բաբայանի այն հայտարարությանը, թե հանցագործության մասին հաղորդում ներկայացնողները «գործ տվողներ» են եւ Աբովյանը «գործ տվողների» քաղաք չպիտի լինի, Կոտայքի մարզպետը հարց հնչեցրեց՝ ի՞նչ է նկատի ունեցել պատգամավորը․ գործ տվողն այն քաղաքացին է, որն իրավապահներին ահազանգո՞ւմ է, գործ տվողն այն համայքնապետը կամ մարզպետն է, որը առերեւույթ հանցագործությունների դեպքում դիմում է իրավապահների՞ն․

«Քրեաօլիգարխիայի կարկառուն ներկայացուցիչ պատգամավորը ցանկացնում է Աբովյանում հարցերը լուծել միայն գողականո՞վ։ Այդ հարցերի շուրջ խոսելիք ունեմ ԱԺ նախագահի հետ եւ մտադիր եմ էթիկայի հանձնաժողով դիմելու նախաձռնություն ներկայացնել, որպեսզի պարզաբանի՝ ինչ նկատի ունի»,-ասաց Ռոմանոս Պետրոսյանը՝ եւս մեկ անգամ ընդգծելով, որ իրենք, այնուամենայնիվ, հարգում են քաղաքացու քվեն եւ ֆիքսում, որ պարտություն են կրել, բայց բարձրաձայնում են քարոզարշավի ընթացքում եղած խախտումների մասին։ Մարզպետը չբացառեց, որ գուցե իրենք են վատ աշխատել։

Առավել մանրամասն՝ տեսանյութում․

Տպել
8734 դիտում

Այս պահին Արցախի սահմանի ամբողջ երկայնքով հարաբերական հանգիստ է տիրում. Վահրամ Պողոսյան

Ադրբեջանական կողմը վերսկսել է հրետակոծել ՀՀ նույն դիրքի ուղղությամբ 82 մմ ականանետից և տանկից. ՊՆ

Հրապարակվել են ՀՀ ԶՈՒ կողմից սահմանին խոցված ադրբեջանական «ՈՒԱԶ»-ի լուսանկարները

Կորոնավիրուսն ու դրա դաշնակիցները

Փաստորեն մեր զինծառայողները շատ հմտորեն են ցավեցրել ադրբեջանցի զինծառայողներին. Շուշան Ստեփանյան

Պետություն-հասարակություն հարաբերությունների հիմնաքարը

Փրկարարները դադարեցրել են արդեն 3 օր կորած համարվող քաղաքացու որոնողական աշխատանքները

Նորմերի խախտման դեպքերով երեկվա դրությամբ կայացվել է 4372 կազմակերպության գործունեության դադարեցման որոշում

Շենգավիթ վարչական շրջանում վերահսկողություն է իրականացվել հանրային տրանսպորտում

Կուրթան համայնքի 5 բնակիչ սնկային թունավորմամբ տեղափոխվել է հիվանդանոց. 2-ի վիճակը ծանր է

Ադրբեջանի ՊՆ-ն հայտնում է 2 սպանվածի ու 5 վիրավորի մասին

Նուբարաշենի աղբավայրում hրդեհաշիջման աշխատանքները վերսկսվել են. աշխատանքներ են տարվում արդեն մի քանի օր

Ինչպես է բերման ենթարկվել «Վստրեչի ապեր»-ը. ոստիկանությունը տեսանյութ է հրապարակել

Շենգավիթ վարչական շրջանում խախտումներ են արձանագրվել միայն մեկ խանութում

Ադրբեջանի ԶՈՒ զինծառայողները ՈՒԱԶ մակնիշի ավտոմեքենայով Տավուշի սահմանը հատելու փորձ են արել. ՊՆ

Ոստիկանությունը հուլիսի 11-ին հայտնաբերել է արտակարգ դրության իրավական ռեժիմի խախտման 3516 դեպք

Հայաստանը ներկայացրել է ՄԱԿ-ի կայուն զարգացման նպատակների իրականացման Ազգային կամավոր գնահատման երկրորդ զեկույցը

Շենգավիթ վարչական շրջանի զբոսաշրջային վայրերում կրկնակի շրջայցի արդյունքում խախտումներ չեն հայտնաբերվել

Արցախում տարբեր զինատեսակների հմտություններն են սովորում ԱԱԾ հատուկ նշանակության վարչության տղաները. հետեւել է նախագահը

UNESCO-ն բազմիցս իր մտահոգություններն է հայտնել Թուրքիայի Սբ. Սոֆիայի կարգավիճակի հարցով